សេដ្ឋកិច្ច
រុស្ស៊ី គំរាម ឈប់ផ្គត់ផ្គង់ប្រេងដល់ប្រទេសណា ដែលកំណត់តម្លៃ
អ្នកនាំពាក្យក្រសួងការបរទេសរុស្ស៊ីលោកស្រី Maria Zakharova បានព្រមានកាលពីថ្ងៃព្រហស្បតិ៍ទី២៤ខែវិច្ឆិកាថា ទីក្រុងមូស្គូ នឹងដាក់ទណ្ឌកម្មលើប្រទេសណា ដែលគាំទ្រសំណើរបស់ក្រុមប្រទេសទាំងប្រាំពីរ (G7) ក្នុងការកំណត់តម្លៃប្រេងរបស់ខ្លួន។
យោងតាមរបាយការណ៍របស់ប្រព័ន្ធផ្សព្វផ្សាយ, ក្រុមអ្នកការទូតសហភាពអឺរ៉ុប មានសុទិដ្ឋិនិយមថា ពួកគេអាចឈានដល់កិច្ចព្រមព្រៀងលើការកំណត់តម្លៃ សម្រាប់ការនាំចេញប្រេងរបស់រុស្ស៊ី បើទោះបីជាមានការខ្វែងគំនិតគ្នាលើផែនការនេះក៏ដោយ។
លោកស្រី Zakharova បាននិយាយក្នុងសន្និសីទមួយថា “យើងបាននិយាយម្តងហើយម្តងទៀតថា ការដាក់ចេញនូវអ្វីដែលគេហៅថា ការកំណត់តម្លៃសម្រាប់ប្រេងរុស្ស៊ី គឺជាវិធានការប្រឆាំងនឹងទីផ្សារ វារំខានដល់ខ្សែសង្វាក់ផ្គត់ផ្គង់ និងអាចធ្វើឲ្យមានភាពស្មុគស្មាញយ៉ាងខ្លាំងដល់ស្ថានភាពនៅលើទីផ្សារថាមពលពិភពលោក។ សហព័ន្ធរុស្ស៊ី មិនមានគម្រោងផ្គត់ផ្គង់ប្រេងដល់ប្រទេសណាដែលចូលរួមជាមួយក្រុមអ្នកទិញទាំងនេះទេ”។
ក្រុមប្រទេស G7 កំពុងពិចារណាដាក់កម្រិតតម្លៃប្រេងរបស់រុស្ស៊ី ចន្លោះពី ៦៥ ទៅ ៧០ ដុល្លារក្នុងមួយបារ៉ែល។ វិធានការនេះត្រូវបានគេរំពឹងថានឹងចូលជាធរមាននៅថ្ងៃទី ៥ខែធ្នូ ដែលជាផ្នែកនៃទណ្ឌកម្មណែនាំដោយសហរដ្ឋអាមេរិក សហភាពអឺរ៉ុប និងសម្ព័ន្ធមិត្តរបស់ពួកគេ។
ប្រសិនបើត្រូវបានអនុម័តមែននោះ វិធានការនេះនឹងរារាំងដល់សាជីវកម្មលោកខាងលិចពីការផ្តល់នូវការធានារ៉ាប់រង ឈ្មួញកណ្តាល និងជំនួយហិរញ្ញវត្ថុដល់នាវាដែលផ្ទុកប្រេងឆៅរបស់រុស្ស៊ី លុះត្រាតែវាត្រូវបានលក់ក្រោមតម្លៃដែលបានព្រមព្រៀងគ្នា៕
ប្រែសម្រួល៖ Vann Vann
ប្រភព៖ RT
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២២ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង