ព័ត៌មានអន្ដរជាតិ
ធុរកិច្ចថៃដកខ្លួនចេញពីមីយ៉ាន់ម៉ា ពេលសេដ្ឋកិច្ចបន្តយ៉ាប់យឺន អូសបន្លាយដោយជម្លោះផ្ទៃក្នុងរ៉ាំរៃ
ប្រតិបត្តិករធុរកិច្ចថៃ បានដកការវិនិយោគរបស់ខ្លួនចេញពីប្រទេសមីយ៉ាន់ម៉ាជាបណ្ដើរៗ ខណៈសេដ្ឋកិច្ចរបស់ប្រទេសជិតខាងថៃមួយនេះបន្តធ្លាក់ចុះដោយគ្មានសញ្ញាពីភាពប្រសើរឡើង នៅពេលជម្លោះផ្ទៃក្នុងបន្តអូសបន្លាយរ៉ាំរៃស្ទើរតែ៤ឆ្នាំទៅហើយ។ នេះបើតាមការចុះផ្សាយរបស់កាសែត The Nation។
សេដ្ឋកិច្ចរបស់មីយ៉ាន់ម៉ាបានស្ថិតក្នុងនិន្នាការធ្លាក់ចុះរួចស្រាប់ទៅហើយនៅពេលវិបត្តិកូវីដ១៩បានផ្ទុះឡើង ហើយវាកាន់តែដុនដាបខ្លាំងថែមទៀត ក្រោយក្រុមយោធាធ្វើរដ្ឋប្រហារទម្លាក់រដ្ឋាភិបាលជាប់ឆ្នោតនៅដើមខែកុម្ភៈ ឆ្នាំ ២០២១។ បច្ចុប្បន្នជម្លោះបន្តប៉ះពាល់ធ្ងន់ធ្ងរដល់សេដ្ឋកិច្ច ដោយគេឃើញពីជម្លោះប្រដាប់អាវុធមិនឈប់ឈររវាងក្រុមយោធា និងក្រុមប្រដាប់អាវុធតស៊ូប្រឆាំងយោធា។
អនុប្រធានប្រតិបត្តិនៃក្រុមហ៊ុនផលិតស៊ីម៉ងត៍ Siam Cement Group (SCG) លោក Thammasak Sethaudom បានឱ្យដឹងថា ក្រុមហ៊ុនបានផ្អាកប្រតិបត្តិការរោងចក្រចំនួន២ក្នុងប្រទេសមីយ៉ាន់ម៉ា ក៏ដូចជាផែនការពង្រីកណាមួយក្នុងរយៈពេល២ឆ្នាំទៅមុខ ដោយសារតែអស្ថិរភាពនយោបាយ។ លោកបន្ថែមថា SCG បានវិនិយោគជាង ៨ ប៊ីលានបាត លើរោងចក្រទាំងនោះ ប៉ុន្តែគ្រឿងម៉ាស៊ីនប្រតិបត្តិការមួយចំនួនត្រូវបានគេលួច នៅពេលជម្លោះបន្តកើតមាន។
លោក Thammasak បន្តថា៖ «គ្មានសង្ឃឹមថានឹងបន្តប្រតិបត្តិការនេះឡើងវិញនៅពេលណាមួយឆាប់ៗទេ។ មីយ៉ាន់ម៉ាមានរោងចក្រស៊ីម៉ងត៍មួយទៀតនៅភាគខាងជើង ដែលជាកម្មសិទ្ធិរបស់ក្រុមហ៊ុនចិន និងយាមដោយយោធាចិន។ SCG មិនអាចធ្វើដូច្នេះបានទេ ហើយយើងនឹងមិនប្រថុយជីវិតបុគ្គលិករបស់យើងនោះទេ»។
ទន្ទឹមនឹងនេះ ក្រុមហ៊ុនភេសជ្ជៈយក្ស Osotspa Plc (OSP) ថ្មីៗនេះ ក៏បានប្រកាសផងដែរ ថាខ្លួនកំពុងដាក់លក់ការវិនិយោគលើរោងចក្រ Myanmar Golden Eagle និង Myanmar Golden Glass តម្លៃ ១៣៦ លានបាត។
