នៅដើមឆ្នាំ២០២៣នេះ ការងារ អាជីព ពាណិជ្ជកម្ម និងភាពជោគជ័យ ចំពោះមនុស្សឆ្នាំ “ជូត” អាចត្រូវបានរួមតូចជាងមុន។ ឆ្នាំ ២០២៣ អ្នកកើតឆ្នាំជូតអាចមានអារម្មណ៍ចុះខ្សោយ ហើយថែមទាំងជួបប្រទះនឹងការថប់បារម្ភរយៈពេលខ្លីផងដែរ។ នៅកន្លែងការងារ ទំនួលខុសត្រូវនឹងកើនធំជាងពេលណាៗទាំងអស់ ដោយសារថ្នាក់ដឹកនាំ ឬអ្នកត្រូវផ្លាស់ប្តូរក្រុមការងារ។ ប៉ុន្តែបើទ្រាំនឿយហត់បន្តិច ឱកាស​ឈាន​មុខនៅ​មិន​ឆ្ងាយ​នោះ​ទេ។

រីឯការគ្រប់គ្រងហិរញ្ញវត្ថុ នឹងប្រព្រឹត្តទៅដូចការរំពឹងទុក។ ប៉ុន្តែអ្នកត្រូវតែមានចម្លើយច្បាស់លាស់ និងគោលដៅជាក់លាក់ ទើបប្រាក់កាក់អាចនៅក្នុងកាបូបបានយូរ។

ចំពោះស្នេហា សំដៅដល់អ្នកនៅលីវ បើ​អ្នកកំពុងមានចិត្តលើគេ ហើយគេក៏មានចិត្តលើអ្នកដែរ គួរចាប់ផ្ដើមពេលនេះទៅ។

ដោយឡែកសុខភាពវិញ រាងកាយត្រូវការសម្រាកច្រើន ដូច្នេះត្រូវសាកថ្មវាឱ្យពេញ។ ក្រៅពីនោះ ចូរប្រយ័ត្នជំងឺធាត់ដែលបណ្ដាលមកពីធ្វើការច្រើនជ្រុល។

យ៉ាងណាមិញ អ្នកក៏អាចបង្កើនសំណាង​ឱ្យខ្លួនឯងបាន ប្រសិនបើអ្នកចេះផ្តល់​ការ​ឧបត្ថម្ភ​ដល់​កុមារ​ដែល​បាត់បង់ជម្រក ឬក្មេងកំព្រា៕

អត្ថបទ៖ សន្យា

ចុចអាន៖ ដើមឆ្នាំ ២០២៣ អ្នកកើតឆ្នាំ “ច” កាក់កបនឹងជំនួញ តែមានបញ្ហាជាមួយសុខភាព

ចុចអាន៖ អ្នកកើតឆ្នាំ “កុរ” មានទាំងលាភ និងគ្រោះ នៅដើមឆ្នាំ២០២៣នេះ