សេដ្ឋកិច្ច
កសិដ្ឋានចិញ្ចឹមត្រីមួយកន្លែង ផ្គត់ផ្គង់កូនត្រីក្នុងខេត្តរតនគិរី មានតម្រូវការខ្ពស់
កសិដ្ឋានចិញ្ចឹមត្រី ផាត បញ្ញា ដែលមានទីតាំងស្ថិតនៅភូមិអូរកន្សែង សង្កាត់បឹងកន្សែង ក្រុងបានលុង ខេត្តរតនគិរី ទទួលបានការពេញនិយមពីអតិថិជនទាំងក្នុងស្រុក និងក្រៅខេត្ត ខណៈការផ្គត់ផ្គង់កូនត្រីក្នុងខេត្តនេះ ក៏មានតម្រូវការខ្ពស់នាចុងខែមិថុនានេះផងដែរ។
កសិករមានបំណងចង់ចាប់អាជីពជាអ្នកចិញ្ចឹមត្រី ដែលតែងតែពិបាកទៅរកកូនពូជត្រី ឬ រកទិញពីខេត្តផ្សេងៗ នោះ ពេលនេះ ខេត្តរតនគិរី ក៏មានកន្លែងសម្រាប់ទិញកូនពូជត្រីដែរ គឺ កសិដ្ឋានចិញ្ចឹមត្រី ផាត បញ្ញា ដោយកសិដ្ឋានមួយនេះមានលក់ប្រភេទកូនពូជត្រីជាច្រើន។
លោក ផាត បញ្ញា ម្ចាស់កសិដ្ឋាន និងជាមន្ត្រីជលផលខេត្តរតនគិរី បានចែករំលែកបទពិសោធថា មូលហេតុដែលធ្វើឲ្យលោកចាប់អារម្មណ៍បើកកសិដ្ឋានចិញ្ចឹមត្រី ផាត បញ្ញា នេះ គឺ ចង់ជួយទៅដល់សហគមន៍ ពីព្រោះមានជំនាញស្រាប់ ជាពិសេសចង់ផ្សព្វផ្សាយពីកសិកម្មវារីវប្បកម្ម។
លោកបន្តថា ដំបូងលោកចាប់ផ្ដើមកសាងកន្លែងចិញ្ចឹមកូនត្រី តាំងពីកសិដ្ឋាននៅឆ្នាំ ២០១៩ អស់រយៈពេល ៦ ឆ្នាំ មកហើយ នៅលើផ្ទៃដី ១ ហិតា ដោយមានស្រះបង្កាត់កូនត្រីចំនួន ១០ ស្រះ ហើយជារៀងរាល់ឆ្នាំ ក៏បន្តពង្រីកស្រះជាបន្តបន្ទាប់ផងដែរ។ នៅលើការចំណាយលុយលើមុខរបបនេះ គឺនៅខ្វះអាងភ្ញាស់កូនត្រី ទើបត្រូវប្រើថវិកា ដើម្បីទិញសម្ភារៈជារៀងរាល់ឆ្នាំ អាចអាស្រ័យតម្រូវការរហូតមកដល់បច្ចុប្បន្ននេះ។ ផ្អែកលើតម្លៃវិញ លោក លក់ទៅឲ្យអតិថិជនក្នុងតម្លៃសមរម្យប៉ុណ្ណោះ បើសិនជាមានការកុម្ម៉ង់ទិញច្រើន ក៏លោកដឹកជញ្ជូនទៅឲ្យដល់អាងចិញ្ចឹមត្រី មិនគិតតម្លៃសេវានោះទេ។
លោកបន្តទៀតថា បច្ចុប្បន្ននេះលោកមានលក់កូនត្រីពូជដូចជា ត្រីអណ្តែង ត្រីក្រាញ់ ត្រីទីឡាប់យ៉ាក្រហម ទីឡាប់យ៉ាខ្មៅ និងប្រភេទត្រីផ្សេងៗ ទៀត។ ជាទូទៅ កូនត្រីពូជទាំងនេះ ចាប់ពីវាញាស់ ត្រូវថែបំប៉ននៅរយៈពេល ៤៥ ថ្ងៃ ទើបក្លាយជាកូនត្រីមានសុខភាពល្អ អាចលក់ចេញទៅក្រៅបាន។ ចំពោះទីផ្សារដែលលក់ចេញមានក្នុងខេត្ត និងនៅខេត្តមណ្ឌលគិរី ក្រចេះ និងស្ទឹងត្រែង។ នៅក្នុងឆ្នាំ ២០២៤ កន្លងទៅ សរុបកូនត្រីលក់បាន ២៧ ម៉ឺនកូន និងឆ្នាំ ២០២៣ លក់ចេញ ៣០ ម៉ឺនកូន។ ក្នុងចំណោមកូនត្រីទាំងអស់ កូនត្រីអណ្ដែង មានការពេញនិយមជាងគេ ពីព្រោះបានផលលឿន ហើយកសិករប្រើពេលផ្តល់ចំណី ពី ៣ ខែកន្លះ យ៉ាងយូរ ៤ ខែ អាចចាប់លក់បានហើយ។ ចំពោះកូនត្រីប្រភេទផ្សេងទៀត ត្រូវការចំណាយពេលយូរ ប្រើពេលចាប់ពី ៨ ខែ ទៅដល់ ១ ឆ្នាំ ទើបធំធាត់ អាចប្រមូលផលបាន។
លោកបញ្ជាក់ដែរថា លោកមិនត្រឹមតែលក់កូនត្រីនោះទេ លោកក៏អាចបង្រៀនអតិថិជនពីរបៀបផ្តល់ចំណីឲ្យត្រីដោយមិនគិតប្រាក់ផងដែរ។ លោកថា កសិករដែលនៅផ្ទះអាចចាប់យកអាជីពខាងលើនេះបានដោយងាយស្រួល ពីព្រោះ ត្រីអណ្តែង មិនចាំបាច់ទិញចំណីមកពីទីផ្សារ ឬត្រូវប្រើប្រាក់កាសជារៀងរាល់ថ្ងៃនោះទេ ដោយគ្រាន់តែប្រមូលកាកសំណល់ពីផ្ទះបាយមានស្រាប់ដាក់ចំណីត្រី និងប្រើប្រាស់ពេលវេលាតិចខែ ក្នុងការប្រមូលផល សម្រាប់ជាម្ហូបអាហារហូបក្នុងគ្រួសារ និងលក់ចេញទៅក្នុងស្រុក៕
អត្ថបទ ៖ ចាប
សូមទស្សនាវីដេអូខាងក្រោម ៖
កសិដ្ឋានចិញ្ចឹមត្រីមួយកន្លែង ផ្គត់ផ្គង់កូនត្រីក្នុងខេត្តរតនគិរី មានតម្រូវការខ្ពស់
អាជ្ញាធរខេត្តកែប ល្បាតលើផ្ទៃសមុទ្រ ដើម្បីទប់ស្កាត់ការនាំចូលបន្លែផ្លែឈើ និងប្រេងពីប្រទេសថៃ
តារាជើងចាស់ ៣ដួង នៅតែមានប្រជាប្រិយភាពក្នុងចិត្តពលរដ្ឋខ្មែរនៅកម្ពុជាក្រោម
ចិនបង្ក្រាបក្រុមស្រ្តីជាអ្នកនិពន្ធរឿងស្នេហាភេទដូចគ្នា
ក្រុមហ៊ុនអាកាសចរណ៍វៀតណាមផ្អាកអ្នកបើកយន្តហោះ៤នាក់ បន្ទាប់ពីយន្តហោះប៉៉ះគ្នាមុនហោះឡើង
ឆេះរោងចក្រនៅថៃ ជាប់មនុស្សច្រើននាក់ក្នុងនោះ
ឥទ្ធិពលសម្ពាធទាប កម្ពុជានឹងមានភ្លៀងធ្លាក់ជាមួយផ្គររន្ទះ និងខ្យល់កន្ត្រាក់ដល់ថ្ងៃទី២កក្កដា
អាមេរិកថ្កោលទោសការអំពាវនាវរបស់អ៊ីរ៉ង់ឲ្យចាប់ខ្លួននិងប្រហារជីវិតប្រធាន IAEA
រុស្ស៊ី វាយប្រហារទ្រង់ទ្រាយធំលើអ៊ុយក្រែន ដោយបាញ់មីស៊ីលនិងដ្រូនជាង ៥០០គ្រាប់/គ្រឿង
ថៃអាចខាតបង់លើស ១,៨៤ ប៊ីលានដុល្លារ បើព្រំដែនបន្តបិទដល់ចុងឆ្នាំ
-
ព័ត៌មានអន្ដរជាតិ២ ថ្ងៃ agoផែថងថាន លើកយកជម្លោះព្រំដែនកម្ពុជា-ថៃនិងឧក្រិដ្ឋកម្មអនឡាញ ពិភាក្សាជាមួយ ម៉ាក្រុង
-
ព័ត៌មានអន្ដរជាតិ៥ ថ្ងៃ agoពលរដ្ឋថៃ រាប់ពាន់នាក់រត់ភៀសខ្លួន បន្ទាប់ពីយន្តហោះមីយ៉ាន់ម៉ា ទម្លាក់គ្រាប់បែកនៅព្រំដែន
-
សន្តិសុខសង្គម៣ ថ្ងៃ agoអាជ្ញាធរខេត្តព្រះវិហារ ដុតកម្ទេចចោលដូងក្រអូប១៥០០គីឡូក្រាម ដែលលួចនាំចេញពីថៃ ឆ្លងកាត់ប្រទេសឡាវចូលមកកម្ពុជាដោយខុសច្បាប់
-
ព័ត៌មានអន្ដរជាតិ១ សប្តាហ៍ agoរុស្ស៊ី អះអាងថា ប្រទេសមួយចំនួន ត្រៀមបញ្ជូនក្បាលគ្រាប់នុយក្លេអ៊ែរ ឲ្យអ៊ីរ៉ង់ ដោយផ្ទាល់
-
ព័ត៌មានជាតិ១ ថ្ងៃ agoស្រុកសំឡូត តំបន់កសិកម្មដ៏ល្បីមានច្រកទ្វារព្រំដែន ៤ កន្លែងសម្រាប់ទំនាក់ទំនងជាមួយថៃ
-
ព័ត៌មានជាតិ៦ ថ្ងៃ agoកម្ពុជា ទទួលរងឥទ្ធិពលពីព្យុះមួយទៀត គឺព្យុះទី២ ឈ្មោះ សេពផេត
-
ព័ត៌មានជាតិ១ សប្តាហ៍ agoជប៉ុន ប្រកាសពង្រឹងទំនាក់ទំនងកងទ័ពជាមួយកម្ពុជាឱ្យកាន់តែរឹងមាំ
-
នយោបាយ១ សប្តាហ៍ agoក្រោយបិទនាំចូលឥន្ធនៈនាយករដ្ឋមន្ត្រីថានៅអាចឆ្លើយតបថែមទៀតបើថៃចង់លេង