ព័ត៌មានជាតិ

រយៈពេល ២ខែ កម្ពុជា ទទួលចំណូលពីការនាំចេញអង្ករបានជាង ៧២ លានដុល្លារ

បានផុស

៣ years មុន

នៅ

ថ្ងៃចន្ទ ១៣ មីនា ២០២៣

ដោយ

កម្ពុជា បាននាំចេញអង្ករបានចំនួនជិត ១០ម៉ឺនតោន ទៅកាន់ទីផ្សារចំនួន ៣៨ប្រទេស តាមរយៈក្រុមហ៊ុននាំចេញចំនួន ៤០ ក្រុមហ៊ុន ដោយទទួលបានថវិកាប្រមាណ ៧២,៦៧លានដុល្លារ ត្រឹមរយៈពេល ២ខែ ដើមឆ្នាំ ២០២៣។ នេះបើតាមរបាយការណ៍របស់សហព័ន្ធស្រូវអង្ករកម្ពុជា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើតាមរបាយការណ៍ដដែល បានបញ្ជាក់ថា ក្នុងចំណោមទីផ្សារចំនួន ៣៨ ប្រទេសនោះ កម្ពុជា នាំចេញទៅប្រទេសចិន និងតំបន់ស្វយ័តហុងកុងបានចំនួន ៤៩ ០៥៦ តោន ឬស្មើនឹង ៥០,៣៣ភាគរយ គិតជាទឹកប្រាក់ ចំនួន ៣៣,៩៣ លានដុល្លារ ប្រទេសនៅក្នុងទ្វីបអឺរ៉ុបចំនួន ២១ សម្រេចបានចំនួន ៣៨ ៤៥៦ តោនដែលគិតជា ទឹកប្រាក់មានចំនួន ២៧,២៦ លានដុល្លារសហរដ្ឋអាមេរិក ប្រទេសម៉ាឡេស៊ី និងសិង្ហបុរីចំនួន ៤ ៤០៩ តោន ដែលគិតជា ទឹកប្រាក់មានចំនួន ៣,០២ លានដុល្លារសហរដ្ឋអាមេរិក និងប្រទេសផ្សេងៗ នៅអាហ្វ្រិក អូស្ត្រាលី មជ្ឈឹមបូព៌ា តួកគី រុស្ស៊ី សហរដ្ឋអាមេរិក និងបណ្តាប្រទេសនានា បានចំនួន ៥ ៥៤៦ តោន ដែលគិតជាទឹកប្រាក់មានចំនួន ៨,១៤ លានដុល្លារសហរដ្ឋអាមេរិក។

របាយការណ៍បង្ហាញថា អង្ករក្រអូបប្រណីតដែលមានពូជស្រូវផ្ការំដួលបានចំនួន ៤៩ ៣៨១ តោន, អង្ករសែនក្រអូប ចំនួន ៣៦ ៤៩៥ តោន, អង្ករស ចំនួន ៦ ៤៦១ តោន, អង្ករចំហុយចំនួន ២ ៨៩០ តោន, និងអង្ករសរីរាង្គចំនួន ២២៨៤ តោន។

ដោយឡែក ក្នុងរយៈពេល ២ខែនេះ កម្ពុជាបាននាំចេញស្រូវទៅកាន់ប្រទេសជិតខាងបានចំនួន ៨៧១៣១៩ តោន ដែលគិតជាទឹកប្រាក់ប្រមាណជា ២១៧,៨២ លានដុល្លារសហរដ្ឋអាមេរិក៕