Connect with us

សេដ្ឋកិច្ច

កម្ពុជានឹងទៅគោះទ្វារវិនិយោគនៅសហភាពអឺរ៉ុបនៅខែមិថុនាដើម្បីទាក់ទាញវិនិយោគ

បានផុស

នៅ

ភ្នំពេញ៖ មន្រ្តីជាន់ខ្ពស់នៃក្រុមប្រឹក្សាអភិវឌ្ឍន៍កម្ពុជា ហៅកាត់ថា CDC បានលើកឡើងថា កម្ពុជាជំរុញការផ្សព្វផ្សាយ​ «យុទ្ធសាស្ត្រប្រទេសបូក» (Plus-One Strategy) ដើម្បីបង្កើនភាពចម្រុះនៃក្រុមហ៊ុនវិនិយោគនៅកម្ពុជា ពិសេសដើម្បីទាក់ទាញវិនិយោគពីអឺរ៉ុប ខណៈដែលមន្រ្តីជាន់ខ្ពស់រូបនេះគ្រោងនឹងដឹកនាំគណៈប្រតិភូអញ្ជើញទៅគោះទ្វារវិនិយោគនៅសហភាពអឺរ៉ុបនាខែមិថុនាខាងមុខនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការលើកឡើងបែបនេះ​ ធ្វើឡើងដោយ​ឯកឧត្តម ស៊ុន ចាន់ថុល ឧបនាយករដ្ឋមន្ត្រី អនុប្រធានទី១ ក្រុមប្រឹក្សាអភិវឌ្ឍន៍កម្ពុជាកាលពីថ្ងៃទី២៩ ខែឧសភាព្រឹកមិញនេះ បាន​ជួបពិភាក្សាការងារជាមួយ ឯកឧត្ដម Igor Driesmans ឯកអគ្គរដ្ឋទូតវិសាមញ្ញនិងពេញសមត្ថភាពនៃសហភាពអឺរ៉ុបប្រចាំព្រះរាជាណាចក្រកម្ពុជា ដើម្បីពិភាក្សាអំពីបេសកកម្មរបស់ក្រុមប្រឹក្សាអភិវឌ្ឍន៍កម្ពុជា អញ្ជើញគោះទ្វារវិនិយោគនៅសហភាពអឺរ៉ុប។

​បើយោងតាម CDC  កិច្ចប្រជុំនា​នេះត្រូវបានរៀបចំឡើងដើម្បីពិភាក្សាអំពីការត្រៀមខ្លួនរបស់ភាគីពាក់ព័ន្ធ ក្នុងដំណើរបេសកកម្មរបស់ក្រុមប្រឹក្សាអភិវឌ្ឍន៍កម្ពុជា ដើម្បីបង្ហាញផ្លូវស្តីពីកាលានុវត្តភាព និងសក្តានុពលវិនិយោគនៅកម្ពុជាជូនទៅវិនិយោគិននៃប្រទេសចំនួនពីរ ក្នុងសហភាពអឺរ៉ុបគឺ ប្រទេសអាល្លឺម៉ង់ និងប្រទេសអេស្ប៉ាញ ស្របតាមការឯកភាពរួមគ្នាកាលពីកិច្ចប្រជុំថ្ងៃទី១១ ខែមីនា ឆ្នាំ២០២៤ រវាងឯកឧត្តឧបនាយករដ្ឋមន្ត្រី លោក Peteris Ustubs នាយកសម្រាប់មជ្ឈឹមបូពា៍ អាស៊ី និងបាស៊ីហ្វិក នៃអគ្គនាយកដ្ឋានភាពជាដៃគូរអន្តរជាតិ (DG INTPA) និងឯកឧត្ដមឯកអគ្គរដ្ឋទូត។

​ឯកឧត្តមស៊ុន ចាន់ថុលមានប្រសាសន៍ថា៖«កម្ពុជា​បានត្រៀមខ្លួនរួចរាល់​ក្នុងការធ្វើពិពិធកម្មវិនិយោគ ដោយធ្វើការទាក់ទាញវិនិយោគិនពីគ្រប់បណ្ដាប្រទេស និងបណ្ដាក្រុមហ៊ុនមានសក្ដានុពលនានា ព្រមទាំងការប្រើប្រាស់ “យុទ្ធសាស្ត្រប្រទេសបូក” (Plus-One Strategy)ជាដើម សំដៅបង្កើនភាពចម្រុះនៃក្រុមហ៊ុនវិនិយោគនៅកម្ពុជា ពិសេសលើកកម្ពស់ការវិនិយោគផ្ទាល់ពីបរទេសលើវិស័យឧស្សាហកម្មថ្មីៗ ដូចជាគ្រឿងអេឡិកត្រូនិក យានយន្ត គ្រឿងបង្គុំ និងការកែច្នៃម្ហូបអាហារជាដើម»។

​ឯកឧត្ដមឯកអគ្គរដ្ឋទូត Igor Driesmans ក៏បានលើកឡើងអំពីការគាំទ្រដល់បេសកកម្មរបស់ឯកឧត្តមឧបនាយករដ្ឋមន្ត្រី អញ្ជើញគោះទ្វារវិនិយោគបង្ហាញនូវសក្ដានុពល និងបច្ចុប្បន្នភាពនានារបស់កម្ពុជាទៅវិនិយោគិននៅសហភាពអឺរ៉ុប ពិសេសក្នុងប្រទេសអាល្លឺម៉ង់ និងប្រទេសអេស្ប៉ាញ ក្នុងខែមិថុនាខាងមុខនេះ៕

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៤៣ វិនាទី មុន

រដ្ឋបាលខេត្តព្រះសីហនុ ផ្អាកការធ្វើដំណើរតាមទូកលើផ្ទៃសមុទ្រជាបណ្តោះអាសន្ន

សន្តិសុខសង្គម៧ នាទី មុន

ជនជាតិ​បរទេសម្នាក់ធ្លាក់​​ពី​លើ​អាគារ the​penthouse ​ជាន់​ទី​១៧ស្លាប់ភ្លាមៗ

ព័ត៌មានជាតិ២៣ នាទី មុន

កម្មវិធី១.៥លាននាក់៖ ពលរដ្ឋមកពីគ្រួសារក្រីក្រ ពេញចិត្តចំពោះវគ្គបណ្តុះបណ្តាលរបស់រាជរដ្ឋា ភិបាល បានទាំងជំនាញ និងប្រាក់ឧបត្ថម្ភ

ព័ត៌មានអន្ដរជាតិ២ ម៉ោង មុន

ឧក្រិដ្ឋជននៅ ចិន កំពុងប្រើស្រោមមុខស៊ីលីកូនប្រព្រឹត្តអំពើទុច្ចរិត បង្កក្ដីបារម្ភខ្លាំង

ជីវិតកម្សាន្ដ២ ម៉ោង មុន

ត្រកូល Kim, ចន ស៊ីណា និងអតីតនាយករដ្ឋមន្ត្រីអង់គ្លេស ត្រូវសេដ្ឋីឥណ្ឌាចាត់ទុកជាបុគ្គលល្បីក្នុងថ្ងៃពិសេស

Sokha Hotels

ព័ត៌មានពេញនិយម