សេដ្ឋកិច្ច

ខេត្តកែប បើកឱ្យវិស័យឯកជនសាងសង់ផែទេសចរណ៍ថ្មីមួយទៀត គ្រោងនឹងបញ្ចប់ចុងឆ្នាំ២០២៣

បានផុស

៥ years មុន

នៅ

ថ្ងៃពុធ ៤ សីហា ២០២១

ដោយ

រដ្ឋបាលខេត្តបានអនុញ្ញាតឱ្យវិស័យឯកជនសាងសង់ផែទេសចរណ៍មួយទៀត ខណៈគម្រោងនេះគ្រោងនឹងបញ្ចប់នៅចុងឆ្នាំ២០២៣។ ផែនេះមានឈ្មោះថា ផែជលយានសេះសរ បានសិក្សាផលប៉ះពាល់យ៉ាងល្អិតល្អន់ពីគ្រប់ភាគីពាក់ព័ន្ធ អស់រយៈពេលជាងមួយឆ្នាំមក និងបានចុះហត្ថលេខាសាងសង់នាថ្ងៃទី៣ ខែសីហា ឆ្នាំ២០២១។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សោម ពិសិដ្ឋ អភិបាលខេត្តកែបបានមានប្រសាសន៍ថា គម្រោងផែជលយានសេះស នេះ ជាមុខព្រួញថ្មីនៃការអភិវឌ្ឍវិស័យទេសចរណ៍ ឆ្ពោះមកភាគខាងលិចនៃខេត្តកែប ក៏ជាទីតាំងតភ្ជាប់ នៃគម្រោងពង្រីកឆ្នេរខ្សាច់កំសាន្តថ្មីក្នុងសង្កាត់ពីរ គឺសង្កាត់ព្រៃធំ និងសង្កាត់អូរក្រសារ របស់ខេត្តកែប ផងដែរ ។ លោកបានបង្ហាញនូវការជឿជាក់ថា គម្រោងផែរជលយាននេះ នឹងផ្តល់នូវផលប្រយោជន៍ និងឱកាសការងារជាច្រើន សម្រាប់ប្រជាជនមូលដ្ឋាន ក៏ជាផ្នែកមួយនៃការរួមចំណែកដល់ការកាត់បន្ថយភាពក្រីក្រជូនប្រជាពលរដ្ឋខេត្តកែប ដែលភាគច្រើនពឹងផ្អែកលើមុខរបរនេសាទសមុទ្រ និងបំរើ សេវាកម្មទេសចរណ៍។

លោកបានជម្រុញដល់វិនិយោគិនដែលទទួលខុសត្រូវ អនុវត្តគម្រោង ត្រូវអនុវត្តទៅតាមកិច្ចសន្យាដែលបានព្រមព្រៀង ដើម្បីឱ្យសមិទ្ធផលដែលទទួលបានប្រកបដោយគុណភាព តាមស្តង់ដា និងបច្ចេកទេសត្រឹមត្រូវ និងពន្លឿនការសាងសង់អោយបាន តាមពេលកំណត់។

លោក អ៊ឹង កូវហៃ វិនិយោគិនលើកំពង់ផែរជលយាន្តសេះសនេះ ថានិងអាច បញ្ចប់គម្រោងសាងសង់ក្នុងអំឡុងចុងឆ្នាំ២០២៣ ប្រើរយៈពេលសាងសង់ប្រហែលពីរឆ្នាំ៕