សេដ្ឋកិច្ច
ត្រីមាសទី ១ឆ្នាំនេះ ការនាំចេញលើវិស័យកាត់ដេរកម្ពុជាមានកំណើន ២៥% គិតជាទឹកប្រាក់ ៣ ១៥៥លានដុល្លារ
ក្នុងត្រីមាសទី ១ឆ្នាំ ២០២២នេះ វិស័យកាត់ដេរកម្ពុជានៅរក្សាបានកំណើន នៃការនាំចេញក្នុងអត្រា ២៥% ដែលគិតជាទឹកប្រាក់ចំនួន ៣ ១៥៥លានដុល្លារ។ ក្នុងនោះ ការនាំចេញសម្លៀកបំពាក់មានចំនួន ២ ១៣៧លានដុល្លារ កើន ២០% ស្បែកជើង ៤២១លានដុល្លារ កើន៣៣% ផលិតផលធ្វើដំណើរ និងកាបូបមានចំនួន ៤៦៨លានដុល្លារ កើន ៤៦% ហើយផលិតផលវាយនភណ្ឌផ្សេងៗទៀត មានចំនួន ១២៨លានដុល្លារ កើន ១១%។
ទិន្នន័យនេះ បានបង្ហាញឲ្យដឹងនៅក្នុងជំនួបពិភាក្សាការងារ រវាងលោក ប៉ាន់ សូរស័ក្តិ រដ្ឋមន្ត្រីក្រសួង ពាណិជ្ជកម្ម ជាមួយគណៈប្រតិភូសមាគមរោងចក្រកាត់ដេរនៅកម្ពុជា (GMAC) កាលពីរសៀលថ្ងៃទី២១ ខែមេសា ឆ្នាំ ២០២២ នៅទីស្តីការក្រសួងពាណិជ្ជកម្ម ដើម្បីបន្តជំរុញវិស័យវាយនភណ្ឌកាត់ដេរសម្លៀកបំពាក់ ផលិតស្បែកជើង ផលិតផលធ្វើដំណើរ និងកាបូបនៅកម្ពុជា ឲ្យកាន់តែរីកចម្រើនបន្ថែមទៀត។
លោករដ្ឋមន្រ្តី ប៉ាន់ សូរស័ក្តិ បានបញ្ជាក់ថា សមាគមរោងចក្រកាត់ដេរនៅកម្ពុជាជាដៃគូដ៏សំខាន់ របស់ក្រសួងពាណិជ្ជកម្ម ក៏ដូចជារាជរដ្ឋាភិបាលកម្ពុជា ក្នុងការជួយជំរុញកំណើនសេដ្ឋកិច្ច និងភាពប្រកួតប្រជែងរបស់កម្ពុជា ក្នុងវិស័យវាយនភណ្ឌកាត់ដេរសម្លៀកបំពាក់ ផលិតស្បែកជើង ផលិតផលធ្វើដំណើរ និងកាបូប។
លោករដ្ឋមន្រ្តី បានបន្តថា GMAC បានចូលរួមចំណែកយ៉ាងសំខាន់ ជាមួយរាជរដ្ឋាភិបាល និងដៃគូអភិវឌ្ឍន៍ដទៃទៀត ក្នុងការចរចាបើកទីផ្សារបន្ថែម ក៏ដូចជាការកសាងយុទ្ធសាស្រ្តអភិវឌ្ឍវិស័យកាត់ដេរ ផលិតស្បែកជើង ផលិតផលធ្វើដំណើរ និងកាបូបកម្ពុជាឆ្នាំ ២០២២-២០២៧ ដើម្បីធានាបាននូវការអភិវឌ្ឍ ប្រកបដោយនិរន្តរភាព និងប្រែក្លាយវិស័យនេះទៅជាឧស្សាហកម្ម ដែលមានចីរភាពផ្នែកបរិស្ថាន មានភាពធន់នឹងតម្លៃបន្ថែមច្រើន ព្រមទាំងមានភាពប្រកួតប្រជែងខ្ពស់ ក្នុងតំបន់ដ៏ដូចជាពិភពលោក។
បន្ថែមពីនេះ លោករដ្ឋមន្រ្តី ប៉ាន់ សូរស័ក្តិ និងលោក គង់ សាង ប្រធានសមាគមរោងចក្រកាត់ដេរនៅកម្ពុជា ក៏បានប្តេជ្ញាចិត្តបន្តកិច្ចសហការល្អប្រសើរនេះបន្ថែមទៀត ដើម្បីចូលរួមអភិវឌ្ឍន៍ និងប្រែក្លាយវិស័យវាយនភណ្ឌកាត់ដេរសម្លៀកបំពាក់ ផលិតស្បែកជើង ផលិតផលធ្វើដំណើរ និងកាបូបនៅកម្ពុជា ឲ្យក្លាយទៅជាមជ្ឈមណ្ឌលឧត្តមភាព នៃឧស្សាហកម្មកាត់ដេរនៅអាស៊ីអាគ្នេយ៍៕
អត្ថបទ៖ ធឿន វ៉ាន់សុង
-
ព័ត៌មានជាតិ៤ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ២ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ៧ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ២ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
កីឡា១ សប្តាហ៍ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៦ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៣ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ២ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