វប្បធម៌ ជំនឿ
ពេលគ្រងឈុតមេទ័ពស្រី អ្នកនាង ស្រួង ភាវី ស្រាប់តែបាម្ភខ្លាចបាត់បង់កេរដំណែលខ្មែរមួយនេះ
អ្នកស្រី ស្រួង ភាវី ដែលគេស្គាល់ថាជាកីឡាការិនីកីឡាប៊ីយ៉ាការ៉ុម បានបង្ហាញអារម្មណ៍ក្រៀមក្រំ និងក្តីបារម្ភ នៅពេលបានស្លៀកពាក់ឈុតមេទ័ពស្រីក្នុងសម័យអង្គរ ថាខ្លាចបាត់បង់កេរដំណែលដែលដូនតាបន្សល់ទុកមក។ នេះបើតាមសំណេរនៅលើហ្វេសប៊ុករបស់អ្នកស្រី កាលពីថ្ងៃទី០១ ខែមិថុនា នេះ។
ដូនតាបុព្វបុរសខ្មែរ បានបន្សល់ទុកកេរដំណែលដ៏អាស្ចារ្យជាច្រើនសម្រាប់កូនចៅជំនាន់ក្រោយថែរក្សា មិនថាប្រាសាទបុរាណ វប្បធម៌ប្រពៃណី សិល្បៈ របាំ ជាច្រើនទៀត។ ក្នុងនាមជាកូនខ្មែរ មានតួនាទីចាំបាច់ណាស់ក្នុងការការពារ លើកស្ទួយ ថែរក្សាឱ្យបានគង់វង្សចំពោះមរតករបស់ខ្មែរសល់ពីបុរាណកាលមក។
ជាមួយគ្នានេះ អ្នកស្រី ស្រួង ភាវី បានបង្ហាញអារម្មណ៍ដែលខ្លួនបានស្លៀកពាក់ឈុតមេទ័ពស្រីក្នុងសម័យអង្គរថា អ្នកស្រីមិនមានអារម្មណ៍ថាសប្បាយរីករាយនោះទេ បែរជាមានអារម្មណ៍ក្រៀមក្រំខ្លាំងបំផុត ខ្លាចបាត់បង់ទៅវិញ ព្រោះមរតកដែលដូនតាខ្មែរបានបន្សល់ទុកឱ្យកូនខ្មែររៀនយក និងថែរក្សានេះ គឺមានតម្លៃ និងអាស្ចារ្យខ្លាំងណាស់ គ្មានអ្វីប្រៀបបានឡើយ។ អ្នកស្រីមើលឃើញថា អ្នកដែលថែរក្សាមរតក វប្បធម៌ខ្មែរ គឺមានតិចតួចណាស់។
កីឡាការិនី ស្រួង ភាវី បានលើកឡើងថា៖ “សព្វថ្ងៃ អ្វីៗដែលបុព្វបុរសយើងបន្សល់ទុក គឺតិចតួចណាស់អ្នកដែលខ្វល់ខ្វាយគិតគូរថែរក្សាការពារអ្វីៗដែលជារបស់ខ្លួន បែរខ្វល់ខ្វាយគិតគូរណាស់អ្វីដែលជារបស់គេទៅវិញ”។
ជាមួយនឹងក្តីបារម្ភ និងទឹកចិត្តស្រឡាញ់វប្បធម៌ខ្មែរ អ្នកស្រី ស្រួង ភាវី ក៏បានរំលឹកដល់កូនខ្មែរ គួរតែមានមោទនភាពដែលបានកើតមកជាកូនខ្មែរ នៅលើទឹកដីដ៏អាស្ចារ្យ និងសម្បូរដោយសម្បត្តិវប្បធម៌ឥតគណនារបស់ខ្មែរ។ ដូចនេះ អ្នកស្រី ក៏បានសំណូមពរដល់កូនខ្មែរគ្រប់រូប គួរគិតគូរស្រឡាញ់ និងថែរក្សាវប្បធម៌ឡើងវិញ កុំឱ្យបាត់បង់ ចៀសវាងហួសពេល មិនអាចស្រោចស្រង់បាន៕
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