សេដ្ឋកិច្ច

១ ឆ្នាំចុងក្រោយនេះ កូរ៉េខាងត្បូង ធ្លាក់ចុះការលក់ចេញទិញចូលរថយន្ត និងគ្រឿងបន្លាស់

បានផុស

២ years មុន

នៅ

ថ្ងៃអង្គារ ១៩ មីនា ២០២៤

ដោយ

ការនាំចេញរថយន្តរបស់ប្រទេសកូរ៉េខាងត្បូងបានឈានដល់ការធ្លាក់ចុះលើកដំបូង គិតរាប់ក្នុងរយៈពេល ២០ ខែចុងក្រោយនាត្រឹមខែកុម្ភៈ ឆ្នាំ ២០២៤ កន្លងទៅនេះ ។ នេះបើតាមទិន្នន័យបញ្ចេញដោយរដ្ឋាភិបាលកូរ៉េខាងត្បូងនាថ្ងៃអង្គារ ទី១៩ ខែមីនានេះ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទន្ទឹមនោះ ទិន្នន័យដែលផ្សាយពីក្រសួងពាណិជ្ជកម្ម ឧស្សាហកម្ម និងថាមពលរបស់ប្រទេសកូរ៉េខាងត្បូងបានឲ្យដឹងថា ការដឹកជញ្ចូនរថយន្តនាំចេញបានថមថយប្រមាណ ៧.៨ ភាគរយ គិតចាប់ពីឆ្នាំមុនរហូតដល់ឆ្នាំ ២០២៤ នេះដែលស្មើនឹងទំហំទឹកប្រាក់ ៥.១៦ ពាន់លានដុល្លារអាមេរិក ខណៈតួលេខនាំចេញរថយន្តចំនួន ១៩៨,៦៥៣ គ្រឿងក្នុងខែកុម្ភៈ គឺថយចុះចំនួន ១១ ភាគរយធៀបនឹងឆ្នាំ ២០២៣ ។

ការនាំចេញរថយន្តថយចុះនោះ ក៏ដោយសារកត្តាសំខាន់មួយចំនួនរួមចំណែកគឺ ដោយសារបុណ្យឈប់សម្រាកច្រើនចំថ្ងៃធ្វើការ ក៏ដូចជាអំឡុងពេលបុណ្យចូលឆ្នាំថ្មីជាដើម ។ ជាមួយគ្នានោះ ការនាំចេញរថយន្តប្រភេទមិនប៉ះពាល់ដល់បរិស្ថានក៏បានថយចុះប្រមាណ ១៥.៣ ភាគរយស្មើនឹង ១.៧១ ពាន់លានដុល្លារកាលពីខែកុម្ភៈ ដែលជាការថយចុះលើកដំបូងក្នុងរយៈពេលជាង ១ ឆ្នាំចុងក្រោយ ។

សម្រាប់រថយន្តកូរ៉េនាំចេញទៅសហរដ្ឋអាមេរិក កើនត្រឹមតែ ១ តួលេខប៉ុណ្ណោះ ខណៈការនាំចេញទៅបណ្តាប្រទេសសហភាពអឺរ៉ុប ប្រទេសនៅមជ្ឈឹមបូព៌ា និងអាមេរិកខាងត្បូង ក៏កើនក្នុងកម្រិតតិចតួចត្រឹម ២ តួលេខ ដែលជាតួលេខកើនតិចតួចធៀបនឹងឆ្នាំមុនៗ ។ ដោយឡែកការនាំចេញគ្រឿងបន្លាស់រថយន្តកូរ៉េខាងត្បូង ក៏ទំហំកាន់តែតិចទៅៗ ពោលគឺថយ ១.៦ ភាគរយស្មើនឹង១.៩៨ ពាន់លានដុល្លារ គិតត្រឹមខែកុម្ភៈកន្លងទៅនេះ។

ចំនួនរថយន្តដែលផលិតបានក្នុងប្រទេសកូរ៉េខាងត្បូងផ្ទាល់ក៏ថយចុះ ១៣.៦ ភាគរយស្មើនឹងចំនួន ៣០០,៤៥៩ គ្រឿងគិតត្រឹមខែកុម្ភៈ ហើយតួលេខរថយន្តលក់ក្នុងស្រុក រាប់ទាំងរថយន្តផលិតក្នុងស្រុក និងនាំចូល មានត្រឹម ១១៥,៧៥៣គ្រឿងគិតត្រឹមខែកុម្ភៈ ដែលថយចុះ ២១.២ ភាគរយ ធៀបនឹងឆ្នាំ ២០២៣ ៕

ដោយ៖ មាន រតនា

Related Topics:ប្រទេសកូរ៉េខាងត្បូង