សេដ្ឋកិច្ច

ប្រទេសអាស៊ីរួមទាំងកម្ពុជាប្រើ MOPS ជាសូចនាករគណនាតម្លៃប្រេង

បានផុស

៤ ខែ មុន

នៅ

ថ្ងៃសុក្រ ១៣ មីនា ២០២៦

ដោយ

លោក ទៀ ស្យាម ប្រធានក្រុមប្រឹក្សាភិបាល នៃក្រុមហ៊ុន ភីស ភេត្រូលៀម បានលើកឡើងនៅលើបណ្ដាញសង្គមហ្វេសប៊ុកនៅថ្ងៃទី ១៣ ខែមីនា ឆ្នាំ ២០២៦ថា នៅក្នុងតំបន់អាស៊ី មានទីផ្សារមួយដែលគេប្រើជាសូចនាករតម្លៃប្រេង ហៅថា MOPS (Mean of Platts Singapore)។ MOPS មិនមែនជាកន្លែងផលិតប្រេងទេ ហើយក៏មិនមែនជាប្រទេសណាមួយតែម្ដងដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

MOPS ជាទីផ្សារតម្លៃប្រេងសម្រាប់តំបន់អាស៊ី ដែលគេយកតម្លៃពីការជួញដូរនៅជុំវិញ សិង្ហបុរី មកធ្វើជាសូចនាករ។ បើតាមលោក ទៀ ស្យាម សិង្ហបុរីគឺជាមជ្ឈមណ្ឌលពាណិជ្ជកម្មប្រេងធំបំផុតមួយនៅអាស៊ី។ មានរោងចក្រចម្រាញ់ប្រេង កន្លែងស្តុក និងការជួញដូរច្រើន។ បើប្រៀបធៀបឱ្យងាយយល់ MOPS គឺដូចជា ផ្សារលក់បន្លែធំមួយ។

លោក ទៀ ស្យាម បញ្ជាក់ថា៖ «បន្លែដែលលក់ក្នុងផ្សារ មិនបានកើតឡើងក្នុងផ្សារទេ វាមកពី កសិករ។ ក្នុងពិភពប្រេង កសិករនោះគឺ រោងចក្រចម្រាញ់ប្រេង (Refinery)។ ហើយរោងចក្រចម្រាញ់ប្រេង ក៏ត្រូវយកវត្ថុធាតុដើមពីការបូមប្រេង (Oil field) មកជាមុន»។

ប្រសិនបើមានបញ្ហានៅជំហានណាមួយ ដូចជា សង្គ្រាម ឬការដឹកជញ្ជូនរាំងស្ទះ វាអាចធ្វើឱ្យប្រេងដែលចូលមកទីផ្សារ MOPS តិច។ ពេលមានតិច តែអ្នកទិញនៅតែច្រើន តម្លៃក៏ឡើងព្រោះមនុស្សត្រូវប្រកួតគ្នាទិញ។ ប្រេងនៅតែត្រូវឆ្លងកាត់ជំហានជាច្រើន មុននឹងមកដល់ស្ថានីយ និងរថយន្តដែលយើងប្រើប្រាស់៕