សេដ្ឋកិច្ច
កម្ពុជាដាក់ឱ្យដំណើរការ កម្មវិធីទូទាត់បាគងទេសចរជាមួយប័ណ្ណវិសា សម្រួលដល់ការទូទាត់ភ្ញៀវទេសចរអន្តរជាតិ
ធនាគារជាតិនៃកម្ពុជា បានដាក់ឱ្យដំណើរការកម្មវិធីទូទាត់បាគងទេសចរណ៍ជាមួយក្រុមហ៊ុនបណ្ដាញទូទាត់អន្តរជាតិ “BAKONG Tourists App with VISA” ដើម្បីជួយសម្រួលការទូទាត់តាមឌីជីថលសម្រាប់ភ្ញៀវទេសចរអន្តរជាតិ និងអាជីវកម្មក្នុងស្រុក។

ថ្លែងក្នុងពិធីប្រកាសដាក់ឱ្យដំណើរការកម្មវិធីទូទាត់បាគងទេសចរ ជាមួយក្រុមហ៊ុនបណ្ដាញប័ណ្ណទូទាត់អន្តរជាតិនៅថ្ងៃទី២២ ខែមករា ឆ្នាំ ២០២៥ លោកស្រីបណ្ឌិត ជា សិរី ទេសាភិបាលធនាគារជាតិនៃកម្ពុជា បានថ្លែងថា តាមរយៈកិច្ចសហប្រតិបត្តិការនេះ ភ្ញៀវទេសចរអន្តរជាតិ នឹងទទួលបានបទពិសោធន៍ទូទាត់ ថ្លៃទំនិញនិងសេវាតាមប្រព័ន្ធឌីជីថលកាន់តែងាយស្រួល ដោយគ្រាន់តែទាញយកកម្មវិធីទូទាត់ បាគងទេសចរ រួចបញ្ចូលទឹកប្រាក់ក្នុងគណនីបាគងដោយភ្ជាប់ជាមួយប័ណ្ណទូទាត់ VISA ដែលមានស្រាប់ពីប្រទេសដើមរបស់ខ្លួន។
លោកស្រីបានបន្តថា មុខងារជឿនលឿននេះជួយបង្កើនប្រសិទ្ធភាព បំបាត់តម្រូវការសាច់ប្រាក់ និងបង្កើនបទពិសោធន៍ធ្វើដំណើរទូទាំងប្រទេសកម្ពុជាហើយតាមរយៈការធ្វើការរួមគ្នា យើងអាចធានាបាននូវការទទួលយកយ៉ាងទូលំទូលាយ និងផ្តល់អត្ថប្រយោជន៍ជាអតិបរមាសម្រាប់ភ្ញៀវទេសចរអន្តរជាតិ និងសេដ្ឋកិច្ចក្នុងស្រុក។

លោកស្រីបណ្ឌិតបានបន្ថែមថា ការដាក់ឱ្យដំណើរការកម្មវិធី BAKONG Tourists App with VISA ស្របតាមគោលនយោបាយរបស់រាជរដ្ឋាភិបាលកម្ពុជា ក្នុងគោលបំណងជំរុញរួមបញ្ចូលគ្នារវាងសេដ្ឋកិច្ចឌីជីថល និងសង្គម ក៏ដូចជាការពង្រឹងជំហររបស់កម្ពុជាជាប្រទេសឈានឆ្ពោះទៅមុខ ដែលផ្តល់ជូនភ្ញៀវទេសចរអន្តរជាតិនូវវិធីសុវត្ថិភាព និងប្រសិទ្ធភាពជាងមុន។
លោលស្រីបានបញ្ជាក់ថា ការសហការគ្នារវាងធនាគារជាតិនៃកម្ពុជា និងក្រុមហ៊ុនបណ្ដាញប័ណ្ណទូទាត់អន្តរជាតិវីសា ក្នុងគោលបំណងកែលម្អសេវាទូទាត់ប្រាក់ និងគាំទ្រវិស័យទេសចរណ៍ សម្រាប់ភ្ញៀវទេសចរអន្តរជាតិ។
លក្ខណៈពិសេសនេះផ្តល់នូវការចូលប្រើភ្លាមៗទៅកាន់មូលនិធិ បើកការទិញ ការកក់ និងការគ្រប់គ្រងការចំណាយដោយមិនយកសាច់ប្រាក់ ឬប្រើបញ្ជរប្តូររូបិយប័ណ្ណ។

