ព័ត៌មានអន្ដរជាតិ
ត្រាំ គំរាមបង្កើនពន្ធ ក្រោយ EU សងសឹកជុំវិញពន្ធដែកថែប
ប្រធានាធិបតីសហរដ្ឋអាមេរិក លោក ដូណាល់ ត្រាំ ជាថ្មីម្ដងទៀតបានគំរាមបង្កើនពន្ធលើទំនិញរបស់សហភាពអឺរ៉ុប (EU) ក្រោយប្លុកជាសម្ព័ន្ធមិត្តមួយនេះបានចេញវិធានការពន្ធសងសឹកលើទំនិញអាមេរិកតម្លៃ ២៨,៣៣ ប៊ីលានដុល្លារ ដើម្បីជាការឆ្លើយតបទៅនឹងពន្ធ ២៥ ភាគរយ របស់ ត្រាំ លើដែកថែប និងអាលុយមីញ៉ូមនាំចូលពីគ្រប់ប្រទេសទាំងអស់។ នេះបើតាមការចុះផ្សាយរបស់ទីភ្នាក់ងារសារព័ត៌មានរ៉យទ័រ។
លោក ត្រាំ បានថ្លែងប្រាប់អ្នកសារព័ត៌មានកាលពីថ្ងៃពុធថា លោកនឹងបង្កើនពន្ធឱ្យខ្ពស់ ប្រសិនបើ EU បន្តផែនការរបស់ខ្លួនក្នុងការបន្ថែមពន្ធលើទំនិញអាមេរិកចាប់ពីខែក្រោយទៅ។ លោកបញ្ជាក់យ៉ាងដូច្នេះថា៖ «អ្វីក៏ដោយដែលពួកគេបានគិត(ពន្ធ)លើយើង យើងនឹងគិតលើពួកគេឱ្យវិញ»។
គេមើលឃើញថា ពន្ធលើដែកថែប និងអាលុយមីញ៉ូមរបស់លោក ត្រាំ ដែលចូលជាធរមានកាលពីពុធ និងរួមចំណែកដល់ការផ្ទុះឡើងនៃសង្រ្គាមពាណិជ្ជកម្មពិភពលោកនោះ បានរងការរិះគន់ពីប្រទេសជាសម្ព័ន្ធមិត្តជុំទិស រាប់តាំងពី EU អូស្រ្តាលី រហូតដល់ជប៉ុន អង់គ្លេស និងកាណាដា។
កាណាដា ដែលជាប្រទេសផ្គត់ផ្គង់ដែកថែប និងអាលុយមីញ៉ូមដ៏ធំបំផុតសម្រាប់សហរដ្ឋអាមេរិក បានប្រកាសពន្ធសងសឹក ២៥ ភាគរយ លើដែកថែប និងអាលុយមីញ៉ូមអាមេរិកដូចគ្នា រួមជាមួយនឹងកុំព្យូទ័រ សម្ភារៈកីឡា និងផលិតផលផ្សេងៗទៀត ដែលមានតម្លៃសរុប ២០ ប៊ីលានដុល្លារ។ កន្លងមក កាណាដាបានដាក់ពន្ធដែលមានតម្លៃប្រហាក់ប្រហែលគ្នា លើទំនិញអាមេរិករួចហើយ ដើម្បីជាការឆ្លើយតបនឹងពន្ធលើទំនិញកាណាដាទូទៅរបស់ ត្រាំ។
រដ្ឋមន្ត្រីក្រសួងហិរញ្ញវត្ថុកាណាដា លោក Dominic LeBlanc បាននិយាយថា៖ «យើងនឹងមិនឈរដោយស្ងៀមស្ងាត់ឡើយ ខណៈឧស្សាហកម្មដែក និងអាលុយមីញ៉ូមដ៏ល្បីល្បាញរបស់យើង កំពុងត្រូវបានគេកំណត់គោលដៅដោយអយុត្តិធម៌»។
ក្រសួងការបរទេសចិនឯណោះវិញ បាននិយាយថា ចិននឹងការពារផលប្រយោជន៍របស់ខ្លួន ខណៈប្រធានខុទ្ទកាល័យជប៉ុន លោក Yoshimasa Hayashi បាននិយាយថា វិធានការពន្ធចុងក្រោយរបស់អាមេរិក អាចជះឥទ្ធិពលយ៉ាងសំខាន់លើទំនាក់ទំនងសេដ្ឋកិច្ចអាមេរិក និងជប៉ុន។
