វប្បធម៌ ជំនឿ
ថ្ងៃទីមួយសែនធំ ប្រើក្បួន ៣ យ៉ាង ជួយបូមលាភចូលផ្ទះ បន្ថែមសំណាងពេញមួយជីវិត
សល់តែប៉ុន្មានថ្ងៃទៀតទេ បុណ្យចូលឆ្នាំចិន ដែលជាបុណ្យធំមួយក្នុងចំណោមបុណ្យប្រពៃណីចិនផ្សេងៗ នឹងចូលមកដល់។ តាមទំនៀមទម្លាប់កូនចៅដែលមានសែស្រឡាយកាត់ចិន ទោះបីកាត់តិច ឬកាត់ច្រើនក៏ដោយ ពួកគេតែងតែនាំគ្នាប្រារព្ធពិធីបុណ្យនេះយ៉ាងសប្បាយរីករាយជាក្រៃលែង។
យោងតាមប្រភពពីផេកហុងស៊ុយបាននិយាយថា នៅថ្ងៃសែនចូលឆ្នាំចិនធំ ជាពិធីបុណ្យសែនទទួលទេវតាឆ្នាំថ្មី ដែលត្រូវចុះមកពីឋានលើវិញ ក្រោយពីលោកបានឡើងទៅឋានលើ កាលពីថ្ងៃសែនដកជើងធូប។ យើងត្រូវទទួលលោកចុះមកវិញ ដើម្បីទទួលយកពរជ័យពីលោកវិញ ដែលពរជ័យទាំងនោះទទួលបានពីស្ដេចទេវតាដែលគង់នៅឋានលើប្រទានជូនតាមទេវតាជំនាងផ្ទះ ទេវតាចង្ក្រាន និងទេវតាមុខផ្ទះឲ្យយកមកឲ្យយើង។ នៅថ្ងៃសែនចូលឆ្នាំចិននេះ គឺជាថ្ងៃដែលតារាមេឃាទាំង៩ ធ្វើដំណើរផ្លាស់ប្ដូរទីតាំង ស្របពេលកំពុងចរដំណើរនេះ រាសីរបស់មនុស្សម្នាក់ៗ ឬរាសីនៃផ្ទះរបស់យើង គឺមិនស្ថិតស្ថេរនោះទេ ងាយស៊យ ងាយមានមនុស្សអរូបនានាលួចចូលផ្ទះអ្នក។ ដូចនេះហើយបានជាគេសែនទេវតាមុខផ្ទះ សែនទេវតាជំនាងផ្ទះ និងសែនទេវតាចង្រ្កាន ដើម្បីឲ្យលោកជួយគ្រប់គ្រងផ្ទះរបស់យើងឲ្យបានល្អ ម្យ៉ាងទៀតធូប ទៀនដែលយើងដុតពេលសែននោះ គឺបានផ្តល់កម្ដៅដល់ក្នុងផ្ទះរបស់យើង ក៏ជាវិធីរក្សាលំនឹងរាសីផ្ទះរបស់យើងដូចគ្នា។
តារាសាស្រ្ដមេឃា ចាប់ធ្វើការដំណើរផ្លាស់ប្តូរទីតាំងរយៈពេល ២ ម៉ោងជាង ចាប់ពីម៉ោង ១៦:២៩នាទីរសៀល ថ្ងៃទី២០ខែមករាឆ្នាំ រហូតដល់ម៉ោង២០:២៦នាទីយប់វិញក្នុងថ្ងៃដដែលទើបចប់ដំណើរ។ សូមរយៈពេលនេះ សូមមេត្តាប្រយ័ត្នការធ្វើដំណើរចរាចរណ៌អំឡុងពេលនេះ ថែមទាំងសូមប្រុងប្រយ័ត្នបញ្ហាគ្រោះថ្នាក់អគ្គីភ័័យ។
វិធីបូមលាភក្នុងថ្ងៃសែនធំ
១ ក្នុងឆ្នាំនេះ នៅថ្ងៃសែនចូលឆ្នាំ និងថ្ងៃចូលឆ្នាំចិនទី១ អ្នកគួរពាក់អាវប្រភេទពណ៌តាមឆ្នាំនីមួយៗ ទាំងក្មេង ទាំងចាស់ មិនថាកើតឆ្នាំអ្វីនោះទេ ព្រោះឆ្នាំ២០២៣នេះ គឺឆ្នាំថោះ ធាតុទឹក មកជាមួយធាតុឈើ ពេលសែនចូលឆ្នាំនេះហើយ ដែលខ្យល់ធាតុទឹកនៃដើមឆ្នាំថ្មីធ្លាក់ចុះមកដំបូងគេ គឺជាខ្យល់ធាតុទឹកបរិសុទ្ធ មានអំណាចខ្លាំង ដូចនេះបានយើងត្រូវពាក់អាវពណ៍នៃធាតុតាមឆ្នាំនីមួយៗដើម្បីបង្កើត និងបូមលាភ។
២ យប់ថ្ងៃទី២០មុនចូលគេង សូមនាំគ្នាត្រាំទឹកក្ដៅជាមួយស្លឹកគ្រៃ ឬនាំគ្នាងូតទឹកក្ដៅអ៊ុនៗ ឬនាំគ្នាជួបជុំកូនចៅហូបស៊ុបក្ដៅៗ ព្រោះនៅពេលដែលថ្ងៃទី២១មកដល់ តារាបានផ្លាស់ប្ដូរ ខ្យល់ធាតុទឹកឆ្នាំថោះនោះក៏ធ្លាក់ដំបូងមកកាន់ភពផែនដី គឺអាចធ្វើឲ្យអ្នកដែលមានសុខភាពមិនល្អនោះ ងាយមានជំងឺផ្កាសាយ ក្ដៅខ្លួនជាដើម។
៣ ដោយឡែកក្នុងឆ្នាំនេះជំនាងផ្ទះសូមប្រើអំពូលពណ៌ក្រហម ដែលអាចដោតភ្លើងញាក់ៗបាន ហើយពេលសែនសូមដាក់ដើមរាសី ប្រភេទរាសីអ្វីក៏បានលាយជាមួយផ្កាឈូក ចំនួន ៤ ដើមក្នុងថូ ហើយគ្រឿងសែនក្នុងឆ្នាំនេះ តួឯកគឺនំពងទា ដាក់មួយគូក៏បាន ដាក់តែមួយក៏បាន។ ធ្វើតែប៉ុណ្ណឹងគឺអាច បូមលាភនិងអាចសែនបានយ៉ាងសប្បាយរីករាយបំផុតក្នុងថ្ងៃសែនចូលឆ្នាំនេះ៕
គ្រូ ណុប
ចុចអាន៖ដង្វាយសែនចូលឆ្នាំ ចិន ៣ ប្រភេទ បង្កប់អត្ថន័យលាភសំណាង ឲ្យម្ចាស់ផ្ទះរកស៊ីមានបាន
ចុចអាន៖ជំនឿ និងប្រវត្តខ្លះពីផ្កាអង្គាសីល ដែលអ្នកជាប់ខ្សែស្រឡាយចិននិយមទិញដាក់ក្នុងផ្ទះថ្ងៃចូលឆ្នាំ
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានអន្ដរជាតិ៩ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