វប្បធម៌ ជំនឿ
ក្រសួងវប្បធម៌ ចាត់វិធានការចំពោះ អ្នករៀបចំកម្មវិធី Miss Grand Cambodia 2022
ក្រោយកម្មវិធី Miss Grand Cambodia 2022 បានបង្ហាញឈុតតំណាងខេត្ត ឬបេក្ខភាពឈុតតំណាងជាតិកម្ពុជា ដោយភ្ជាប់នឹងឧបករណ៍ល្បែងស៊ីសង មន្ត្រីជាន់ខ្ពស់នៃ ក្រសួងវប្បធម៌ និងវិចិត្រសិល្បៈ កំពុងចាត់វិធានការណែនាំដល់អ្នករៀបចំកម្មវិធី។
លោក ឡុង ប៉ុណ្ណាស៊ីរីវត្ថ រដ្ឋលេខាធិការ និងជាអ្នកនាំពាក្យ ក្រសួងវប្បធម៌ និងវិចិត្រសិល្បៈ មានប្រសាសន៍ប្រាប់ “កម្ពុជាថ្មី” នៅរសៀលនេះថា វិស័យវប្បធម៌ត្រូវធ្វើការួមគ្នា បើមានការស្នើសុំកម្មវិធីពាក់ព័ន្ធវប្បធម៌ ក្រសួងតែងគាំទ្រឱ្យរៀបចំកម្មវិធី ដែលបង្ហាញពីទំនៀមទម្លាប់ ប្រពៃណីខ្មែរ។ ចំណែកខាងអ្នករៀបចំកម្មវិធី Miss Grand Cambodia 2022 ក៏បានអញ្ជើញមន្ត្រីពីក្រសួងដើម្បីចូលរួមធ្វើជាគណៈមេប្រយោគ ប៉ុន្តែក្រសួងមិនមែនសហការធ្វើការរៀបចំទេ។
លោក ឡុង ប៉ុណ្ណាស៊ីរីវត្ថ មានប្រសាសន៍បន្ថែមថា៖ “ករណីបង្ហាញឈុតដំណាងជាតិ មានសន្លឹកបៀរ អាប៉ោង នោះក្រសួងមិនបានអនុញ្ញាតទេ។ បើគាត់ចង់បង្ហាញថាខេត្តក្រុងទាំងនោះ មានសក្ដានុពលជាល្បែងអ៊ីចឹង បងមិនយល់ដែរ។ បងកំពុងឱ្យអគ្គបច្ចេកទេសធ្វើទំនាក់ទំនងទៅ ហៅធ្វើការណែនាំ”។
លោក ឡុង ប៉ុណ្ណាស៊ីរីវត្ថ មានប្រសាសន៍បន្តថា៖ “ជានិច្ចកាលក្រុមហ៊ុនណាក៏ដោយដែលធ្វើអីខុសឆ្គងប៉ះពាល់វប្បធម៌ គឺយើងតែងហៅអប់រំ ណែនាំ ឬស្ដីបន្ទោសតាមរដ្ឋបាល។ ហៅឱ្យធ្វើកិច្ចសន្យា ឱ្យសុំទោស ឈប់ធ្វើសកម្មភាពនោះទៀត ឱ្យដកឃ្លីបមិនសមរម្យនោះចេញ។ គាត់មិនបានឆ្លង (សុំអនុញ្ញាត) យើងថា គាត់នឹងបង្ហាញបែបនេះបែបនោះទេ បើបានឆ្លង យើងនឹងណែនាំពីដើមទីហើយ”។
គួរបញ្ជាក់ថា កម្មវិធីប្រកួតសម្រស់ Miss Grand Cambodia 2022 កាលពីយប់មិញ បានឈានដល់វគ្គនៃការបង្ហាញឈុតតំណាងខេត្ត-ក្រុងចំនួន ៣៥ ក៏ដូចជាប្រកួតយកឈុតតំណាងជាតិពេលចូលប្រកួតអន្តរជាតិ។ ចំពោះបេក្ខភាពទាំងអស់បាននាំយកឈុតដែលសម្គាល់នូវអត្តសញ្ញាណខេត្ត-ក្រុងនីមួយៗក្នុងប្រទេសកម្ពុជា ក្នុងនោះមានឈុតតំណាងក្រុងចំនួន ២ បានធ្វើឱ្យមហាជនសម្តែងការមិនពេញចិត្ត ជាឈុតតំណាង ក្រុងបាវិត និងក្រុងប៉ោយប៉ែត ដែលបង្ហាញពីឧបករណ៍ល្បែង បៀរ និង អាប៉ោង ឬគ្រាប់ឡុកឡាក់ចាក់ភ្នាល់ល្បែងស៊ីសង៕
អត្ថបទ៖ ច័ន្ទ វីរៈ
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៧ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?