វប្បធម៌ ជំនឿ

ច្បាស់ៗ៖ ហោរាសាស្ត្រឆ្នាំ ២០២២ សម្រាប់ «រកា» វ័យ ៣៨ កើតក្នុងឆ្នាំ ១៩៨១

បានផុស

៤ years មុន

នៅ

ថ្ងៃអាទិត្យ ៣០ មករា ២០២២

ដោយ

ជោគវាសនាការងាររបស់រកា ដែលស្មុគស្មាញរអឹក ៣ ឆ្នាំមកហើយ តាំងពី ២០១៩ មក ពេលនេះ ឈានដល់ពេលរលូន និងលូតឡើងទប់មិនជាប់ក្នុងនៅឆ្នាំ២០២២។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ឋានៈ តួនាទីសង្គមដែលឱបទ្រូងរំពឹងយ៉ាងអត់ធន់ ពេលនេះបានដល់ដៃហើយ ។ ការដំឡើងឋានៈ ឬប្រាក់ខែឬចំណូលមិននៅយូរទេ ត្រឹមខែកុម្ភៈនេះតែម្ដង។

ទោះយ៉ាងណាក៏ដោយ រកាធម្មតាក្រអឺតក្រអោង ឆាប់ខឹង និងប្រកាន់ ត្រូវរៀនទម្លាក់ រៀនសង្រួមចិត្តមកវិញ ទើបមិនខាតលាភ។ ដោយទ្រព្យសម្បត្តិរបស់ពួកគេ ក៏នឹងកើនឡើង ទោះជាយ៉ាងណាក៏ដោយ ពួកគេក៏អាចចំណាយច្រើនជាងមុនផងដែរ ដោយសារត្រូវការប្រើធនធាន ដើម្បីកសាងឥទ្ធិពល។ កុំខ្លាចជប់លៀង និងបង្កើតសកម្មភាពសង្គមច្រើនឡើង ឆ្នាំនេះគ្រប់យ៉ាងចំង៉ូវហេងហើយ ដាក់ធំលូតធំ ជួបមនុស្សឲ្យបានកាន់តែច្រើន ទាន់ផ្កាយទំនាក់ទំនងឲ្យផល។

សំណាងរបស់មនុស្សឆ្នាំរកា ជាស្ត្រី គឺផ្នែកមនោសញ្ចេតនា និងទំនាក់ទំនងសង្គម ។ ចំណែកខាងបុរស ទោះបីពួកគេនឹងជួបមនុស្សស្រីដែលមានមន្តស្នេហ៍ខ្ពស់ក៏ដោយ ត្រូវកាត់ចិត្ត ព្រោះឆ្នាំនេះត្រូវផ្ដោតរវល់កើបឱកាសការងារ។ ដោយសារហត់និងមានសម្ពាធពីការងារច្រើន ពួកគេអាចមានអារម្មណ៍ភ័យបារម្ភ គេងមិនសូវបានល្អ ធ្លាក់ទឹកចិត្តខ្លះនៅខែសីហាឆ្នាំ ២០២២។ ព្យាយាម ហាត់កីឡាមួយចំនួនដូចជា Taichi ឬ Yoga និងសម្រាកដើម្បីសុខភាពកាយ ធ្វើសមាធិបង្កើនសុខភាពចិត្ត ធ្វើអំពើបរិច្ចាកខ្លះៗ។ ការបរិច្ចាគល្អមួយគឺធ្វើលើ មនុស្សឆ្នាំ កុរ ម្សាញ់ ខាល និងជូត។

ជាទូទៅ មនុស្សឆ្នាំរកាកើត ១៩៨២ ច្រើនជាអ្នកមានលាភ មានទ្រព្យហូរហៀរតាំងពីក្មេងឬចាស់ ឡើងកាន់តែកើនឡើងដោយមិនសូវប្រឹង។ ទោះយ៉ាងណាក៏ដោយ គេត្រូវបានគេណែនាំថាឲ្យ ព្យាយាមវិនិយោគផ្នែកហិរញ្ញវត្ថុជានិច្ច ពីព្រោះការអនុវត្តរបស់ពួកគេ ក្នុងការប្រមូលទ្រព្យសម្បត្តិបន្ថែមគឺល្អណាស់ ពិសេសដៃគូសហគ្រិនជាស្ត្រី ប្រសើរជាបុរស។

សែនចិនថ្ងៃចន្ទទី ៣១ ខែកក្កដា ឆ្នាំ២០២២ ៖

មនុស្សកើតឆ្នាំរកា ១៩៨១ គួរ ប្រើសំពត់ ខោអាវ ពណ៌លឿង ត្នោត មាសឬលឿងខ្ចី កើនរាសីល្អ ។ បើអុចធូបសែនផ្កាឬ នំ និងផ្លែឈើ ជ្រើសយកពណ៌លឿង និងស្វាយចាស់ ដូចជា ក្រូចខ្វិច ទំពាំងបាយជូ និងល្ហុង ម្នាស់ទុំ។ សែនផ្ទះឯងឲ្យស្រេចមុនម៉ោង ៨ ព្រឹក សឹមចេញដើរទៅផ្ទះគេ ។ ឲ្យអាំងប៉ាវ ឬដាក់ទាន ប្រើលេខ១១ ឬលេខ២និង លេខ២០ ។ គោរពជំនាងផ្ទះនិងព្រះភូមិមុនចេញដើរ គោរពជីដូនជីតាគ្រូបាធ្យាយមុនចូលដំណេក។ រកក្រូចប្រាំ៤៥ផ្លែ ជូនជាជំនូនទៅកាន់អ្នកណាម្នាក់ ដែលធ្លាប់ជាអ្នកមានគុណពីមុនរបស់យើង តែមិនជាប់សាច់ឈាមនឹងយើង ។ ជូនបាយសម្លឪពុកម្ដាយ និង រៀមច្បងចាស់ព្រឹទ្ធាចារ្យបង្កើនអំណាចបុណ្យចក្រា៕

គ្រូ ណុប

ចុចអាន៖លម្អិត៖ មនុស្សកើតឆ្នាំ «ច» ១៩៨២ នឹងមានសំណាងពេញមួយឆ្នាំ ២០២២ ផ្នែកលុយកាក់

ចុចអាន៖ទាយលម្អិត «ម្សាញ់» អាយុ ៤៥ កើតឆ្នាំ ១៩៧៧ យីអ៊ុនការងារខ្លាំង ទំនាក់ទំនងគ្រួសារខ្សោយ អាចបានអចលនទ្រព្យថ្មី