សេដ្ឋកិច្ច
គណៈកម្មាធិការជាតិវិទ្យាសាស្ត្រកម្ពុជា តម្រង់ទិសអាទិភាពជាតិ ឆ្ពោះទៅចក្ខុវិស័យអាស៊ាន២០៣៥
ថ្នាក់ដឹកនាំផ្នែកវិទ្យាសាស្ត្រ បច្ចេកវិទ្យា និងនវានុវត្តន៍របស់កម្ពុជា បានពិនិត្យវឌ្ឍនភាព និងជំរុញកិច្ចសហប្រតិបត្តិការ ដើម្បីតម្រង់ទិសអាទិភាពជាតិឱ្យស្របតាមផែនការសកម្មភាពថ្មីរបស់អាស៊ាន ឆ្ពោះទៅចក្ខុវិស័យអាស៊ានឆ្នាំ២០៣៥។
ក្នុងកិច្ចប្រជុំលើកទី៧ ដែលរៀបចំឡើងនៅថ្ងៃទី៩ ខែតុលា ឆ្នាំ២០២៥ គណៈកម្មាធិការជាតិវិទ្យាសាស្ត្រ បច្ចេកវិទ្យា និងនវានុវត្តន៍ (COSTI) បានបញ្ជាក់ជាថ្មីថា វិស័យ វ.ប.ន. គឺជាសសរស្តម្ភគន្លឹះសម្រាប់ការរីកចម្រើនរបស់ប្រទេស និងតំបន់។
លោក ហ៊ុល សៀងហេង អនុរដ្ឋលេខាធិការក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ និងជាប្រធាន COSTI កម្ពុជា បានសង្កត់ធ្ងន់លើការប្តេជ្ញាចិត្តរួមរបស់កម្ពុជាជាមួយអាស៊ាន។
លោកបានលើកឡើងថា “កិច្ចប្រជុំលើកទី៧នេះបង្ហាញយ៉ាងច្បាស់អំពីការប្តេជ្ញាចិត្តរួមរបស់យើង និងការចូលរួមយ៉ាងសកម្មក្នុងការជំរុញវិទ្យាសាស្ត្រ បច្ចេកវិទ្យា និងនវានុវត្តន៍ ដែលជាមូលដ្ឋានគ្រឹះ សម្រាប់ការអភិវឌ្ឍសហគមន៍សេដ្ឋកិច្ចអាស៊ាន។”
កិច្ចប្រជុំនេះផ្តោតលើការផ្សព្វផ្សាយ និងជំរុញការអនុវត្តផែនការសកម្មភាពអាស៊ានស្ដីពីវិទ្យាសាស្ត្រ បច្ចេកវិទ្យា និងនវានុវត្តន៍ (APASTI) ឆ្នាំ២០២៦-២០៣៥ ដែលទើបត្រូវបានអនុម័តនៅក្នុងកិច្ចប្រជុំរដ្ឋមន្ត្រីអាស៊ានផ្នែកវិទ្យាសាស្ត្រ បច្ចេកវិទ្យា និងនវានុវត្តន៍ លើកទី២១ នៅទីក្រុងហ្សាកាតា។
ផែនការសកម្មភាពរយៈពេល ១០ ឆ្នាំថ្មីនេះ កំណត់ទិសដៅជាយុទ្ធសាស្ត្រសម្រាប់តំបន់ ដោយមានមូលដ្ឋានលើចក្ខុវិស័យ «អាស៊ានប្រកបដោយសមាហរណកម្ម និងជំរុញដោយវិទ្យាសាស្ត្រ បច្ចេកវិទ្យា និងនវានុវត្តន៍ លើកកម្ពស់កិច្ចសហប្រតិបត្តិការដោយរលូន និងភាពប្រកួតប្រជែងជាសាកល»។
