ព័ត៌មានអន្ដរជាតិ
វៀតណាមរំពឹងថាម្រេចនឹងបន្តឡើងថ្លៃ ជំរុញដោយការធ្លាក់ចុះទិន្នផលសកល
វៀតណាមរំពឹងថា តម្លៃម្រេចរបស់ខ្លួននឹងបន្តកើនឡើងនៅឆ្នាំ ២០២៥ ដោយសារតែការផ្គត់ផ្គង់សកលធ្លាក់ចុះ ខណៈតម្រូវការនៅក្នុងទីផ្សារសំខាន់ៗដូចជាសហរដ្ឋអាមេរិក និងអឺរ៉ុបនៅតែមានស្ថិរភាព ហើយចិនអាចនឹងចាប់ផ្តើមទិញម្រេចពីវៀតណាមបន្ទាប់ពីបុណ្យចូលឆ្នាំថ្មី។ នេះបើតាមការចុះផ្សាយរបស់កាសែត Viet Nam News កាលពីថ្ងៃអាទិត្យ។
អ្នកជំនាញក្នុងឧស្សាហកម្មម្រេចវៀតណាម បានលើកឡើងពីការណ៍នេះក្នុងកិច្ចប្រជុំប្រចាំឆ្នាំរបស់សមាគមម្រេច និងគ្រឿងទេសវៀតណាម (VPSA) នៅទីក្រុងហូជីមិញ កាលពីចុងសប្តាហ៍មុន។
យោងតាមសហគមន៍ម្រេចអន្តរជាតិ (IPC) ផលិតកម្មម្រេចពិភពលោកក្នុងឆ្នាំ ២០២៤ បានថយចុះប្រហែល ៤ ភាគរយ ( ឬស្មើនឹង ២២ ០០០ តោន) បើធៀបនឹងឆ្នាំ ២០២៣ ដែលភាគច្រើនដោយសារតែការធ្លាក់ចុះនៃផលិតកម្មនៅក្នុងប្រទេសប្រេស៊ីល និងវៀតណាម។
IPC ព្យាករថា ផលិតកម្មម្រេចសកលនៅឆ្នាំ ២០២៥ នឹងបន្តធ្លាក់ចុះ។ បញ្ហាមួយក្នុងចំណោមនោះគឺថា ការដាំម្រេចមិនសូវចំណេញធៀបនឹងដំណាំផ្សេងៗទៀត ដែលធ្វើឱ្យកសិករជាច្រើនលែងជ្រើសរើសម្រេចជាដំណាំចម្បងទៀតហើយ។ ទន្ទឹមនឹងនេះ ការប្រែប្រួលអាកាសធាតុបានកាត់បន្ថយទិន្នផលម្រេចផងដែរ ខណៈតម្លៃផលិតកម្មក៏បានកើនឡើងយ៉ាងខ្លាំង។
ប្រធាន VPSA លោកស្រី Hoang Thị Liên បានថ្លែងថា ក្នុងឆ្នាំ ២០២៤ វៀតណាមបាននាំចេញម្រេចគ្រប់ប្រភេទចំនួន ២៥០ ៦០០ តោន ដែលមានតម្លៃសរុបជាង ១,៣ ប៊ីលានដុល្លារ ក្នុងនោះ ការនាំចេញម្រេចខ្មៅមានចំនួន ១,១ ប៊ីលានដុល្លារ និងម្រេចស ២០០ លានដុល្លារ។
អ្នកស្រីបន្តថា ទោះបីជាទំហំនាំចេញម្រេចក្នុងឆ្នាំ ២០២៤ បានថយចុះ ៥,១ ភាគរយ ធៀបនឹងឆ្នាំ ២០២៣ ក៏ដោយ ប៉ុន្តែតម្លៃនៃការនាំចេញបានកើនឡើង ៤៥,៤ ភាគរយ ដោយសារតែការកើនឡើងយ៉ាងខ្លាំងនៃតម្លៃនាំចេញ។ តួលេខបានបង្ហាញថា សហរដ្ឋអាមេរិកគឺជាទីផ្សារនាំចេញម្រេចវៀតណាមដ៏ធំបំផុត ហើយបន្ទាប់មកគឺអារ៉ាប់រួម អាល្លឺម៉ង់ ហូឡង់ និងឥណ្ឌា។
អ្នកជំនាញវៀតណាមបានលើកឡើងថា ដោយផ្អែកលើការវាយតម្លៃនៃការផ្គត់ផ្គង់ និងតម្រូវការ ការនាំចេញម្រេចនៅឆ្នាំ ២០២៥ រំពឹងថានឹងប្រឈមមុខទាំងឱកាស និងភាពមិនច្បាស់លាស់។ ស្ថិរភាពនៃតម្រូវការទីផ្សារ និងការកាត់បន្ថយទិន្នផលក្នុងតំបន់មួយចំនួន នឹងជួយរក្សាតម្លៃម្រេចខ្ពស់។ ទោះជាយ៉ាងណាក៏ដោយ ទំហំនៃការកើនឡើងតម្លៃ នឹងអាស្រ័យលើល្បឿននៃការទិញរបស់ទីផ្សារសំខាន់ៗដូចជាសហរដ្ឋអាមេរិក និងប្រទេសចិនជាដើម៕