ប្រធានផ្នែកហិរញ្ញវត្ថុរបស់ OSP លោកស្រី Ratiporn Ratcharoen បាននិយាយថា ការលក់ដើមទុនវិនិយោគក្នុងក្រុមហ៊ុនបុត្រសម្ព័ន្ធដែលមានមូលដ្ឋាននៅមីយ៉ាន់ម៉ាទាំង២ គឺជាផ្នែកមួយនៃយុទ្ធសាស្រ្តរបស់ក្រុមហ៊ុនក្នុងការពង្រឹងអាជីវកម្មស្នូលរបស់ខ្លួន និងការលក់ចេញនូវអាជីវកម្មមិនមែនស្នូល។ លោកស្រីបានបន្ថែមថា ការលក់ចេញ នឹងមិនប៉ះពាល់ដល់អាជីវកម្មភេសជ្ជៈរបស់ខ្លួនក្នុងប្រទេសមីយ៉ាន់ម៉ានោះទេ។
ក្រៅពីក្រុមហ៊ុនទាំង២ខាងលើ ក្រុមផលិតផលិតផលផ្លាស្ទិក និងវេចខ្ចប់ថៃ TPBI Public Company Limited បានជូនដំណឹងដល់ផ្សារហ៊ុនថៃ (SET) កាលពីខែកក្កដាថា ក្រុមប្រឹក្សាភិបាលរបស់ខ្លួនបានសម្រេចចិត្តបញ្ចប់គណនីទាក់ទងនឹងក្រុមហ៊ុនបុត្រសម្ព័ន្ធនៅមីយ៉ាន់ម៉ា TPBI & Myanmar Star Company Limited ដែលបានផ្អាកប្រតិបត្តិការដោយសារតែភាពមិនប្រាកដប្រជានៃសេដ្ឋកិច្ចមីយ៉ាន់ម៉ា។
ក្រុមហ៊ុនទាំង៣នេះ ស្ថិតនៅក្នុងក្រុមហ៊ុនធំៗមួយចំនួនដែលបានដកអាជីវកម្មក្នុងប្រទេសមីយ៉ាន់ម៉ា។ យ៉ាងណាមិញ The Nation បានផ្សាយថា មិនមែនក្រុមហ៊ុនថៃទាំងអស់កំពុងដកខ្លួនចេញពីមីយ៉ាន់ម៉ានោះទេ។
ថ្មីៗនេះ ក្រុមហ៊ុន Thai Beverage Plc បានរាយការណ៍ពីការកើនឡើងនៃប្រាក់ចំណូលក្នុងអាជីវកម្មស្រារបស់ខ្លួននៅប្រទេសមីយ៉ាន់ម៉ា ក្នុងរយៈពេល៩ខែកន្លងមកនេះ។ ក្រុមហ៊ុននេះ បានវិនិយោគជាង ៥០០ លានបាត លើរោងចក្រផលិតស្រាបៀរនៅមីយ៉ាន់ម៉ាផងដែរ។ ចំណែកឯក្រុមហ៊ុន Thai President Foods ដែលជាក្រុមហ៊ុនផលិតមីកញ្ចប់ «ម៉ាម៉ា» វិញ ក៏បន្តដំណើរការរបស់ខ្លួនផងដែរ។
សព សម្តេចចៅហ្វាវាំង គង់ សំអុល នឹងរៀបចំពិធីដង្ហែចេញពីគេហដ្ឋាន ឆ្ពោះទៅបូជានៅវត្តជម្ពូវ័ន នាព្រឹកស្អែក
ធុរកិច្ចថៃដកខ្លួនចេញពីមីយ៉ាន់ម៉ា ពេលសេដ្ឋកិច្ចបន្តយ៉ាប់យឺន អូសបន្លាយដោយជម្លោះផ្ទៃក្នុងរ៉ាំរៃ
