វប្បធម៌ ជំនឿ
យូណេស្កូ សហការរៀបចំសិក្ខាសាលា ទប់ស្កាត់ការជួញដូរវត្ថុបុរាណប្រាសាទកោះកេរ
អង្គការយូណេស្កូ ផ្ដល់ថវិកាគាំទ្រ អាជ្ញាធរជាតិព្រះវិហារ រៀបចំសិក្ខាសាលាស្តីពី ការទប់ស្កាត់ការជួញដូរវត្ថុបុរាណនៅរមណីយដ្ឋានប្រាសាទកោះកេរ។ នេះតាមការផ្ដល់ព័ត៌មានពីក្រសួងវប្បធម៌ និងវិចិត្រសិល្បៈ នៅថ្ងៃនេះ។
សិក្ខាសាលានេះ ប្រារព្ធនៅនៅថ្ងៃទី១៩ ខែមីនា ឆ្នាំ២០២៣ ក្រោមអធិបតីភាព លោក ផេង សំអឿន អគ្គនាយករង តំណាង លោក គង់ ពុទ្ធិការ អគ្គនាយកអាជ្ញាធរជាតិព្រះវិហារ ដោយមានការចូលរួមពី លោក ឈុន លុន តំណាងសាលាខេត្តព្រះវិហារ និងលោក Masanori Nagaoka តំណាងអង្គការយូណេស្កូ ប្រចាំនៅកម្ពុជា។
គោលបំណង់ក្នុងការរៀបចំសិក្ខាសាលានេះ គឺដើម្បីផ្សព្វផ្សាយលើកតម្លៃរមណីយដ្ឋានប្រាសាទកោះកេរ ច្បាប់នានាស្តីពីកិច្ចគាំពារបេតិកភណ្ឌវប្បធម៌ និងផ្សព្វផ្សាយអំពីការទប់ស្កាត់ការជួញដូរវត្ថុបុរាណនៅរមណីយដ្ឋានប្រាសាទកោះកេរ ជូនដល់សិស្សវិទ្យាល័យស្រយង់ ប្រជាជនរស់នៅក្នុង និងជុំវិញរមណីយដ្ឋានប្រាសាទកោះកេរ លោកគ្រូ អ្នកគ្រូ អ្នកជំនាញមកពីក្រសួងវប្បធម៌ និងវិចិត្រសិល្បៈ អ្នកជំនាញមកពីអាជ្ញាធរជាតិអប្សរា អង្គការមរតវប្បធម៌ខ្មែរ លោកអភិបាលស្រុកគូលែន នគរបាលការពារបេតិកភណ្ឌនគរបាលទេសចរណ៍ នគរបាលប៉ុស្តិ៍រដ្ឋបាលស្រយង់ និងអ្នកជំនាញការអង្គការយូណេស្កូ ប្រមាណ ១២០នាក់។
ក្នុងសិក្ខាសាលានេះក៏មានការធ្វើបទបង្ហាញពីសំណាក់វាគ្មិនដូចជា លោក អុឹម សុខរិទ្ធី បង្ហាញអំពី “កោះកេរ អតីតរាជធានីបុរាណលិង្គបុរ”, លោក ផេង សំអឿន បង្ហាញអំពី “វត្ថុបុរាណដែលបាត់បង់ពីប្រាសាទនៅរមណីយដ្ឋានប្រាសាទកោះកេរ”, លោក គង់ វីរៈ បង្ហាញអំពី “មូលហេតុបណ្តាលឱ្យមានការជួញដូរវត្ថុបុរាណ” និង លោក ហួត សំណាង បង្ហាញអំពី “ច្បាប់និងនីតិវិធីផ្សេងៗក្នុងការគ្រប់គ្រងនិងការទប់ស្កាត់ការជួញដូរវត្ថុបុរាណដោយខុសច្បាប់”។ សិក្ខាសាលាបានបែងចែកអ្នកចូលរួមជា ៤ក្រុមដើម្បីពិភាក្សារកពីមូលហេតុផ្សេងៗ ដែលនាំឱ្យមានការជួយដូរវត្ថុបុរាណ និងរិះរកវិធានផ្សេងៗក្នុងការទប់ស្កាត់ការជួញដូរវត្ថុបុរាណនៅរមណីយដ្ឋានប្រាសាទកោះកេរ។
ជាលទ្ធផល សិក្ខាសាលាបានបណ្តុះស្មារតីរបស់ប្រជាជនឱ្យចេះស្រឡាញ់ និងចូលរួមថែរក្សានូវសម្បត្តិបេតិកភណ្ឌជាតិ ការពារទប់ស្កាត់ការជួញដូរវត្ថុបុរាពណ និងផ្តល់ចំណេះដឹងបន្ថែមអំពីច្បាប់ការពារបេតិកភណ្ឌ និតិវិធី និងទោសទណ្ឌផ្សេង អំពីសកម្មភាពការជួញដូរវត្ថុបុរាណ ជូនដល់ប្រជាជន សិស្ស លោកគ្រូ អ្នកគ្រូ ដើម្បីជួយផ្សព្វផ្សាយបន្ត៕
-
សន្តិសុខសង្គម៦ ថ្ងៃ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
សន្តិសុខសង្គម៧ ថ្ងៃ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម៧ ថ្ងៃ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៦ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៦ ថ្ងៃ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+៤ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
សេដ្ឋកិច្ច៣ ថ្ងៃ ago
ការវិនិយោគរបស់ក្រុមហ៊ុនជប៉ុន កំពុងជួយរុញឱ្យកំណើនសេដ្ឋកិច្ចកម្ពុជាកាន់តែងើបឡើងបន្ថែមទៀត
-
ព័ត៌មានជាតិ១៩ ម៉ោង ago
អ្នកនាំពាក្យទទូចដល់អ្នកប្រើបណ្តាញសង្គមបញ្ឈប់ចែកចាយជាបន្ទាន់ និងលុបចេញរាល់មាតិកាដែលពាក់ព័ន្ធឃាតកម្មឃោរឃៅ