លឹម លោកា ជាប់​ U23 កម្ពុជា ត្រៀមពាន ASEAN U23 ខណៈ​កីឡាករ​សំខាន់​ខ្លះគ្មាន​ឈ្មោះ

នៅថ្ងៃ ចន្ទ ទី ៣០ ខែ មិថុនា ឆ្នាំ ២០២៥ សហព័ន្ធបាល់ទាត់កម្ពុជា បានប្រកាសជាផ្លូវការអំពីកីឡាករជម្រើសជាតិកម្ពុជា អាយុក្រោម ២៣ ឆ្នាំ (U23) ចំនួន ២៣ នាក់ចុងក្រោយ ដើម្បីចូមរួមការប្រកួតពាន ASEAN U-23 Mandiri Cup ឆ្នាំ ២០២៥ ខណៈខ្សែបម្រើលឹម លោកា ក៏មានឈ្មោះផងដែរ ដ្បិតគេមិនបានធ្វើតេស្តជាមួយក្រុមក៏ដោយ។

កីឡាករទាំង ២៣ នាក់ ដែលជាប់នៅក្នុងបញ្ជីរបស់គ្រូបង្វឹកលោក Koji Gyotoku រួមមាន៖

អ្នកចាំទី៖ រុន ចុងមីង (ឡាយ អេហ្វស៊ី), រ៉េត លីហេង (ណាហ្គាវើដ៍) និងម៉ាត់ ឡានី (សមាគមន៍កីឡាបាល់ទាត់ ខ.ភ.ម)។

ខ្សែការពារ៖ អឹម វ៉ាឃឹម (ក្លិបបាល់ទាត់អង្គរថាយហ្គឺរ), ទាំ មករា (ក្លិបបាល់ទាត់អង្គរថាយហ្គឺរ), សំអុល ទីណា (ក្លិបបាល់ទាត់អាយអេសអាយ ដង្កោសែនជ័យ), វ៉ន វីត (ក្លិបបាល់ទាត់ឡាយហ្វ ខេត្តព្រះសីហនុ), ហួត វ៉ាន់ណេត (ក្លិបបាល់ទាត់ណាហ្គាវើលដ៍), ផាត សុខា (ក្លិបបាល់ទាត់ណាហ្គាវើលដ៍), វ៉ន ផល្លា (សមាគមកីឡាបាល់ទាត់ ខ.ភ.ម), យ៉ង់ ភូមិន្ទ (សមាគមកីឡាបាល់ទាត់ ខ.ភ.ម), ឡេង ណូរ៉ា (ក្លិបបាល់ទាត់វិសាខា)។

ខ្សែបម្រើ៖ លីម លោកថុង (Auckland United), អ៊ុក ដេវីន (ក្លិបបាល់ទាត់ឡាយហ្វូ ខេត្តព្រះសីហនុ), ជូ ស៊ីនទី (ក្លិបបាល់ទាត់ព្រះខ័នរាជស្វាយរៀង), គង់ លីហ៊ួរ (ក្លិបបាល់ទាត់វិសាខា), ស៊ិន សុវណ្ណមករា (ក្លិបបាល់ទាត់វិសាខា)។

ខ្សែប្រយុទ្ធ៖ ចាន់ វិបុលដាវីឌ (ក្លិបបាល់ទាត់អង្គរថាយហ្គឺរ), ហាវ សុខនេត្រ (ក្លិបបាល់ទាត់អាយអេសអាយ ដង្កោសែនជ័យ), សួន មករា (ក្លិបបាល់ទាត់អាយអេសអាយ ដង្កោសែនជ័យ), ស៊ូ ម៉េងហុង (មជ្ឈមណ្ឌល និងសាលាកីឡាបាល់ទាត់ជាតិ), ខន ណារ៉ង់ (សមាគមកីឡាបាល់ទាត់ ខ.ភ.ម), ម៉ុន រ៉ាដូ (ក្លិបវិសាខា)។

តាមរយៈបញ្ជីឈ្មោះខាងលើ គឺឃើញមានបាត់ឈ្មោះកីឡាករឆ្នើមៗមួយចំនួន ដែលមានឈ្មោះនៅក្នុងបញ្ជីឈ្មោះធ្វើតេស្តដំណាក់កាលដំបូង។ យ៉ាងណា សហព័ន្ធបាល់ទាត់កម្ពុជា ក៏បានបញ្ជាក់ផងដែរ ជុំវិញមូលហេតុនៃការអវត្តមានកីឡាករទាំងនោះ ដោយសារពួកគេមានភារកិច្ចជាមួយក្លិបរបស់ពួកគេត្រៀមខ្លួនសម្រាប់ការបើករដូវកាលថ្មីនៃលីគកំពូលកម្ពុជា ជា​ពិសេស​ក្លិប ព្រះ​ខ័ន​រាជ​ស្វាយរៀង និង​ភ្នំពេញ​ក្រោន។

គួរបញ្ជាក់ជាថ្មីថា ការប្រកួតពានរង្វាន់ ASEAN U-23 Mandiri Cup™ ២០២៥ នឹងប្រព្រឹត្តទៅចាប់ពីថ្ងៃទី១៥ ដល់ថ្ងៃទី៣១ ខែកក្កដា ឆ្នាំ២០២៥ នៅប្រទេសឥណ្ឌូណេស៊ី៕

អត្ថបទ៖ កុសល