ព័ត៌មានអន្ដរជាតិ
ថៃលើកលែងទិដ្ឋាការសម្រាប់ពលរដ្ឋពី ៩០ ប្រទេស ដើម្បីជំរុញវិស័យទេសចរណ៍ និងសេដ្ឋកិច្ច
ថៃនឹងអនុញ្ញាតឱ្យពលរដ្ឋនៃប្រទេសជាង ៩០ ចូលក្នុងប្រទេសរបស់ខ្លួន ដោយមិនចាំបាច់ប្រើប្រាស់ទិដ្ឋាការ ចាប់ពីថ្ងៃចន្ទនេះតទៅ ដើម្បីជាវិធានការលើកកម្ពស់វិស័យទេសចរណ៍ក្នុងស្រុក ក្នុងបំណងដើម្បីជំរុញសេដ្ឋកិច្ចជាតិ។ នេះបើតាមការចុះផ្សាយរបស់កាសែតបាងកកប៉ុស្ត៍ ដែលស្រង់សម្ដីអ្នកនាំពាក្យក្រសួងមហាផ្ទៃថៃ កាលពីថ្ងៃសុក្រ។
លោកស្រីអ្នកពាក្យ Traisuree Taisaranakul បានថ្លែងថា រដ្ឋមន្ត្រីក្រសួងមហាផ្ទៃថៃ លោក Anutin Charnvirakul បានចុះហត្ថលេខាលើឯកសារចំនួន៤ ដើម្បីសម្រួលដល់ការធ្វើដំណើររបស់ជនបរទេស ដែលឯកសារទាំងអស់នឹងចូលជាធរមាននៅថ្ងៃចន្ទ។
ឯកសារទាំងនោះ រួមបញ្ជូលទាំងបញ្ជីនៃប្រទេសចំនួន ៩៣ ដែលមានសិទ្ធិចូលទៅក្នុងប្រទេសថៃ ដោយមិនចាំបាច់ប្រើទិដ្ឋាការ ដែលនេះបង្ហាញពីការបន្ថែមប្រទេសថ្មីចំនួន ៣៦ ចូលទៅក្នុងបញ្ជី។ ការណែនាំបានគូសបញ្ជាក់ផងដែរថា ជនបរទេសមកពីប្រទេសទាំងនោះ នឹងអាចស្នាក់នៅក្នុងប្រទេសថៃ ដោយមិនលើសពី ៦០ ថ្ងៃ។
បើតាមបាងកកប៉ុស្តិ៍ ថៃក៏បង្កើនជិតទ្វេដងនៃចំនួនប្រទេសដែលមានសិទ្ធិទទួលបានការពិនិត្យទិដ្ឋាការពេលមកដល់ (Visa on Arrival) ពី ១៩ ដល់ ៣១ ប្រទេស។
លើសពីនេះ ថៃនឹងណែនាំសេវាកម្ម «Destination Thailand Visa (ទិដ្ឋាការទិសដៅថៃ)» ដោយកំណត់គោលដៅលើក្រុមអ្នកធ្វើការរកលុយតាមឌីជីថល អ្នកធ្វើការឯករាជ្យ និងភ្ញៀវទេសចរដែលចង់រៀនជំនាញផ្សេងៗដូចជាការធ្វើម្ហូប និងប្រដាល់មួយថៃ។
ជាមួយគ្នានេះផងដែរ លោកស្រី Traisuree បានឱ្យថា និស្សិតដែលកាន់ទិដ្ឋាការសម្រាប់ថ្នាក់អនុបណ្ឌិត ឬថ្នាក់សិក្សាខ្ពស់ជាងនេះ នឹងទទួលបានការអនុញ្ញាតឱ្យស្នាក់នៅក្នុងប្រទេសថៃរយៈពេល១ឆ្នាំបន្ថែមក្រោយបញ្ចប់ការសិក្សា ដើម្បីស្វែងរកការងារធ្វើ ឬធ្វើដំណើរ ក្នុងបំណងកុំឱ្យពួកគេចេញពីប្រទេសភ្លាមៗ។
បើតាមមន្រ្តីថៃ វិធានការទិដ្ឋាការថ្មី គឺជាផ្នែកមួយនៃកិច្ចខំប្រឹងប្រែងជំរុញវិស័យទេសចរណ៍ ដើម្បីស្ដារសេដ្ឋកិច្ចដែលមានកំណើនយឺតយ៉ាវរបស់ប្រទេស។ ខណៈវិស័យជាច្រើន ដូចជាផលិតកម្ម និងការប្រើប្រាស់បានធ្លាក់ចុះ វិស័យទេសចរណ៍ថៃបានស្ទុះងើបឡើងវិញ ដោយដើរទៅតាមគោលដៅទាក់ទាញភ្ញៀវទេសចរឱ្យបានប្រមាណ ៣៥ លាននាក់នៅឆ្នាំនេះរបស់រដ្ឋាភិបាល៕
រូបភាពរលំបាក់អគារគួររន្ធត់នៅថៃ ប៉ុន្តែអាជ្ញាធរបញ្ជាក់ថា ចំនួនអ្នកស្លាប់មាន៩នាក់ដល់ពេលនេះ
រហូតដល់ពេលនេះ មីយ៉ាន់ម៉ារកឃើញអ្នកស្លាប់និងរបួសជិត៩០០នាក់ក្នុងគ្រោះរញ្ជួយដី
ក្រុមហ៊ុនបច្ចេកវិទ្យាទំនើបចិន ប្ដេជ្ញាជំរុញកម្មវិធីសិក្សា TVET កម្ពុជា ឱ្យស្របតាមស្តង់ដារសិក្សានៃប្រទេសចិន និងអាល្លឺម៉ង់
មន្ត្រីក្រសួងសេដ្ឋកិច្ច ៖ ម្ចាស់អាជីវកម្ម ដែលប្រឈមហានិភ័យ ត្រូវមានធានារ៉ាប់រងសម្រាប់អាជីវកម្មខ្លួន
តើគ្រោះរញ្ជួយដីកើតនៅមីយ៉ាន់ម៉ាប៉ះពាល់និងជះឥទ្ធិពលដល់ណាខ្លះ?
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
ការខូចខាតបឋម ព្រោះគ្រោះរញ្ជួយដីដ៏ខ្លាំងក្លាដែលវាយប្រហារអាស៊ីអាគ្នេយ៍
នាយករដ្ឋមន្ត្រីថៃ ដាក់ចេញបទបញ្ជាបន្ទាន់ដើម្បីគ្រប់គ្រង់គ្រោះរញ្ជួយដី
-
ព័ត៌មានអន្ដរជាតិ១០ ម៉ោង agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម២ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៤ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ២០ ម៉ោង agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
កីឡា១ សប្តាហ៍ agoកញ្ញា សាមឿន ញ៉ែង ជួយឲ្យក្រុមបាល់ទះវិទ្យាល័យកោះញែក យកឈ្នះ ក្រុមវិទ្យាល័យ ហ៊ុនសែន មណ្ឌលគិរី
-
ព័ត៌មានអន្ដរជាតិ៥ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ agoតើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?