Connect with us

វប្បធម៌ ជំនឿ

បុគ្គលដែលវាសនាចារជាមហាសេដ្ឋី ត្រូវមានលក្ខណៈសម្បត្តិ ៧ នេះលើផ្ទៃមុខ

បានផុស

នៅ

គ្មានអ្នកណាមិនចង់ក្លាយជាសេដ្ឋី គ្រប់គ្នាសុទ្ធតែចង់ក្លាយជាអ្នកមាន ។ ព្រោះលុយនិងមាសប្រាក់ គឺសំខាន់ណាស់ក្នុង​ជីវិត​សព្វថ្ងៃ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទន្ទឹម​នោះ ​ក្នុង​សរីរវិទ្យា​របស់​មហាសេដ្ឋី​បាន​ចារ​មក​ថា​ អ្នក​អាច​ធ្វើ​វា​បាន។ ប្រសិន​បើ​អ្នក​មាន​ទម្រង់មុខ​មាត់​ ដូច​បាន​ចែង​ក្នុង​តម្រា​សាស្ត្រ​នេះ។

១ ថ្ងាស

ប្រសិន​បើ​បុគ្គល​ណា​​ ​មាន​ថ្ងាស​ឡើង​ប៉ោង ​គេ​ថា​ជា​ថ្ងាស​មាស​ដែល​កំពុង​ឡើង​ខ្លាំងនៃ​ផ្នែក​លុយកាក់។ ព្រោះ​សរីរវិទ្យា​នៃ​ថ្ងាស​អ្នក​មាន ​ត្រូវតែ​ទូលាយ ប៉ោង មានសាច់ពេញ រលោង និង​ច្បាស់ ហើយ​មិន​ត្រូវ​មាន​ស្នាម​ជ្រីវជ្រួញ ឬ​ស្លាកស្នាម​អ្វី​ឡើយ​។ កាលបើ​ថ្ងាស​​​កាន់​តែ​លេចធ្លោ បុគ្គលនោះនឹងមាន​តែ​មនុស្ស​ដែល​មាន​ចិត្ត​អាណិត​អាសូរ និង​​ជួយ​ជ្រោមជ្រែងជានិច្ច។

២ ចិញ្ចើម

បើ​យើង​ព្យាយាម​សង្កេត​ចិញ្ចើម​របស់​មហាសេដ្ឋី ចិញ្ចើម​របស់​ពួកគេ​នឹង​ល្អឥតខ្ចោះ​ ហើយ​លេច​យ៉ាង​ច្បាស់​ និង​ត្រូវ​តែ​សមាមាត្រ ជាមួយ​ភ្នែក។ ព្រោះ​វាត្រូវបានគេចាត់ទុកថា​ ជា​​សរីរវិទ្យា​ដែល​ធ្វើ​ឲ្យ​បុគ្គល​នោះ​​ក្លាយ​ជា​អ្នក​មាន មិនថាអ្នកចាប់យកអ្វីទេ អ្នកនឹងទទួលបានជោគជ័យ ការងារ​ប្រកប​ដោយ​សេចក្ដី​ចម្រើនទៅមុខរហូត។

៣ ភ្នែក

បើ​ភ្នែក​របស់​អ្នក​មើល​ទៅ​ខ្មៅ​ក្រិប​ ​និង​រស់រវើក ភ្លឺ និង​មិន​អស់កម្លាំង នោះប្រាកដជា​សរីរវិទ្យា​ដ៏​ល្អមិនខាន។ លើសពីនេះ សរីរវិទ្យា​របស់​សេដ្ឋី​មិន​ត្រូវ​មាន​ភ្នែក​​ធ្លាក់ ភ្នែក​ត្រូវ​ខ្មៅ​ហើយមូលក្រឡង់ ហើយ​ជ្រុង​ភ្នែក​អាច​នឹង​ឡើង​បន្តិច​។ កាលបើអ្នកមានកែវភ្នែកបែបនេះ គឺតំណាងឲ្យភាពថ្លៃថ្នូរ និងជាអ្នកមានទៅថ្ងៃអនាគត។

៤​ ច្រមុះ

ធាតុសំខាន់បំផុតមួយនៃមុខគឺច្រមុះ។ ព្រោះ​ច្រមុះ​ប្រៀប​ដូច​ជា​ចំណុច​សម្រាប់​ប្រមូល​លុយ ដូច្នេះ​សរីរវិទ្យា​ល្អ​សម្រាប់​អ្នក​ចង់​ក្លាយ​ជា​សេដ្ឋី​គឺ​ ច្រមុះ​ត្រូវ​តែ​មាន​រាង​មូល ​​ស្រួច សាច់​មានច្រើន ហើយ​ច្រមុះក៏មិនស្រួច​ពេកដែរ។

៥ ថ្ពាល់

ថ្ពាល់​កាន់តែមានសាច់គឺកាន់តែល្អ ។ មើល​ថ្ពាល់​របស់​មហាសេដ្ឋីភាគច្រើន អ្នក​អាច​មើល​ឃើញ​ថា​ ៩០​ភាគរយ តំបន់ថ្ពាល់របស់​ពួកគេ​គឺ​​​ប៉ោង គ្មាន​ចង្អូរ​ជ្រៅ គេ​ថា ​វា​នឹង​ជួយ​​ឲ្យ​មាន​គ្រួសារ​ល្អ និង​មាន​ជីវភាព​រស់នៅ​សុខ​ស្រួល ។

៦ មាត់

នៅ​​ក្នុង​សរីរវិទ្យាបញ្ជាក់ថា មនុស្សដែលមាន​មាត់​ធំសម​ល្មម​នឹងមុខ មានសាច់​លេចរូបភាពច្បាស់ ត្រូវ​បានគេនិយាយថានាំ​មក​នូវ​ទ្រព្យសម្បត្តិនិងមាសប្រាក់។ ទោះជាយ៉ាងណាក៏ដោយ កុំ​ឲ្យ​បបូរមាត់របស់អ្នកប្រែជាស្លេក និងស្ងួត។ ព្រោះវា​អាច​ប្រឆាំង​នឹង​បុគ្គលិក​លក្ខណៈ​ល្អ​របស់​មហាសេដ្ឋី។ ព្យាយាម​លាប​ក្រែម​លាប​មាត់​​ឲ្យ​បាន​ទៀងទាត់ ដើម្បី​រក្សា​សំណើម និងបង្កើនទំនុកចិត្ត​ ដោយជ្រើសរើសក្រែម​លាបមាត់ពណ៌​ ដែល​អ្នក​ចូលចិត្តផងដែរ។

៧ ចង្កា

ផ្នែកខាងក្រោមនៃមុខគឺចង្កា ​ត្រូវ​តែ​មូល រាង​ពង​ក្រពើ មិន​ស្រួច​ខ្លាំង ក្នុងនោះក៏ត្រូវបានគេនិយាយ​ថា វានឹងនាំមកនូវ​សំណាងល្អ និងទ្រព្យសម្បត្តិហូរចូលឥតឈប់៕

គ្រូ ណុប

ចុចអាន៖ហុងស៊ុយទម្រង់មុខ ៣ ប្រភេទ​ វាសនាចារមកថា ជា មហាសេដ្ឋី ទៅថ្ងៃមុខ

ចុចអាន៖ទម្រង់មុខហុងស៊ុយ ៥ ប្រភេទ របស់ស្រីៗ ចាស់ៗថា អាចក្លាយជាសេដ្ឋី និងធ្វើជំនួញជោគជ័យ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម