សេដ្ឋកិច្ច
កម្ពុជាទទួលធ្វើម្ចាស់ផ្ទះរៀបចំសន្និសីទស្វាយចន្ទីពិភពលោកមានប្រទេស ៤០ ចូលរួម
ក្រសួងពាណិជ្ជកម្ម និងសហព័ន្ធស្វាយចន្ទីកម្ពុជា នឹងត្រៀមរៀបចំសន្និសីទស្វាយចន្ទីពិភពលោកឆ្នាំ២០២៤ រយៈពេលបីថ្ងៃ ចាប់ពីថ្ងៃទី ១ ដល់ថ្ងៃទី ៣ ខែកុម្ភៈ ឆ្នាំ ២០២៤ នៅខេត្តសៀមរាប ដើម្បីបង្កើតជំនួបអ្នកធ្វើការ និងរកស៊ីពាក់ព័ន្ធនឹងវិស័យស្វាយចន្ទីទាំងជាតិ និងអន្តរជាតិ បានស្វែងយល់ពីសក្តានុពលវិស័យស្វាយចន្ទី និងការដាំដំណាំនេះនៅកម្ពុជាព្រមទាំងជំរុញនិងទាក់ទាញវិនិយោគិន ដែលមានបំណងវិនិយោគលើការកែច្នៃស្វាយចន្ទី។

សហព័ន្ធស្វាយចន្ទីកម្ពុជាបានឱ្យដឹងថា សន្និសីទនេះ នឹងមានអ្នកចូលរួមប្រមាណជាង ៥០០នាក់មកពី៤០ប្រទេស នៅលើពិភពលោក ដែលសុទ្ធសឹងជាអ្នកធ្វើការ និងរកស៊ីក្នុងវិស័យស្វាយចន្ទី ដូចជាអ្នកកែច្នៃ អ្នកដាំដុះ អ្នកនាំចេញ និងអ្នកលក់ឧបករណ៍កែច្នៃ និងវេចខ្ចប់ស្វាយចន្ទីជាដើម។
លោក អួន ស៊ីឡុត ប្រធានសមាគមស្វាយចន្ទីរកម្ពុជាយល់ឃើញថា សន្និសីទស្វាយចន្ទីពិភពលោកដែលនឹងមករៀបចំនៅកម្ពុជានៅឆ្នាំខាងមុខនេះ បង្ហាញពីសក្ដានុពលមួយដែលរាជរដ្ឋាភិបាលខិតខំប្រឹងប្រែងក្នុងការជួយវិស័យស្វាយចន្ទី។
លោកថា នេះជាឱកាសដែលអាចធ្វើឱ្យក្រុមហ៊ុនបណ្ដាប្រទេសជាជាច្រើនស្គាល់កម្ពុជាកាន់ច្បាស់ ហើយកម្ពុជាក៏មានឱកាសចែករំលែកផលិតផលកសិកម្មផ្សេងទៀត និងវិស័យទេសចរណ៍ក្រៅពីស្វាយចន្ទី។

កម្ពុជាគឺប្រទេសដែលផលិតស្វាយចន្ទីនៅលើពិភពលោក ប៉ុន្តែនៅខ្វះខាតហេដ្ឋារចនាសម្ព័ន្ធទាំងក្នុងស្រុក និងក្រៅស្រុកមកបើកការកែច្នៃ។ ប្រសិនបើមានរោងចក្រកែច្នៃច្រើន ជារឿងដ៍ល្អដែលអាចជួយផ្ដល់តម្លៃបន្ថែមដល់កសិករ និងអាចបង្កើតការងារដល់ពលរករក្នុងសហគមន៍។
សមាគមស្វាយចន្ទីកម្ពុជា បានឱ្យដឹងថា ការនាំចេញគ្រាប់ស្វាយចន្ទីឆៅកម្ពុជាទៅប្រទេសវៀតណាមមានចំនួនជាង ៥ សែនតោន (៥៧៤ ០០០) រយៈពេល ៦ ខែឆ្នាំ ២០២៣ ដែលមានទឹកប្រាក់ ៧៨៥ លានដុល្លារថយចុះជិត ១៤ ភាគរយ (១៣,៩៤%) បើប្រៀបនឹងរយៈពេលដូចគ្នានៅឆ្នាំ ២០២២។
យោងតាមក្រសួងកសិកម្ម រុក្ខាប្រមាញ់ និងនេសាទ ក្នុងឆ្នាំ២០២២ ដំណាំស្វាយចន្ទីគ្របដណ្តប់លើផ្ទៃដីដាំដុះចំនួន ៤៣៥.៧៣៣ ហិកតា ក្នុងនោះ ប្រមូលផលបាន ៣៣០.៨៦១ ហិកតា ផ្តល់ទិន្នផល ៥០៨.២៨៣ តោន។
គ្រាប់ស្វាយចន្ទីស្រស់ចំនួន ៤៧១.៥២០ តោន និងគ្រាប់ស្វាយចន្ទីកែច្នៃចំនួន ១.៥៥៧ តោន ត្រូវបាននាំចេញកាលពីឆ្នាំមុន៕

-
ព័ត៌មានជាតិ១ សប្តាហ៍ មុន
កូនប្រសារសម្ដេច ហេង សំរិន កំពុងកាន់តំណែងនៅរដ្ឋសភា រាជរដ្ឋាភិបាល និងជាអភិបាលខេត្ត
-
ព័ត៌មានជាតិ៦ ថ្ងៃ មុន
៣០ ឆ្នាំចុងក្រោយ ឥស្សរជនចំនួន១៤រូប ទទួលបានគោរមងារជា “សម្ដេច”
-
ព័ត៌មានជាតិ៥ ថ្ងៃ មុន
លោកឧកញ៉ា ចាន់ សុឃាំង បង្ហាញមូលហេតុបង្កឱ្យស្រូវប្រែប្រួលតម្លៃ
-
ព័ត៌មានអន្ដរជាតិ១ សប្តាហ៍ មុន
មេទ័ពអាមេរិក ថា សល់ពេល ៣០ ថ្ងៃទៀតប៉ុណ្ណោះ បើអ៊ុយក្រែន វាយរុស្ស៊ី មិនបែក នោះពិបាកហើយ
-
ព័ត៌មានជាតិ៦ ថ្ងៃ មុន
ថ្ងៃសៅរ៍នេះ ទូតបារាំង បើកឱកាសជាថ្មី ឱ្យសាធារណជនចូលទស្សនាឧទ្យានដ៏ស្រស់ស្អាតទំហំជិត៥ហិកតា
-
សន្តិសុខសង្គម៣ ថ្ងៃ មុន
បងថ្លៃស្រីចាក់សម្លាប់ប្អូនស្រី និងកូនអាយុជាងមួយឆ្នាំប្លន់យកលុយជាង៤០លានរៀល
-
ព័ត៌មានអន្ដរជាតិ៣ ថ្ងៃ មុន
តើពិតជាមានមនុស្សក្រៅភពមែនឬ? ពេលនេះ អង្គការ NASA បញ្ចេញរបាយការណ៍ហើយ
-
សន្តិសុខសង្គម៤ ថ្ងៃ មុន
អគ្គិភ័យឆេះផ្ទះតារាចម្រៀងលោក ណូយ វ៉ាន់ណេត ខូចខាតសម្ភារៈមួយចំនួន