Connect with us

សេដ្ឋកិច្ច

ពន្ធដារ ប្រមូលចំណូលបានជាង ២,៦ពាន់លានដុល្លារ ៩ខែឆ្នាំ ២០២២

បានផុស

នៅ

រយៈពេល ៩ខែឆ្នាំ ២០២២ អគ្គនាយកដ្ឋានពន្ធដារប្រមូលចំណូលតាមប្រព័ន្ធអនឡាញបានប្រមាណ ២៦៩៣,៣៨​លានដុល្លារ ស្មើនឹង ៩៥,៥៣ភាគរយ នៃផែនការច្បាប់ស្តីពីហិរញ្ញវត្ថុប្រចាំឆ្នាំ ២០២២ បើធៀបនឹងចំណូលពន្ធអាករ​ក្នុងរយៈពេលដូចគ្នា កាលពីឆ្នាំ ២០២១ កើនឡើង ប្រមាណ ៥៨០,៥១លានដុល្លារ ស្មើនឹង ២៧,៥០ភាគរយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

រីឯចំណូលប្រចាំខែកញ្ញា អគ្គនាយកពន្ធដារប្រមូលបាន ២៥៤,០៦លានដុល្លារ កើនក្នុងអត្រា ២៥,៩៨ភាគរយ បើធៀបនឹងខែដូចគ្នា កាលឆ្នាំ២០២១។ នេះបើយោងតាមសេចក្តីប្រកាសព័ត៌មានរបស់អគ្គនាយកពន្ធដារ នៅថ្ងៃទី​១១តុលា ស្តីពីកិច្ចប្រជុំបូកសរុបលទ្ធផលការងារពន្ធដារ រយៈពេល ៩ខែឆ្នាំនេះ។ 

​កាលឆ្នាំ២០២១ អគ្គនាយកដ្ឋានពន្ធដារប្រមូលចូលជាតិ បាន ២ ២៤៣លានដុល្លារ ដែលលើសផែនការរហូត​ដល់ទៅជាង ២៤ភាគរយ។ 

ចំពោះកំណើននៃការប្រមូលចំណូលពន្ធនេះ គឺបានមកពីលទ្ធផលនៃកំណែទម្រង់ប្រព័ន្ធពន្ធដាររឹងមាំ​ និងការបង់ពន្ធមាន​តម្លាភាព ជាដើម។ នេះជាការបញ្ជាក់របស់លោក គង់ វិបុល អគ្គនាយកនៃអគ្គនាយកដ្ឋានពន្ធដារ។ ប្រធានពន្ធដារ បានបន្តថា ការផ្តល់់សេវាពិគ្រោះយោបល់ដល់អ្នកជាប់ពន្ធ និងសេវាគាំទ្រការប្រើប្រាស់ប្រព័ន្ធនិងកម្មវិធីនានា​(E-Tax service) ព្រមទាំងការដាក់ចេញនូវវិធានចុះអង្កេតអចលទ្រព្យ និងការបោះពុម្ព ប្រគល់វិក្កយបត្រដល់​អ្នកជាប់​ពន្ធជាម្ចាស់​អចលទ្រព្យដល់គេហដ្ឋាន ក៏ជាផ្នែកមួយជួយដល់កំណើននៃការប្រមូលពន្ធផងដែរ៕

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម