ព័ត៌មានជាតិ

កំពង់ផែទេសចរណ៍ខេត្តកែបតម្លៃ ១,២ លានដុល្លារសម្ពោធដាក់ឱ្យប្រើប្រាស់ថ្ងៃនេះ

បានផុស

២ years មុន

នៅ

ថ្ងៃពុធ ១៩ មករា ២០២២

ដោយ

កំពង់ផែទេសចរណ៍ខេត្តកែប-កោះទន្សាយ ដែលចំណាយថវិការក្នុងការសាងសង់ប្រមាណ ១,២ លានដុល្លារ ត្រូវបានសម្ពោធបើកឱ្យប្រើប្រាស់ជាផ្លូវការ នៅថ្ងៃទី ១៩ ខែមករា ឆ្នាំ ២០២២ ក្រោមវត្តមានលោកទេសរដ្ឋមន្ត្រី ស៊ុន ចាន់ថុល រដ្ឋមន្ត្រីក្រសួងសាធារណការ និងដឹកជញ្ជូន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទីតាំងផែដែលទើបសាងសង់រួចនេះ ស្ថិតនៅកំពង់ផែចាស់ (កោះទន្សាយ) ក្រុងកែប ខេត្តកែប ដែលបានប្រើរយៈពេលសាងសង់ ២៤ខែ គិតចាប់ពីថ្ងៃបើកការដ្ឋានថ្ងៃទី ១២ ខែធ្នូ ឆ្នាំ២០១៩ រហូតដល់ ថ្ងៃទី២៧ ខែធ្នូ ឆ្នាំ២០២១។

អភិបាលខេត្តកែប លោក សោម ពិសិដ្ឋ បានមានប្រសាសន៍ថា កំពង់ផែនេះត្រូវបានសាងសង់លើផ្ទៃដីជិត ៥ ពាន់ម៉ែត្រការ៉េនៅលើដីគោកខេត្តកែបវានឹងជួយសម្រួលដល់ការដឹកជញ្ជូនតាមសមុទ្រនៃទូកទេសចរណ៍រវាងខេត្តកែប និងកោះទន្សាយ ដែលជាគោលដៅទេសចរណ៍ដ៏ទាក់ទាញបំផុតរបស់ខេត្ត មានចម្ងាយ ៤.៥ គីឡូម៉ែត្រពីឆ្នេរសមុទ្រ។

លោកថា កំពង់ផែនេះអាចទទួលចតនាវាផ្ទុកអ្នកដំណើរបានក្រោម ៣០០នាក់។ ដោយឡែកនាវាដឹកទំនិញផ្សេងៗអាចចូលចតបាននាវា ដែលស្ថិតក្រោម១៥តោន។

កំពង់ផែនេះត្រូវបានសាងសង់ក្នុងគោលបំណងពង្រីកសក្ដានុពលទេសចរណ៍របស់ខេត្ត និងបម្រើដល់វិស័យទេសចរណ៍ ហើយក្រៅពីបម្រើដល់វិស័យទេសចរណ៍ក្នុងស្រុក កំពង់ផែទេសចរណ៍កោះទន្សាយ គឺជាផលិតផលទេសចរណ៍ដ៏មានសក្តានុពល ដែលនឹងទាក់ទាញភ្ញៀវទេសចរបរទេស តាមរយៈការដឹកជញ្ជូនពីប្រទេសជិតខាង៕

Related Topics:ខេត្តកែប