សម្ព័ន្ធមិត្តជិតស្និទ្ធរបស់សហរដ្ឋអាមេរិកផ្សេងៗ អង់គ្លេស និងអូស្ត្រាលី បានរិះគន់ពន្ធលើពន្ធដែកថែបដដែល ប៉ុន្តែច្រានចោលលើការដាក់ពន្ធសងសឹក ខណៈប្រេស៊ីល ដែលជាប្រទេសផ្គត់ផ្គង់ដែបថែបធំបំផុតទី២របស់អាមេរិក ក៏បានបញ្ជាក់ផងដែរពីការមិនសងសឹក៕
អំពើបាញ់ប្រហារកើតឡើងថ្មីនៅអាមេរិក បណ្តាលឱ្យស្លាប់៣នាក់ និងរបួស១៥នាក់
ផ្ទុះការតវ៉ាកាន់តែខ្លាំង ក្រោយតុលាការតួកគីឃុំខ្លួនអភិបាលក្រុងអ៊ីស្តង់ប៊ុល
សហព័ន្ធប្រដាល់គុនខ្មែរ ចុះស្វែងរកកីឡាករចាស់ៗពីសង្គមដើមតបស្នងឲ្យសមពីវីរភាព
ផ្លូវ៣៧១ នឹងត្រូវបិទដំណើរការចរាចរណ៍មួយចំហៀងផ្លូវដើម្បីស្ថាបនាស្ថានីយបូមទឹកបឹងទំពន់
អភិបាលក្រុងបាងកក បន្ទោសប្រទេសជិតខាង ទើបផ្សែងពុលនៅរាជធានី ឈានដល់កម្រិតធ្ងន់ធ្ងរ
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
Update ៖ កុមារាអាយុជាង ៣ ឆ្នាំម្នាក់ កើតជំងឺផ្តាសាយបក្សីបានទទួលមរណភាពហើយ នៅមន្ទីរពេទ្យបង្អែកខេត្តក្រចេះ
រយៈពេល៥ឆ្នាំ លំដាប់លេខ១ថៃ Tawanchai ចាញ់សន្លប់លើកដំបូង
ព្រះអង្គធំនៅភ្នំសំពៅ នឹងក្លាយជាគោលដៅទេសចរណ៍សាសនាធំជាងគេ ក្រោយបញ្ចប់សាងសង់ដ៏ខ្លីខាងមុខនេះ
ការិយាល័យប្រធានាធិបតីកូរ៉េខាងត្បូងសាទរ សាលក្រមតុលាការធម្មនុញ្ញនៅថ្ងៃនេះ
-
KPT+១ សប្តាហ៍ agoតំបន់កោះដ៏ពេញនិយមសម្រាប់សកម្មភាពកម្សាន្ត របស់ខេត្តកោះកុង
-
ព័ត៌មានជាតិ៦ ថ្ងៃ agoអាមេរិកគ្រោងដាក់កម្ពុជាក្នុងបញ្ជីលឿង៖សម្ដេចតេជោ ថាជាសិទ្ធិរបស់គេ គ្មានអ្វីត្រូវខ្វល់ តែត្រូវកសាងប្រទេសឱ្យខ្លាំង
-
ព័ត៌មានជាតិ៦ ថ្ងៃ agoពីឆ្នាំ២០០៩ ដល់បច្ចុប្បន្ន ឥស្សរជនជាន់ខ្ពស់៥រូប ត្រូវបានតម្លើងឋានន្តរសក្ដិ ថ្នាក់នាយឧត្តមសេនីយ៍ផុតលេខ ផ្កាយមាស៥
-
ព័ត៌មានអន្ដរជាតិ៥ ថ្ងៃ agoនិយាយជាមួយពូទីនចប់ភ្លាម ត្រាំ ថា បើផ្ទុះសង្គ្រាមលោកលើកទី៣ ទ័ពអាមេរិក ក៏អាចចូលប្រយុទ្ធដែរ
-
ព័ត៌មានជាតិ៥ ថ្ងៃ agoព្រះតេជគុណ ជួន កក្កដា គ្រោងលាចាកសិក្ខាបទនៅព្រឹកនេះ
-
កីឡា៣ ថ្ងៃ agoកញ្ញា សាមឿន ញ៉ែង ជួយឲ្យក្រុមបាល់ទះវិទ្យាល័យកោះញែក យកឈ្នះ ក្រុមវិទ្យាល័យ ហ៊ុនសែន មណ្ឌលគិរី
-
សន្តិសុខសង្គម១ សប្តាហ៍ agoឃាត់ខ្លួនមនុស្ស៥នាក់ពាក់ព័ន្ធករណីលួចលុយពីធនាគារឯកជនមួយក្នុងទំហំទឹកប្រាក់ខ្ទង់លានដុល្លារ
-
ព័ត៌មានអន្ដរជាតិ៧ ម៉ោង agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស