ក្រសួងពាណិជ្ជកម្ម ជំរុញឱ្យម្ចាស់ផលិតផលកម្ពុជា​ទាំងអស់ចូលរួមពិព័រណ៍​ផលិតផលលើកទី៥៥ នៅឥណ្ឌា

ក្រសួងពាណិជ្ជកម្មកម្ពុជា បានជូនដំណឹងដល់ម្ចាស់ក្រុមហ៊ុន/សហគ្រាស សេវាករ ពាណិជ្ជករ ថា ក្រុមប្រឹក្សាជំរុញការ​នាំចេញ​ផលិត​ផលសិប្បកម្ម​​​​ នឹងរៀបចំ “ពិព័រណ៍ផលិតផលសិប្បកម្ម និងវត្ថុអនុស្សាវរីយ៍ឥណ្ឌា លើកទី៥៥​​​ (IHGF) ពិព័រណ៍និទាឃរដូវដេល្លី ២០២៣​ – The 55th Indian Handicrafts &Gifts Fair (IHGF) Delhi Fair (Spring) 2023” ដែលនឹងប្រព្រឹត្តទៅចាប់ពីថ្ងៃទី១៥-១៩ ខែមីនា ឆ្នាំ២០២៣ នៅមជ្ឈមណ្ឌលតាំងពិព័រណ៍ និងម៉ាតហ្រ្គីត​ធ័រណយដា ទីក្រុងញូវដេល្លី​ប្រទេសឥណ្ឌា​។​​

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើតាមក្រសួងពាណិជ្ជកម្ម ពិព័រណ៍ផលិតផលសិប្បកម្ម និងវត្ថុអនុស្សាវរីយ៍ឥណ្ឌាលើកទី៥៥​​​ (IHGF) មិនត្រឹមតែជាវេទិ​កាសម្រាប់អ្នកទិញ​ និង​ការបញ្ជាទិញមកពីជុំវិញពិភពលោកនោះទេ ក៏ត្រូវបានចាត់ទុកជា​ការផ្តល់ឱកាសទីផ្សារ ការធ្វើជំនួប​ពាណិជ្ជកម្មសម្រាប់អ្នកតាំងបង្ហាញគ្រប់ប្រទេស លើផលិតផលសិប្បកម្ម និងវត្ថុអនុស្សាវរីយ៍ផងដែរ។

​តាមសេចក្តីជូនដំណឹង បើសិនជាម្ចាស់ក្រុមហ៊ុន/សហគ្រាស សិប្បករ ពាណិជ្ជករ និងសាធារណជនទូទៅ មានបំណងចង់ចូលរួមផ្សព្វផ្សាយ​​ផលិត​ផល ឬមាន​គម្រោងស្វែងរកដៃគូពាណិជ្ជកម្ម​​​​ជាអន្តរជាតិនៅក្នុង​ព្រឹត្តិការណ៍​ពិព័រណ៍ខាងលើ អាចបំពេញបែបបទ និងចុះឈ្មោះចូលរួមតាមរយៈគេហទំ​ព័រ៖ www.ihgf​​d​elhi​fair.in/register អ៊ីម៉ែល៖ [email protected] ឬទាក់ទងផ្ទាល់ទៅស្ថានទូតឥណ្ឌាប្រចាំនៅរាជ​ធានីភ្នំពេញ​តាមអាសយ​ដ្ឋា​ន​​​​​​​ផ្ទះលេខ៥០​-៥២ ផ្លូវសម្ដេចប៉ាន សង្កាត់បឹងរាំង ខណ្ឌដូនពេញ រាជធានីភ្នំពេញ ឬទូរស័ព្ទលេខ ០២៣​ ២១០ ៩១២​/ ០២៣ ២១០ ៩១៣ អ៊ីម៉ែល៖hoc.phnompenh​@mea.gov.in/[email protected]៕