ព័ត៌មានអន្ដរជាតិ
ថៃ និងអ៊ីស្រាអែល ពិចារណាចរចាគ្នាលើកិច្ចព្រមព្រៀងពាណិជ្ជកម្មសេរី
ប្រទេសថៃ និងអ៊ីស្រាអែល បានបង្ហាញចំណាប់អារម្មណ៍លើការចរចាគ្នាសម្រាប់កិច្ចព្រមព្រៀងពាណិជ្ជកម្មសេរី (FTA) ដើម្បីពង្រឹងពាណិជ្ជកម្ម និងការវិនិយោគរវាងប្រទេសទាំងពីរ។ នេះបើតាមការចុះផ្សាយរបស់កាសែតបាងកកប៉ុស្តិ៍។

រដ្ឋមន្ត្រីក្រសួងពាណិជ្ជកម្មថៃ លោក Pichai Naripthaphan បាននិយាយថា ថៃ និងអ៊ីស្រាអែល បានបង្ហាញចំណាប់អារម្មណ៍រួមលើការបង្កើតកិច្ចព្រមព្រៀងពាណិជ្ជកម្មសេរី ដោយចាប់ផ្តើមពីការបង្កើតគណៈកម្មាធិការពាណិជ្ជកម្មរួមមួយ ដើម្បីត្រួសត្រាយផ្លូវសម្រាប់ការចរចាជាផ្លូវការនាពេលខាងមុខ។
ក្នុងអំឡុងកិច្ចពិភាក្សាបៃវេទិកាសេដ្ឋកិច្ចពិភពលោក (WEF) នៅទីក្រុង Davos ប្រទេសស្វីស កាលពីដើមខែនេះ លោក Pichai បានពិភាក្សាជាមួយលោក Nir Barkat រដ្ឋមន្ត្រីក្រសួងសេដ្ឋកិច្ច និងឧស្សាហកម្មអ៊ីស្រាអែល។ មន្រ្តីទាំង២ បានផ្តោតលើការជំរុញ FTA និងបង្កើនឱកាសពាណិជ្ជកម្ម និងការវិនិយោគទ្វេភាគី។

ក្នុងនាមជាសមាជិកនៃអង្គការសម្រាប់កិច្ចសហប្រតិបត្តិការ និងការអភិវឌ្ឍសេដ្ឋកិច្ច (OECD) អ៊ីស្រាអែលត្រូវបានគេទទួលស្គាល់ពីសក្ដានុពលសេដ្ឋកិច្ចដ៏សំខាន់របស់ប្រទេស ជាពិសេសវិស័យបច្ចេកវិទ្យា និងនវានុវត្តន៍។ អ៊ីស្រាអែលនាំចូលផលិតផលអាហារពីប្រទេសថៃ រួមមានអង្ករ អាហារវេចខ្ចប់ដែលអាចបរិភោគបានភ្លាមៗ អាហារសមុទ្រកំប៉ុង និងបន្លែផ្លែឈើកំប៉ុង។
បើតាមលោក Pichai អ៊ីស្រាអែលចង់ពង្រីកពាណិជ្ជកម្មជាមួយថៃ ដោយទទួលស្គាល់ថៃថាជាដៃគូ និងជាមិត្តដ៏សំខាន់នៅអាស៊ីអាគ្នេយ៍។ លោកបន្តថា បច្ចេកវិទ្យាទំនើបរបស់អ៊ីស្រាអែលផ្តល់ឱកាសដល់ថៃដើម្បីរៀនសូត្រ ក៏ដូចជាអភិវឌ្ឍសមត្ថភាពបច្ចេកវិទ្យារបស់ខ្លួន៕

-
ព័ត៌មានអន្ដរជាតិ៤ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៥ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៧ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ៤ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៧ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ១ សប្តាហ៍ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម៣ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
ព័ត៌មានអន្ដរជាតិ២ ថ្ងៃ ago
កើតក្តីបារម្ភបាក់ទំនប់វារីអគ្គិសនីនៅថៃ ក្រោយរញ្ជួយដី