សេដ្ឋកិច្ច

កម្ពុជាសម្ពោធបើកការនាំចេញផ្លែមៀនស្រស់ទៅកាន់ទីផ្សារចិនជាផ្លូវការ

បានផុស

២ years មុន

នៅ

ថ្ងៃព្រហស្បតិ៍ ២៧ តុលា ២០២២

ដោយ

ក្រសួងកសិកម្ម រុក្ខាប្រមាញ់ និងនេសាទនៅថ្ងៃទី ២៧ ខែតុលា ឆ្នាំ ២០២២នេះ បានរៀបចំកម្មវិធីសម្ពោធការនាំចេញផ្លែមៀនស្រស់កម្ពុជាជាលើកដំបូងទៅកាន់ទីផ្សារប្រទេសចិននៅទីស្ដីការក្រសួងក្រោមវត្តមានលោក ឌិត ទីណា រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ និងឯកអគ្គរដ្ឋទូតចិនប្រចាំកម្ពុជា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ឌិត ទីណា រដ្ឋមន្ត្រីក្រសួងកសិកម្ម បានថ្លែងថា ការសម្រេចបានសិទ្ធិនាំចេញផ្លែមៀនស្រស់ជាផ្លូវការទៅកាន់ប្រទេសចិននាពេលនេះ គឺជាការបោះជំហានទៅមុខយ៉ាងវែងសម្រាប់កម្ពុជា។ លោករដ្ឋមន្ត្រីក៏បានវាយតម្លៃខ្ពស់ចំពោះលទ្ធផលការងារដែលអគ្គនាយកដ្ឋានកសិកម្មសម្រេចបានលើការជំរុញការនាំចេញផ្លែមៀនស្រស់។

សូមជំរាបផងដែរថា ទម្រាំសម្រេចបានការនាំចេញផ្លែមៀនស្រស់ទៅកាន់ទីផ្សារប្រទេសចិននៅពេលនេះ កម្ពុជា និងភាគីចិនបានធ្វើការរួមគ្នាអស់រយៈពេល ៣ ឆ្នាំ ពាក់ព័ន្ធនឹងការពិនិត្យអំពីលក្ខខណ្ឌតម្រូវភូតគាមអនាម័យ និងទីផ្សារផ្សេងៗ ព្រមទាំងចុះបញ្ជីផ្លូវការនៅចម្ការមៀន ក៏ដូចជារោងចក្រវេចខ្ចប់ផ្លែមៀនសម្រាប់នាំចេញទៅកាន់ប្រទេសចិន។

មានចម្ការមៀនចំនួន ៧៤ និងរោងចក្រវេចខ្ចប់ចំនួន ៨ ដែលទទួលស្គាល់ជាផ្លូវការអនុញ្ញាតឲ្យនាំមៀនទៅទីផ្សារចិន។ ក្នុងចំណោមចំការមៀនចំនួន ៧៤ ដែលទទួលបានការអនុម័តចុះបញ្ជីជាផ្លូវការក្នុងការនាំផ្លែមៀនទៅចិន មាន ៤០ ចម្ការ នៅខេត្តប៉ៃលិន ខេត្តបាត់ដំបង មាន ២៨ ចម្ការ និងខេត្តបន្ទាយមានជ័យចំនួន ៦ ចម្ការ។

ដោយឡែក រោងចក្រវេចខ្ចប់ចំនួន នៅខេត្តកណ្ដាល ១ ខេត្តបាត់ដំបងរោងចក្រ ៣ ខេត្តប៉ៃលិនចំនួន ២ និងខេត្តព្រះសីហនុ ២ សរុបចំនួន ៨ រោងចក្រ៕