ព័ត៌មានអន្ដរជាតិ

វៀតណាមស្នើឱ្យក្រុមហ៊ុនចិនយក្សៗ ចូលរួមក្នុងគម្រោងអភិវឌ្ឍន៍ហេដ្ឋារចនាសម្ព័ន្ធក្នុងស្រុក

បានផុស

២ years មុន

នៅ

ថ្ងៃពុធ ១១ ធ្នូ ២០២៤

ដោយ

នាយករដ្ឋមន្ត្រីវៀតណាម លោក ផាម មិញ ឈិញ កាលពីថ្ងៃចន្ទ បានជំរុញក្រុមហ៊ុនសាងសង់ China Pacific Construction Group (CPCG) និងក្រុមហ៊ុនសំណង់យក្សៗរបស់ចិនផ្សេងទៀត ឱ្យសិក្សា និងចូលរួមក្នុងគម្រោងអភិវឌ្ឍន៍ហេដ្ឋារចនាសម្ព័ន្ធសំខាន់ៗនៅទីក្រុងហាណូយ និងទីក្រុងហូជីមិញ។ នេះបើតាមការចុះផ្សាយរបស់កាសែត The Investor។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការអំពាវនាវរបស់លោក ឈិញ ធ្វើឱ្យក្នុងអំឡុងជំនួបនៅទីក្រុងហាណូយ ជាមួយគណៈប្រតិភូក្រុមហ៊ុនសំណង់ធំៗមកពីប្រទេសចិនចំនួន១៨ និងចំពេលដែលគេមើលឃើញថា រដ្ឋាភិបាលវៀតណាមពង្រឹងការអភិវឌ្ឍហេដ្ឋារចនាសម្ព័ន្ធផ្លូវថ្នល់ ក្នុងគោលបំណងជំរុញវិស័យដឹកជញ្ញូន ដែលជាប្រយោជន៍ដល់សេដ្ឋកិច្ចជាតិ។ ក្នុងសំណើដដែលទៅក្រុមហ៊ុនចិន លោក ឈិញ បានលើកឡើងពីគម្រោងផ្សេងៗពាក់ព័ន្ធនឹងក្រុងហាណូយ ក៏ដូចជាក្រុងហូជីមិញ ដែលជាក្រុងកំពូលៗរបស់ប្រទេស។

លោកនាយករដ្ឋមន្រ្តីបានគូសបញ្ជាក់ទៀតថា ការវិនិយោគរបស់សហគ្រាសចិននៅវៀតណាម នឹងពង្រឹងទំនាក់ទំនងទ្វេភាគី ស្របតាមភាពជាដៃគូយុទ្ធសាស្ត្រគ្រប់ជ្រុងជ្រោយ។ តាមរយៈនេះ វៀតណាមស្វាគមចំពោះការវិនិយោគរបស់ចិនលើវិស័យសំខាន់ៗ ដែលរួមមាន ហេដ្ឋារចនាសម្ព័ន្ធផ្លូវថ្នល់ នវានុវត្តន៍ បញ្ញាសិប្បនិម្មិត (AI) បច្ចេកវិទ្យាខ្លោដ កំណើនសេដ្ឋកិច្ចបៃតង ថាមពលកកើតឡើងវិញ និងអ៊ិនធឺណិតនៃវត្ថុ (IoT)។

លោក ឈិញ បានសង្កត់ធ្ងន់ថា ការទាក់ទាញការវិនិយោគពីបរទេស និងអភិវឌ្ឍន៍ហេដ្ឋារចនាសម្ព័ន្ធដើម្បីកាត់បន្ថយថ្លៃដើមដឹកជញ្ជូន គឺជាផ្លូវគន្លឹះសម្រាប់វៀតណាមក្នុងការបន្តកំណើនសេដ្ឋកិច្ចរបស់ប្រទេស។

គួរគូសបញ្ជាក់ថា សិង្ហបុរីគឺជាអ្នកវិនិយោគបរទេសធំជាងគេនៅវៀតណាមបើគិតពីដើមដើមទុនដែលបានចុះបញ្ជីចន្លោះ ពីខែមករា ដល់ខែវិច្ឆិកា ខណៈចិនឈរនៅមុខគេលើគម្រោងថ្មីៗពីបរទេស៕