លោកស្រីបណ្ឌិតបានលើកទឹកចិត្តដល់ធនាគារ គ្រឹះស្ថានហិរញ្ញវត្ថុ និងអាជីវកម្មទាំងអស់ឱ្យគាំទ្រ និងផ្សព្វផ្សាយកម្មវិធីឱ្យបានសកម្មមនិងទូលំទូលាយហើយលោកស្រីបណ្ឌិតបានបញ្ជាក់បន្ថែមថាតាមរយៈការធ្វើការរួមគ្នា យើងអាចធានាបាននូវការទទួលយកយ៉ាងទូលំទូលាយ និងផ្តល់អត្ថប្រយោជន៍ជាអតិបរមាសម្រាប់ភ្ញៀវទេសចរអន្តរជាតិ និងសេដ្ឋកិច្ចក្នុងស្រុក។
គួរបញ្ជាក់ថាកម្មវិធី BAKONG Tourists App របស់ធនាកាតជាតិនៃកម្ពុជាបានដាក់ឱ្យដំណើរការនៅខែសីហា ឆ្នាំ២០២៤មានគោលបំណងសម្រួលការទូទាត់តាមឌីជីថលសម្រាប់ភ្ញៀវទេសចរអន្តរជាតិ និងអាជីវកម្មក្នុងស្រុក។ វាផ្តល់សិទ្ធិអំណាចដល់អ្នកប្រើប្រាស់ជាមួយនឹងការបញ្ចូលទឹកប្រាក់ក្នុងគណនីរហ័ស និងងាយស្រួល ការទូទាត់ឌីជីថលនិងមានភាពងាយស្រួលក្នុងការប្រើ។
កម្មវិធីនេះជំរុញឱ្យមានការចូលរួមកាន់តែស៊ីជម្រៅជាមួយនឹងមរតក និងបដិសណ្ឋារកិច្ចដ៏សម្បូរបែបរបស់ប្រទេសកម្ពុជាផងដែរ៕
អត្ថបទ៖ សំអឿន

-
សន្តិសុខសង្គម៤ ថ្ងៃ ago
«ចែមុំបុកល្ហុង» សង្ស័យបង្កប់សេវាកម្មផ្លូវភេទ នគរបាលចុះបង្ក្រាបឃាត់ខ្លួនមនុស្ស១១នាក់
-
ជីវិតកម្សាន្ដ៧ ថ្ងៃ ago
ផ្ទុះការចាប់អារម្មណ៍នឹងយុវតីម្នាក់ សំឡេងពីរោះ ច្រៀងស្រដៀងនឹងរាជិនីសំឡេងសារិកាមាស ប៉ែន រ៉ន
-
សន្តិសុខសង្គម៦ ថ្ងៃ ago
អ្នកកាសែតម្នាក់ត្រូវឃាត់ខ្លួនក្រោយដោះមីនតោនដឹកយកទៅឱ្យប៉ូលិស
-
ព័ត៌មានជាតិ៤ ថ្ងៃ ago
ករណីលូ១តម្លៃ៤០ដុល្លា៖ អាជ្ញាធរ ថាមិនបានយកលុយពីពលរដ្ឋឡើយ គឺពលរដ្ឋជួលភាគីឯកជនឱ្យដាក់ខ្លួនឯង
-
ព័ត៌មានអន្ដរជាតិ៦ ថ្ងៃ ago
ធ្លាក់យន្តហោះនៅ អាឡាស្កា អ្នកជិះក្នុងនោះ ស្លាប់ទាំងអស់
-
ជីវិតកម្សាន្ដ១៧ ម៉ោង ago
G-Devith ៖ បុគ្គលដែលអាចហែកមេឃចេញបាន មានន័យថា អ្នកនោះអាចរួចពីសំណាញ់ច្បាប់ហើយ
-
ជីវិតកម្សាន្ដ៣ ថ្ងៃ ago
G-Devith ដាក់បណ្តឹងទៅ UNICEF នៅកម្ពុជា ដើម្បីលុបជាអចិន្ត្រៃយ៍គ្រប់គណនីហ្វេសប៊ុក ដែលប៉ះពាល់សិទ្ធិកុមារ តាមគ្រប់រូបភាព
-
ចរាចរណ៍៤ ថ្ងៃ ago
ផ្លូវ៦០ម៉ែត្រទៀត! រថយន្ដពាក់ស្លាកលេខរដ្ឋ បុករះរថយន្ដ២គ្រឿងកំពុងឈប់ចាំភ្លើងស្តុបរងការខូចខាត