នៅក្នុងផែនការ APASTI ២០២៦-២០៣៥ កម្ពុជាក៏បានបញ្ជាក់ការប្តេជ្ញាចិត្តអនុវត្តគំនិតផ្តួចផ្តើមថ្នាក់ជាតិនានា ដើម្បីកសាងប្រព័ន្ធអេកូឡូស៊ី វ.ប.ន. ដែលមានភាពធន់។ ការរួមចំណែករបស់កម្ពុជានឹងជំរុញវិស័យយុទ្ធសាស្ត្រ ដូចជាសុខាភិបាល អាហារ ថាមពល បញ្ញាសិប្បនិម្មិត និងការផ្ទេរបច្ចេកវិទ្យា ដើម្បីលើកកម្ពស់ភាព ប្រកួតប្រជែងក្នុងតំបន់។
កិច្ចប្រជុំនេះក៏បានបង្ហាញលទ្ធផលនៃកិច្ចប្រជុំរដ្ឋមន្ត្រីអាស៊ានផ្នែក វ.ប.ន. លើកទី២១ និងកិច្ចប្រជុំ COSTI លើកទី៨៧ វឌ្ឍនភាពនិងសំណើគម្រោងរបស់អនុគណៈកម្មាធិការទាំង៩ ព្រមទាំងនីតិវិធី និងយន្តការគ្រប់គ្រងមូលនិធិវិទ្យាសាស្ត្រ បច្ចេកវិទ្យា និងនវានុវត្តន៍អាស៊ាន (ASTIF) ផងដែរ។
ដដែលនោះ លោក ហ៊ុល សៀងហេង បានស្នើឱ្យសមាជិកគណៈកម្មាធិការ អនុគណៈកម្មាធិការ និងក្រុមការងារទាំងអស់ជំរុញកិច្ចខិតខំប្រឹងប្រែងថ្នាក់ជាតិឱ្យមានភាពស៊ីសង្វាក់ និងឆ្លើយតបតាមតម្រូវការសម្រាប់ការចូលរួមសកម្មភាពនៅក្នុងការសម្រេចគោលដៅរួមផ្នែកវិទ្យាសាស្ត្រ បច្ចេកវិទ្យា និងនវានុវត្តន៍៕
-
ព័ត៌មានជាតិ១ សប្តាហ៍ agoពិធី “រៀបមង្គលការលេង” មួយគូ នៅវត្តបឹងត្រាវ ប្រមូលថវិកាសាងសង់វត្ត អបអរបុណ្យចូលឆ្នាំខ្មែរ
-
ព័ត៌មានជាតិ៦ ថ្ងៃ ago៦ថ្ងៃក្នុងព្រឹត្តិការណ៍ «នគរសង្ក្រាន្ត» មន្ទីរសុខាភិបាលរាជធានីភ្នំពេញ បានពិនិត្យ និងព្យាបាលជូនពលរដ្ឋជាង២ពាន់នាក់
-
ព័ត៌មានអន្ដរជាតិ៣ ថ្ងៃ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
ព័ត៌មានអន្ដរជាតិ៤ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានអន្ដរជាតិ៣ ថ្ងៃ agoវិមានក្រឹមឡាំង៖ ពូទីន ត្រៀមជួបហ្សេលេនស្គី ទាល់តែមានការចុះហត្ថលេខាលើកិច្ចព្រមព្រៀងសន្តិភាព
-
ព័ត៌មានជាតិ១ សប្តាហ៍ agoបដិសេធមិនឱ្យ សម រង្ស៊ី ចូលរួមការជួបជុំសមាគមខ្មែរនៅប៉ារីស គឺដើម្បីបញ្ចៀសការភ្ជាប់ជាមួយបុគ្គលនេះកំពុងជាប់ទោស
-
សន្តិសុខសង្គម២ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ
-
ព័ត៌មានជាតិ៥ ថ្ងៃ agoមន្រ្តីបរិស្ថានស្នើពលរដ្ឋកុំបរិភោគត្រីងាប់ និងផ្អាកប្រើប្រាស់ទឹកព្រែកត្រែង នៅស្រុករតនៈមណ្ឌល ខេត្តបាត់ដំបង