ព្រឹត្តិការណ៍ “សប្ដាហ៍បេតិកភណ្ឌវប្បធម៌អរូបីកម្ពុជា” លើកដំបូង នៅ Walk Street សល់១ថ្ងៃនេះទៀត

ដើម្បីអបអរសាទរបេតិកភណ្ឌអរូបីកម្ពុជា ដែលបានចុះក្នុងបញ្ជីបេតិកភណ្ឌអរូបីនៃមនុស្សជាតិរបស់អង្គការយូណេស្កូ ព្រមទាំងទទួលបាននូវការយល់ដឹងថ្មីពីវប្បធម៌អរូបីកម្ពុជា ក្រសួងវប្បធម៌ និងវិចិត្រសិល្បៈ បានរៀបចំព្រឹត្តិការណ៍ “សប្ដាហ៍បេតិកភណ្ឌវប្បធម៌អរូបីកម្ពុជា” លើកទី១ ឆ្នាំ២០២៥ ដោយពានាំនូវទស្សនីយភាពសិល្បៈចម្រុះ នៅបរិវេណមុខវត្តឧណ្ណាលោម ចាប់ពីរម៉ោង ២សៀលទៅ។ ខណៈព្រឹត្តិការណ៍ដែលរៀបចំធ្វើសម្រាប់ថ្ងៃទី១ មានការចូលរួមទាញព្រ័ត្រពីភ្ញៀវជាតិ និងអន្តរជាតិយ៉ាងច្រើនកុះករ។

សម្រាប់ព្រឹត្តការណ៍ នៅសល់១ថ្ងៃនេះទៀតប៉ុណ្ណោះ ដោយពាំនាំនូវទស្សនីយភាពសិល្បៈចម្រុះមួយចំនួន និងបែងចែកពេលវេលាផងដែរ រួមមាន៖
១. ល្ខោនស្រមោលស្បែក (រឿងរាមកេរ្តិ៍ ឈុតអន្លើក្រុងរាពណ៌ឆក់នាងសីតា)
២. ទស្សីយភាពរបាំព្រះរាជទ្រព្យ
៣. ទស្សនីយភាពគុនល្បុក្កតោ (ពីសាលគុនល្បុក្កតោ ដំបងដែក ខេត្តកំពង់ឆ្នាំង)
៤. ល្ខោនខោលវត្តស្វាយអណ្តែត (រឿងរាមកេរ្តិ៍ ឈុតកុម្ភកាណ៍តាំងពិធីសំលៀងមោងស័ក្ត) ជាដើម។ល។

គួរជម្រាបថា សម្រាប់ថ្ងៃទី១ គឺមានការបង្ហាញពីការជ្រលក់ព​ណ៌ធម្មជាតិក្រមា; ការសម្តែងទស្សនីយភាព ល្ខោនបុរាណពោលស្រី វត្តកៀនស្វាយក្រៅ (រឿងលិនថោង) និង សកម្មភាពទាញព្រ័ត្រ (សាធារណជនអាចចូលរួម) ដោយមានការចូលរួមពីភ្ញៀវជាតិ និងអន្តរជាតិយ៉ាងច្រើនកុះករ៕