សេដ្ឋកិច្ច

១០ខែឆ្នាំនេះ កម្ពុជានាំចេញកសិផល បានចំនួនជាង ៤០០០លានដុល្លារអាមេរិក

បានផុស

២ years មុន

នៅ

ថ្ងៃសៅរ៍ ៣០ តុលា ២០២១

ដោយ

រយៈពេល ១០ខែ ឆ្នាំ២០២១នេះ ការនាំចេញកសិផលរបស់កម្ពុជាទៅក្រៅប្រទេស មានបរិមាណសរុបចំនួនជាង៦,៣៦លានតោន បើគិតជាប្រាក់ទទួលបានជាង ៤ពាន់លានដុល្លារអាមេរិក។ ការនាំចេញកសិកផលកម្ពុជា ក្នុងបរិមាណខាង លើ មានកំណើនចំនួន ២,៩លានតោនស្មើនឹង ៨៧,៥៣%។ កសិផលនាំចេញ មានស្រូវអង្ករ និងផលិតផលក្រៅពីស្រូវអង្ករ ដូចជា៖ ដំឡូងមី ស្វាយចន្ទី ចេកស្រស់ ក្រូចថ្លុងជាដើម ត្រូវបាននាំទៅកាន់ប្រទេសចំនួន ៦៨។

របាយការណ៍ របស់ក្រសួងកសិកម្ម រុក្ខាប្រមាញ់ និងនេសាទ បានបញ្ជាក់ថា កសិផលនាំចេញមាន ស្រូវ អង្ករ ដំឡូងមី ស្វាយចន្ទី ចេកស្រស់ ក្រូចថ្លុង ជាដើម។ បរិមាណនាំចេញអង្ករមានចំនួន ៤៦០.១៦៩ តោន មានការថយចុះជាង ១៤, ២០% បើធៀបនឹងបរិមាណនាំចេញ ក្នុងរយៈពេល ១០ខែឆ្នាំ២០២០។ ចំពោះការនាំចេញស្រូវមានចំនួន ២,៦លានតោន នាំទៅកាន់ប្រទេសវៀតណាម (មានវិញ្ញាបនបត្រភូតគាមអនាម័យចំនួន ១,៦លានតោន) ដែលមានការកើនឡើង ៨៦, ៣៧% បើធៀបនឹងរយៈពេលដូចគ្នានៅឆ្នាំ ២០២០ ដែលមានចំនួន ១, ៤ លានតោន។

ចំណែកការនាំចេញកសិផល ក្រៅពីស្រូវ-អង្ករ មានចំនួន ៤, ២លានតោន កើនឡើង ៤៧,៧២% បើធៀបនឹងរយៈពេលដូចគ្នាក្នុងឆ្នាំ២០២០ ដែលមានចំនួន ២, ៨ លានតោន កសិផលទាំងនោះ មានដូចជាចំណិតដំឡូងមីក្រៀមមានចំនួន ១.៣ លានតោន, ដំឡូងមីស្រស់មានចំនួន ៧៤៣,៧២០តោន, ម្ស៉ៅដំឡូងមីមានចំនួន ២៦,៩៧១ តោន កាកសំណល់ ដំឡូងមីមានចំនួន ៧,២៩៦តោន, គ្រាប់ស្វាយចន្ទីមានចំនួន ៩១៤,៧៩៥តោន, ផ្លែចេកស្រស់មានចំនួន ៣៦៩,៤៣១ តោន, ផ្លែក្រូចថ្លុងមានចំនួន ៣៤,៩១៨តោន ជាដើម៕

អត្ថបទ៖ ណារី