ធនាគារជាតិ ថៃ ដំឡើងអត្រាការប្រាក់ខ្ពស់បំផុតមិនធ្លាប់មានដើម្បីទាញ​ទម្លាក់អតិផរណា

ធនាគារជាតិថៃកាលពីថ្ងៃពុធបានដំឡើងអត្រាការប្រាក់ខ្ពស់បំផុតដល់ ១.៧៥ ភាគរយ ខណៈការដំឡើង​នេះគឺ​ខ្ពស់បំផុតមិនធ្លាប់មានសម្រាប់រយៈពេល ៤ ឆ្នាំ ពោលរាប់ចាប់តាំងពីឆ្នាំ ២០១៩ មក ដោយនៅពេលនោះ ​មានត្រឹមតែ ១.៥០ ភាគរយ​ប៉ុណ្ណោះ ។

សម្រាប់ការដំឡើងអត្រាការប្រាក់នេះ គឺជាលើកទី ៥ ហើយដើម្បីទាញទម្លាក់អតិផរណា​ឲ្យទាបមកវិញ ​ខណៈបើតាមគោលការណ៍ថៃ ធនាគារជាតិគ្រោងនឹងកាត់បន្ថយអត្រាអតិផរណាឲ្យមកនៅត្រឹមតែ ២.៩​ ភាគរយនៅក្នុងឆ្នាំនេះ បន្ទាប់ពីអត្រាអតិផរណា​កាលពីខែ​កុម្ភៈ គឺមានរហូតដល់ ៣.៧៩ ភាគរយ ។

ទន្ទឹមនោះ ក្នុងចំណោមអ្នកសេដ្ឋកិច្ចចំនួន ២២ នាក់ដែលត្រូវបានស្ទង់មតិដោយសារព័ត៌មាន Reuters មាន ១៨ នាក់រំពឹងថា ធនាគារជាតិថៃ នឹងបន្តដំឡើងអត្រាការប្រាក់លើសពីចំនួនដើម​ ខណៈ ៤ នាក់ទៀត ព្យាករណ៍ថា នឹងមិនមានការផ្លាស់ប្តូរផ្សេងឡើយ ។

ពាក់ព័ន្ធនឹងបញ្ហានេះដែរ លោក Piti Disyatat គណៈកម្មាធិការគោលនយោបាយរូបិយវត្ថុជាតិថៃ (MPC) បានលើកឡើងថា “ជាមួយនឹងទិន្នន័យដែលយើងមានក្នុងដៃនៅពេលនេះ យើងសង្ឃឹមថា ការធ្វើឲ្យអត្រាការប្រាក់មកធម្មតាវិញ គួរតែអាចទៅរួច” ៕

ប្រែសម្រួលដោយ ៖ នាង រតនៈ

ប្រភព ៖​ Bangkok Post

ចុចអាន ៖ ទីបំផុត ធនាគារក្ស័យធនរបស់ អាមេរិក រកបានម្ចាស់ថ្មីហើយ