វប្បធម៌ ជំនឿ

គ្រូហុងស៊ុយ ថៃ បកស្រាយចម្ងល់ អាវក្រហមនិងខៀវ ពាក់ថ្ងៃចូលឆ្នាំ ចិន មួយណាត្រូវជាមួយធាតុទឹក

បានផុស

៤ years មុន

នៅ

ថ្ងៃសុក្រ ២៨ មករា ២០២២

ដោយ

ខណៈជិតដល់ថ្ងៃចូលឆ្នាំចិនហើយ ប៉ុន្តែមានរឿងមួយដ៏ចម្រូងចម្រាស សម្រាប់បងប្អូនប្រជាជនចិន ឬកាត់សែស្រឡាយ កំពុងតែមានមន្ទិល តាមគ្រូហុងស៊ុយថា ឆ្នាំនេះ ត្រូវតែពាក់អាវពណ៌ទឹកប៊ិច ដោយសារឆ្នាំខាល ធាតុទឹក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទន្ទឹមនោះ ក៏មានគ្រូហុងស៊ុយតាមបណ្ដាញសង្គមផ្សេងៗ បានចេញមុខបកស្រាយ ថាត្រូវស្លៀកឈុតនេះ ទើបនាំលាភសំណាង ឬកាត់គ្រោះ តាមការទស្សន៍ទាយរបស់ខ្លួន។

ចំណែកអ្នកខ្លះ ក៏តម្រូវឲ្យពាក់នៅថ្ងៃសែនចូលឆ្នាំ និងថ្ងៃចូលឆ្នាំចិនទី១ ទាំងក្មេង ទាំងចាស់ មិនថាកើតឆ្នាំអ្វីនោះទេ ។ ដោយសារគេគិតថា ឆ្នាំ២០២២នេះ គឺឆ្នាំខាល ធាតុទឹក ពេលសែនចូលឆ្នាំនេះហើយ ខ្យល់ធាតុទឹកនៃដើមឆ្នាំថ្មីធ្លាក់ចុះមកដំបូងគេ គឺជាខ្យល់ធាតុទឹកបរិសុទ្ធ មានអំណាចខ្លាំង ដូចនេះបានត្រូវពាក់អាវពណ៌ធាតុទឹក គឺប្រភេទទឹកប៊ិច ដើម្បីបូមលាភឆ្នាំថ្មី។

ដោយឡែក នៅប្រទេសថៃឯណោះវិញ ក៏មានការរៀបចំប្រារព្ធពិធីបុណ្យចូលឆ្នាំចិន ដូចកម្ពុជាដែរ។ ផ្អែកលើព្រឹត្តិការណ៍នេះ លោក Chang Tossaphon Sritula ដែលជាគ្រូទាយដ៏ល្បីល្បាញនៅថៃ ក៏បានលើកឡើងថា មនុស្សជាច្រើនបានសួរអំពីពណ៌នៃសំលៀកបំពាក់ ក្នុងថ្ងៃចូលឆ្នាំចិននេះ។ តើពិតជាហាមមិនឲ្យពាក់ពណ៌ក្រហម មែនទេ? បញ្ហាទាំងនេះកើតចេញពី ការបំផុសតាមអ៊ីនធឺណិត ដែលព្យាយាមបង្កើតមាតិកាចម្លែក បណ្ដាលឲ្យមានការយល់ច្រឡំកាន់តែរីករាលដាល ហើយវាជាការបំភ្លៃវប្បធម៌ ដែលបានបន្សល់ទុកជាយូរមកហើយ ដែលគេនិយមពាក់អាវក្រហមតំណាងឲ្យឆ្នាំថ្មី។

យ៉ាងណាមិញ ពណ៌នៃអាវ មិនថាខៀវឬក្រហម វាគ្រាន់តែជារបស់ខាងក្រៅ និងជានិមិត្តរូបនៃពិធីបុណ្យប៉ុណ្ណោះ ប៉ុន្តែគន្លឹះនៃការនាំហុងស៊ុយ នាំលាភសំណាងចូលមកក្នុងផ្ទះ គឺការសម្អាតចិត្តឲ្យស្អាត និងបង្ហាញពីការដឹងគុណ។ ជាពិសេស គោលបំណងនៃពិធីបុណ្យចូលឆ្នាំថ្មី គោលដៅធំបំផុត សម្រាប់ប្រជាជនចិនទាំងអស់ ដែលរស់នៅតាមបណ្ដាប្រទេសផ្សេងៗ គឺតំណម និងទំនៀមទម្លាប់ពីមុនៗ៕

ប្រែសម្រួល៖ សាង ស្រីល័ក្ខ

ប្រភព៖Sanook

ចុចអាន៖ថ្ងៃសែនចូលឆ្នាំ ចិន ប្រើក្បួននេះ ដូចបូមលាភចូលដល់ផ្ទះ មានសំណាងពេញមួយជីវិត

ចុចអាន៖ទេវតា ៣ កន្លែង ត្រូវមានគ្រឿងដង្វាយនេះ សែនចូលឆ្នាំថ្មី ទើបនាំសុខសប្បាយ និងលាភចូលពេញបរិបូរណ៍