វប្បធម៌ ជំនឿ
ត្រណម ៣យ៉ាង គេចៀសធ្វើនៅថ្ងៃពុធ ព្រោះអាចនាំគ្រោះថ្នាក់ ឬស៊យដល់ជីវិត
ទោះបីសម័យកាលនេះ ជាសម័យកាលទំនើបជឿនលឿនក្ដី ប៉ុន្តែប្រជាជននៅតែជឿលើអប្បិយជំនឿដែលមានតាំងពីបុរាណកាលមក។ មនុស្សនិងជំនឿពិតជាមិនអាចកាត់ផ្ដាច់ពីគ្នាឡើយ។ រហូតមកដល់បច្ចុប្បន្នជំនឿទៅលើអរូបិយ នៅតែស័ក្តិសិទ្ធិ និងមានអ្នកគោរពប្រតិបត្តិមកជារឿយៗ។ ក្នុងនោះថ្ងៃពុធ ជាថ្ងៃមួយ ដែលចាស់ពីដើម មានរឿងត្រូវត្រណម ព្រោះខ្លាចជួបរឿងស៊យដល់ជីវិត។
១. ការរៀបអាពាហ៍ពិពាហ៍
ថ្ងៃពុធជាថ្ងៃដែលពិធីរៀបអាពាហ៍ពិពាហ៍ត្រូវបានហាមឃាត់ ព្រោះភពពុធ ឬ Mercury ជាទេវតំណាងឱ្យភាពប្រែប្រួល។ ហេតុនេះ ថ្ងៃពុធ មិនអាចផ្ដល់ភាពប្រាកដប្រជា ឬចំណងស្នេហ៍យូរអង្វែងដល់គូស្វាមីភរិយាថ្មោងថ្មីបានទេ។ អាពាហ៍ពិពាហ៍គួរតែជាពិធីមួយដែលផ្ដល់នូវភាពចម្រុងចម្រើន និងសិរីសួស្ដី ដូចនេះប្រសិនបើដេញវេលារៀបការ គួរចៀសថ្ងៃពុធឱ្យបាន។
ទោះជាយ៉ាងនេះក្ដី កូនកំលោះ ក្រមុំខ្លះ មិនឆុងជាមួយថ្ងៃពុធទេ ដូច្នេះពួកគេអាចរៀបការបាន តាមការគុណគូរនៃគ្រូហោរ។
២. សង់គេហដ្ឋានថ្មី
បើអ្នកជាមនុស្សចូលចិត្តរាប់ញាតិផៅ ឬភឿនសម្លាញ់ ការចាប់ផ្ដើមសង់ផ្ទះថ្មី គួរកុំធ្វើនៅថ្ងៃពុធ ព្រោះការសេពគប់មិត្ដភក្ដិ ច្រើនមិនសូវសមប្រកប មានគេច្រណែននិន្ទាឈ្នានីសមិនឈប់។ មិនតែប៉ុណ្ណោះ ទំនាក់ទំនងជាមួយសាច់ញាតិបងប្អូន នឹងជួបភាពប្រេះឆា រកពឹងពុំនាក់គ្នាមិនបាន។
យ៉ាងណាមិញ ចំពោះហុងស៊ុយលុយកាក់ ថ្ងៃពុធជាថ្ងៃនៃការបន្សល់ទ្រព្យសម្បត្ដិច្រើននៅក្នុងផ្ទះ និងរកស៊ីធូរផងដែរ។
៣. ការកាត់សក់
បើតាមជំនឿជនជាតិថៃ គេហាមកូនចៅគេមិនឱ្យកាត់សក់នៅផ្ងៃពុធឡើយ ព្រោះការកាត់សក់នៅថ្ងៃពុធ ប្រៀបបាននឹងនាំសំណាងអាក្រក់ឱ្យខ្លួនឯងអ៊ីចឹងដែរ ថែមទាំងជាថ្ងៃដែលនាំតែរឿងទឹកភ្នែកជូតក្បាលជង្គង់។ ដូច្នេះជាងកាត់សក់ភាគច្រើន មិនបើកហាង ឬតូបនៅថ្ងៃពុធទេ។
ផ្ទុយមកវិញ ប្រជាជនខ្មែរ ប្រកាន់ជំនឿ មិនកាត់សក់នៅថ្ងៃអង្គារ ព្រោះជាថ្ងៃស៊យ ឬអាចនាំគ្រោះដល់ជីវិត៕
អត្ថបទ៖ សន្យា
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង