សេដ្ឋកិច្ច
អ្នកនាំពាក្យអាកាសចរណ៍៖ កំណើនភ្ញៀវចិនកំពុងមានសម្ទុះចូលមកកម្ពុជា
លោក ជា អូន អ្នកនំាពាក្យអាកាសចរណ៍ស៊ីវិល បានថ្លែងប្រាប់កម្ពុជាថ្មីថា កំណើនភ្ញៀវទេសចរចិន បាននិងកំពុងកើនឡើងជាលំដាប់ ចាប់ពី ១៥ជើង ដល់ ៣០ជើង ក្នុងមួយថ្ងៃ និងក្រោយពេលចិនប្រកាសបើកប្រទេសកាលពីថ្ងៃទី ០៨ ខែ មករាមក កំណើនកាន់តែមានសម្ទុះខ្លាំង ប៉ុន្តែមិនទាន់បានបូកសរុបស្ថិតិនៅឡើយ។
លោក ជា អូន បានឱ្យដឹងដូច្នេះថា« ក្រោយថ្ងៃទី ០៨ មករា ដែលចិនប្រកាសបើកប្រទេស ទីតាំងដែលអាកាសចរណ៍យើងហោះទៅ មានភ្ញៀវចិនគគ្រឹកគគ្រេងឡើងមកច្រើនណាស់ គ្រាន់តែថា យើងបើកភ្លាម មិនទាន់ដឹងចំនួនភ្លាមទេ ដឹងតែកើនឡើងច្រើន»។
រដ្ឋមន្រ្តីក្រសួងទេសចរណ៍ លោក ថោង ខុន បានលើកឡើងថា នៅចុងឆ្នាំ ២០២៣នេះ ទេសចរចិន នឹងកើនឡើងស្មើនឹងឆ្នាំ ២០១៩វិញ គឺប្រមាណ ៤លាននាក់។ ការលើកឡើងរបស់លោករដ្ឋមន្រ្តីនេះ អ្នកនាំពាក្យអាកាសចរណ៍ស៊ីវិល ឯកភាពដោយផ្នែកតាមការមើលឃើញជាក់ស្តែង នៃកំណើនភ្ញៀវចិននាពេលនេះ។
បើតាមលោក ជា អូន កាលពីឆ្នាំ ២០១៩ កម្ពុជា ទទួលបានភ្ញៀវទេសចរអន្តរជាតិប្រមាណ ១១លាននាក់ នៅឆ្នាំ ២០២០ ចំនួន ២លាននាក់, ឆ្នាំ ២០២១ ទទួលបានជិត ២៧ម៉ឺននាក់ , និងឆ្នាំ ២០២២ កន្លងទៅថ្មីៗនេះ ទទួលបាន ២លាន ៣សែន ។
លោក ជា អូន បានលើកឡើងទៀតថា ទាំងក្រសួងទេសចរណ៍ និងអាកាសចរណ៍ស៊ីវិល បានដាក់ជាផែនការ និងយុទ្ធនាការទេសចរណ៍ឆ្នាំ ២០២៣ ឱ្យទទួលបានភ្ញៀវទេសចរច្រើនឡើងវិញដូចកាលពីឆ្នាំ ២០១៩។
លោក ថោង ខុន បានលើកឡើងនៅក្នុងកិច្ចប្រជុំរវាងក្រុមការងាររាជរដ្ឋាភិបាល-ឯកជន ដើម្បីស្តារ និងលើកស្ទួយវិស័យទេសចរណ៍កម្ពុជាក្រោយវិបត្តិកូវីដ-១៩ កាលពីថ្ងៃទី១១មករា ថាករណីប្រទេសចិនដកចេញនូវគោលនយោបាយគ្មានកូវីដ នោះកម្ពុជារំពឹងថា នឹងទទួលបានទេសចរអន្តរជាតិប្រមាណ ៤លាន នៅឆ្នាំ២០២៣នេះ។ ក្នុងនោះ លោកសង្កត់ធ្ងន់ថា សម្រាប់ទេសចរផ្ទៃក្នុង កម្ពុជាសង្ឃឹមថា នឹងទទួលបានក្នុងរង្វង់១៥លាននាក់ ផងដែរ។
សូមបញ្ជាក់ថា នៅឆ្នាំ២០២២-២០២៣ ជាឆ្នាំនៃដំណាក់កាលស្តារឡើងវិញវិស័យទេសចរណ៍កម្ពុជា ក្រោយវិបត្តិជំងឺកូវីដ-១៩។ សម្រាប់ឆ្នាំ២០២៣ កម្ពុជារំពឹងទទួលបានភ្ញៀវទេសចរអន្តរជាតិយ៉ាងហោចណាស់៤លាននាក់ ដែលក្នុងនោះ មានទេសចរជនជាតិចិនប្រមាណ១លាននាក់។ ក្តីរំពឹងនេះ ត្រូវបានបង្ហាញឡើងបន្ទាប់ពីប្រទេសចិនប្រកាសដកចេញនូវ«គោលនយោបាយគ្មានកូវីដ« (Zero-Covid Policy) កាលពីថ្ងៃទី៨មករា៕
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