ខេត្តក្រចេះ មានបណ្តាញខ្សែផ្លូវជាតិសំខាន់ៗចំនួន ៦ ខ្សែ តភ្ជាប់ប្រទាក់ក្រឡាគ្នា
Big Planet Made ឆ្លើយតបភ្លាមៗ ក្រោយគណនី YouTube សិល្បករធំៗ ប្ដូរទៅ Tesla និង Musk US
កូរ៉េខាងជើង ចាប់ផ្ដើមបង្ហោះប៉េងប៉ោងសំរាមចូលដីកូរ៉េខាងត្បូងវិញ ក្រោយផ្អាកជិត១ខែ
ចាប់វាយខ្នោះលោក ម៉ៃ សុគន្ធ បន្ទាប់ពីព្យាយាមបើករថយន្ដគេចពីសមត្ថកិច្ចរហូតបង្កគ្រោះថ្នាក់ចរាចរណ៍
លោក គីម កាត់ទោសប្រហារជីវិតមន្ត្រី៣០នាក់ ព្រោះទឹកជំនន់នៅកូរ៉េខាងជើង
ABA ចូលរួមគាំទ្រជាថវិកា 400 លានរៀល ដល់គម្រោងកសាងហេដ្ឋារចនាសម្ព័ន្ធតាមព្រំដែន
ក្នុងផែនការផ្តួលរំលំរដ្ឋាភិបាល សមត្ថកិច្ចរកឃើញមុខសញ្ញាជនសង្ស័យប្រមាណ២០០នាក់
ចិន ផលិតនាវាចម្បាំងពិសេស២គ្រឿងឱ្យកម្ពុជា ដើម្បីពង្រឹងសមត្ថភាពការពារដែនសមុទ្រ
-
សេដ្ឋកិច្ច៧ ថ្ងៃ agoស្ពានផ្សាររាត្រី-អរិយក្សត្រ ត្រៀមបើកការដ្ឋានសាងសង់នៅខែមិថុនា ឆ្នាំ ២០២៥
-
ព័ត៌មានអន្ដរជាតិ១ សប្តាហ៍ agoយន្តហោះ Boeing ផ្ទុះកង់ ស្លាប់មនុស្ស២នាក់
-
សន្តិសុខសង្គម៧ ថ្ងៃ agoផ្ទុះអាវុធជាច្រើនគ្រាប់ក្នុងប្រតិបត្តិការបង្ក្រាបជនបែកថ្នាំ ខណៈសមត្ថកិច្ចម្នាក់ស្លាប់
-
សេដ្ឋកិច្ច១ សប្តាហ៍ agoការសិក្សាផលប៉ះពាល់ពីគម្រោងស្ពានផ្សាររាត្រី-អរិយក្សត្រ បានបិទបញ្ចប់ និងត្រៀមបើកការដ្ឋានឆាប់ៗ
-
សេចក្ដីជូនដំណឹង២ ថ្ងៃ agoព្រះសង្ឃគង់នៅវត្ត ជោតិវ័ន ហៅវត្តត្រពាំងក្របៅ ត្រូវរង្វាន់ ១២៥លានរៀលពីខារ៉ាបាវ
-
ចរាចរណ៍៣ ម៉ោង agoចាប់វាយខ្នោះលោក ម៉ៃ សុគន្ធ បន្ទាប់ពីព្យាយាមបើករថយន្ដគេចពីសមត្ថកិច្ចរហូតបង្កគ្រោះថ្នាក់ចរាចរណ៍
-
ព័ត៌មានជាតិ៥ ថ្ងៃ agoមន្ត្រីជាន់ខ្ពស់កម្ពុជា៖ នៅលើពិភពលោកនេះ គេមិនដែលយក Google Map មកធ្វើជាមូលដ្ឋានបោះបង្គោលព្រំដែន
-
សេចក្ដីជូនដំណឹង១ សប្តាហ៍ agoបុគ្គលិក គ្រួសារ Galaxy Navatra Group ជាង 3.000 នាក់បរិច្ចាគម្នាក់ 5ពាន់រៀល ដល់ «មូលនិធិកសាងហេដ្ឋារចនាសម្ព័ន្ធតាមព្រំដែន»