សេដ្ឋកិច្ច

បុព្វលាភក្នុងឧស្សាហកម្មធានារ៉ាប់រងរបស់កម្ពុជាកើនដល់១៥០លានដុល្លារក្នុងរយៈ៥ខែ

បានផុស

២ years មុន

នៅ

ថ្ងៃអង្គារ ២៥ មិថុនា ២០២៤

ដោយ

ឧស្សាហកម្មធានារ៉ាប់រងរបស់កម្ពុជាបានកត់ត្រានូវបុព្វលាភសរុបចំនួន ១៥០ លានដុល្លារក្នុងរយៈពេល ៥ ខែដំបូងនៃឆ្នាំ ២០២៤ កើនឡើងតែជាង ១ ភាគរយប៉ុណ្ណោះដោយកើនពីជាង ១៤៨ លានដុល្លារក្នុងរយៈពេលដូចគ្នាក្នុងឆ្នាំ ២០២៣។នេះបើយោងតាមរបាយការណ៍ពីនិយ័តករធានារ៉ាប់រងកម្ពុជា(IRC)។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

របាយការណ៍ដដែលបានបង្ហាញទៀតថា កំណើននេះត្រូវបានបង្កើតឡើងដោយក្រុមហ៊ុនធានារ៉ាប់រងទូទៅចំនួន ១៨ ក្រុមហ៊ុនធានារ៉ាប់រងអាយុជីវិតចំនួន ១៥ ក្រុមហ៊ុនធានារ៉ាប់រងខ្នាតតូចចំនួន ៧ និងក្រុមហ៊ុនធានារ៉ាប់រងបន្តចំនួនមួយ។

ជាមួយគ្នានេះដែរ ឧស្សាហកម្មនេះក៏បានចេញថ្លៃសំណងសរុបចំនួននៃការទាមទារដែលបានកើតឡើងគឺ ២៧,៩ លានដុល្លារក្នុងអំឡុងខែមករាដល់ខែឧសភាឆ្នាំនេះ កើនឡើង ១៧ ភាគរយពី ២៣,៨ លានដុល្លារក្នុងរយៈពេលដូចគ្នា ២០២៣ ។ រហូតមកដល់បច្ចុប្បន្ន ឧស្សាហកម្មធានារ៉ាប់រងកម្ពុជាមានទ្រព្យសម្បត្តិសរុបជាង ១ ពាន់លានដុល្លារ។

លោក ប៊ូ ចាន់ភីរូអគ្គនាយក IRC បានថ្លែងនៅក្នុងព្រឹត្តិការណ៍កាលពីពេលកន្លងមកថា ដោយសារស្ថិរភាពនយោបាយ និងកំណើនសេដ្ឋកិច្ចដែលកម្ពុជាបានរក្សាក្នុងរយៈពេលពីរទសវត្សរ៍ចុងក្រោយនេះ វិស័យធានារ៉ាប់រងកម្ពុជាមានការរីកចម្រើនគួរឱ្យកត់សម្គាល់ ហើយកំពុងដើរតួនាទីយ៉ាងសំខាន់ក្នុងការគាំទ្រសន្តិសុខសង្គម និងសេដ្ឋកិច្ចជាតិ។

ទោះជាយ៉ាងណាក៏ដោយ លោកលើកឡើងថា បើក្រឡេកមើលសូចនាករសំខាន់ៗ ដូចជាអត្រាការរួមចំណែកធានារ៉ាប់រងផ្នែកសេដ្ឋកិច្ច និងដង់ស៊ីតេធានារ៉ាប់រងកម្ពុជា អត្រាវិភាគទានមានត្រឹមតែ ១,១៤ភាគរយប៉ុណ្ណោះ ហើយដង់ស៊ីតេមានត្រឹមតែ ២០,៧២ ដុល្លារក្នុងមនុស្សម្នាក់កាលពីឆ្នាំ ២០២៣។

លោកថ្លែងថា៖ «សូចនាករនេះបង្ហាញថាទីផ្សារធានារ៉ាប់រងកម្ពុជានៅតែមានសក្ដានុពលខ្លាំងសម្រាប់ការអភិវឌ្ឍន៍នៅពេលអនាគត ប៉ុន្តែឧស្សាហកម្មមួយនេះក៏ប្រឈមនឹងកត្តាមួយចំនួនផងដែរដូចជា កង្វះជំនាញធានារ៉ាប់រង និងកង្វះការយល់ដឹងជាសាធារណៈ»។

យោងតាមរបាយការណ៍របស់ IRC បុព្វលាភធានារ៉ាប់រងដុល (GWP) របស់វិស័យធានារ៉ាប់រងរបស់កម្ពុជា កាលពីឆ្នាំ ២០២៣ មានចំនួន ៣៣២ លានដុល្លារ កើនឡើង ២០ ភាគរយពី ៣៣១,៨ លានដុល្លារកាលពីឆ្នាំ ២០២២៕

Related Topics:និយ័តករធានារ៉ាប់រងកម្ពុជា