ព័ត៌មានអន្ដរជាតិ

អាជីវកម្មម៉ាឡេស៊ីខ្វល់ពីផលប៉ះពាល់ពន្ធ ត្រាំ ខណៈការពន្យារជិតផុតកំណត់

បានផុស

១ year មុន

នៅ

ថ្ងៃចន្ទ ៩ មិថុនា ២០២៥

ដោយ

ខណៈការពន្យារពេលអនុវត្តពន្ធបដិការនឹងផុតកំណត់នៅក្នុងរយៈពេល ១ ខែទៀត ក្រុមហ៊ុនអាជីវកម្មសម្រាប់ការនាំចេញរបស់ម៉ាឡេស៊ី បានសម្ដែងការព្រួយបារម្ភថា ពួកគេនឹងរងផលប៉ះពាល់យ៉ាងអវិជ្ជមាន ប្រសិនបើរដ្ឋាភិបាលខ្លួនបរាជ័យក្នុងការចរចាទម្លាក់ពន្ធ ២៤ ភាគរយ លើទំនិញម៉ាឡេស៊ី។ នេះបើតាមការចុះផ្សាយរបស់កាសែតក្នុងស្រុក The Star។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រធានសហព័ន្ធក្រុមហ៊ុនផលិតម៉ាឡេស៊ី (FMM) លោក Tan Sri Soh Thian Lai បានព្រមានថា សម្ពាធពន្ធ អាចបង្ខំក្រុមហ៊ុនមួយចំនួន ជាពិសេសក្រុមហ៊ុននៅក្នុងវិស័យដែលងាយរងគ្រោះដោយបម្រែបម្រួលនៃការចំណាយ និងពាក់ព័ន្ធផលិតកម្មសម្រាប់ការនាំចេញទៅសហរដ្ឋអាមេរិក ឱ្យកាត់បន្ថយប្រតិបត្តិការរបស់ខ្លួន។

លោកបានបន្តថា ឥទ្ធិពលរួមគ្នានៃការកាត់បន្ថយការបញ្ជាទិញ ការធ្លាក់ចុះនៃប្រាក់ចំណេញ និងសម្ពាធចំណាយដែលបន្តអូសបន្លាយ អាចមានផលប៉ះពាល់យ៉ាងធ្ងន់ធ្ងរសម្រាប់ឧស្សាហកម្មដែលពឹងផ្អែកលើការនាំចេញរបស់ម៉ាឡេស៊ី។

សមាជិកជាន់ខ្ពស់ក្រុមប្រឹក្សាសកម្មភាពសេដ្ឋកិច្ចម៉ាឡេ លោក Ahmad Yazid Othman បាននិយាយថា ជាគោលការណ៍ ជំហររបស់ក្រុមប្រឹក្សានេះគឺថា ម៉ាឡេស៊ីត្រូវតែទទួលយកពន្ធគយ ដែលនឹងត្រូវអនុវត្ត។ លោកបានបន្តថា៖ «យើងសង្ឃឹមថារដ្ឋាភិបាលនឹងចាត់វិធានការបន្ថែមទៀត ដើម្បីជំរុញការប្រើប្រាស់ក្នុងស្រុក ហើយត្រូវត្រៀមខ្លួនថា ពន្ធនឹងកើនឡើង»៕