បុគ្គលស្វ័យនិយោជន៍ ត្រូវមានវិញ្ញាបនបត្រចុះឈ្មោះអ្នកសេដ្ឋកិច្ចក្រៅប្រព័ន្ធ ទើបអាចចូលជាសមាជិក ប.ស.ស បាន
នាយករដ្ឋមន្ត្រីសម្រេចឱ្យកាត់ផ្ដាច់ការជ្រៀតជ្រែកលើកិច្ចការក្រុមហ៊ុនរដ្ឋ
រុះរើហើយ! កីឡាករឆ្នើម ៣ នាក់ ទំនងនឹងចាកចេញពី Real Madrid រដូវក្តៅនេះ
គូស្នេហ៍តារាចិន Lu Han និង Guan Xiaotong សង្ស័យថាបែកគ្នាមែនទែនហើយ
រាជរដ្ឋាភិបាលកំណត់ការគ្រប់គ្រងប្រព័ន្ធបញ្ជរតែមួយជាតិដើម្បីសម្រួលពាណិជ្ជកម្ម
ស្លុតចិត្ត! ខ្សែការពារ ទេស សម្បត្តិ បានទទួលមរណៈភាព ដោយសារគ្រោះថ្នាក់ចរាចរណ៍
សមាជិកណាតូមួយប្រទេស កំពុងភ័យថា រុស្ស៊ី នឹងវាយប្រហារខ្លួន ២-៣ឆ្នាំទៀត
រុស្ស៊ី ចោទ អ៊ុយក្រែន រំលោភបទឈប់បាញ់បុណ្យ Easter ជាង ១ ៣០០ដង ឯអ៊ុយក្រែន ចោទរុស្ស៊ីវិញ រំលោភ ជិត៣ ០០០ដង
អ៊ុយក្រែន អង្វរអាល្លឺម៉ង់ សុំឲ្យផ្តល់៣០%នៃអាវុធដែលមានក្នុងឃ្លាំង មកឲ្យខ្លួនមក
តម្លៃមាសអន្តរជាតិ បន្តបំបែកកំណត់ត្រាខ្ពស់ថ្មី ក្នុងបរិបទសង្រ្គាមពាណិជ្ជកម្ម
-
សន្តិសុខសង្គម៥ ថ្ងៃ agoមនុស្ស៩នាក់ស្លាប់ក្នុងគ្រោះថ្នាក់ចរាចរណ៍នាថ្ងៃទី២នៃពិធីបុណ្យចូលឆ្នាំថ្មី
-
សន្តិសុខសង្គម១ សប្តាហ៍ agoយប់ថ្ងៃទទួលទេវតាឆ្នាំថ្មី អគ្គិភ័យឆេះផ្ទះពលរដ្ឋ១៦ខ្នងនៅខណ្ឌឬស្សីកែវ
-
ព័ត៌មានអន្ដរជាតិ៤ ថ្ងៃ agoខេត្ត Phuket របស់ថៃរងការវាយប្រហារដោយទឹកជំនន់ភ្លាមៗ ក្រោយមានភ្លៀងធ្លាក់ខ្លាំង
-
ព័ត៌មានអន្ដរជាតិ៧ ថ្ងៃ agoមិនធម្មតាទេលើកនេះ វៀតណាមស្វាគមន៍មេដឹកនាំចិន ដោយបាញ់កាំភ្លើងធំ២១ដើម
-
ព័ត៌មានអន្ដរជាតិ៤ ថ្ងៃ agoរុស្ស៊ី បង្ហាញឈ្មោះ៤ប្រទេស ដែលនឹងភ្លក់គ្រាប់របស់ខ្លួនមុនគេ ពេលផ្ទុះសង្គ្រាមធំ
-
សន្តិសុខសង្គម១ សប្តាហ៍ agoខ្យល់កន្ត្រាក់ និងរន្ទះបាញ់ កើតឡើងលើស្រុកចំនួនពីរក្នុងខេត្តបាត់ដំបង
-
ព័ត៌មានអន្ដរជាតិ៤ ថ្ងៃ agoខ្លះៗអំពីរថយន្តដែលលោក ស៊ី ជីនពីង យកពីចិនមកជិះនៅកម្ពុជា
-
ព័ត៌មានអន្ដរជាតិ២ ថ្ងៃ agoត្រាំ ប្រកាសថា អាចនឹងលែងជួយបញ្ចប់សង្គ្រាមរុស្ស៊ី-អ៊ុយក្រែន បើមើលទៅ ពិបាកពេក