ព័ត៌មានអន្ដរជាតិ
ចិនគ្រោងជំរុញបណ្ដាញផ្លូវរថភ្លើងល្បឿនលឿនជាមួយប្រទេសជិតខាង
មន្រ្តីជាន់ខ្ពស់នៃរដ្ឋាភិបាលចិនបានប្ដេជ្ញាកាលពីសប្ដាហ៍មុន លើការជំរុញតភ្ជាប់ជាមួយបណ្ដាប្រទេសជិតខាងតាម រយៈគម្រោងផ្លូវរថភ្លើងល្បឿងលឿន ដើម្បីពង្រឹងគំនិតផ្តួចផ្ដើមខ្សែវ៉ាត់ និងផ្លូវ។ នេះបើតាមការចុះផ្សាយរបស់កាសែត South China Morning Post ។
ឧបនាយករដ្ឋមន្ត្រីចិន លោក Zhang Guoqing បាននិយាយក្នុងពិធីបើកមហាសន្និបាតពិភពលោកលើកទី ១២ ស្តីពីផ្លូវដែកល្បឿនលឿន នៅទីក្រុងប៉េកាំង កាលពីដើមសប្ដាហ៍មុនថា ចិនមានបំណងលើកកម្ពស់ទាំងការតភ្ជាប់រូបវន្តនៃហេដ្ឋារចនាសម្ព័ន្ធ និង «ការតភ្ជាប់ទន់» នៃស្តង់ដារ និងច្បាប់ ដើម្បីរាប់បញ្ចលផ្លូវរថភ្លើងល្បឿនលឿនជាមូលដ្ឋានគ្រឹះសម្រាប់ជំរុញគំនិតផ្តួចផ្តើមខ្សែក្រវាត់ និងផ្លូវរបស់ប្រទេស។
លោក Zhang បាននិយាយបន្តថា៖ «ចិនប្តេជ្ញាអនុវត្តទាំងគម្រោងធំៗ និងតូចៗ គំនិតផ្តួចផ្តើមផ្តោតលើប្រជាជន ដែលផ្តល់អត្ថប្រយោជន៍ជាក់ស្តែង។ ក្នុងការអនុវត្តគម្រោងផ្លូវរថភ្លើងល្បឿនលឿននៅបរទេស យើងនឹងពង្រឹងការគាំទ្រសម្រាប់ហេដ្ឋារចនាសម្ព័ន្ធ និងការបណ្តុះបណ្តាលជំនាញ ដើម្បីផ្តល់អត្ថប្រយោជន៍កាន់តែប្រសើរឡើងដល់ប្រជាជននៅគ្រប់ប្រទេសទាំងអស់»។
មន្រ្តីជាន់ខ្ពស់ដដែលប្ដេជ្ញាថា ចិននឹងបន្តជំរុញគម្រោងផ្លូវរថភ្លើងអន្តរជាតិសំខាន់ៗ រួមទាំងផ្លូវហុងគ្រី-ស៊ែប៊ី ផ្លូវចិន-កៀហ្ស៊ីស៊ីស្ថាន-អ៊ូសបេគីស្ថាន និងផ្លូវដែកចិន-ថៃ ខណៈកំពុងធ្វើការដើម្បីជួយរៀបចំស្តង់ដារផ្លូវរថភ្លើងសកល។
នៅតំបន់អាស៊ីអាគ្នេយ៍ ថៃបានអនុម័តដំណាក់កាលទី ២ គម្រោងតភ្ជាប់ផ្លូវរថភ្លើងល្បឿនលឿនជាមួយចិនកាលពីដើមឆ្នាំនេះ ដោយគ្រោងបើកដំណើរការប្រតិបត្តិការនៅឆ្នាំ ២០៣០ ក្រោយពន្យារពេលជិតមួយទសវត្សរ៍ ដោយសារតែបញ្ហាថវិកា និងវិបត្តិកូវីដជាដើម។ នៅដើមឆ្នាំនេះ ការសាងសង់ផ្លូវរថភ្លើងចិន-កៀហ្ស៊ីស៊ីស្ថាន-អ៊ូសបេគីស្ថាន ប្រវែង ៣០៤ គីឡូម៉ែត្រ ក៏បានចាប់ផ្ដើមផងដែរ។
លោក Zhang បាននិយាយថា ចិនបើកចំហក្នុងការចែករំលែកជំនាញរបស់ខ្លួនក្នុងការអភិវឌ្ឍន៍ផ្លូវរថភ្លើងល្បឿនលឿន រួមទាំងផែនការ ការសាងសង់ ឧបករណ៍ និងប្រតិបត្តិការជាមួយប្រទេសដទៃទៀត។
គិតត្រឹមចុងឆ្នាំ ២០២៤ ចិនមានបណ្ដាញផ្លូវរថភ្លើងល្បឿនលឿនប្រវែង ៤៨ ០០០ គីឡូម៉ែត្រ ពោលគឺរួចចំណែកជាង ៧០ ភាគរយ នៃផ្លូវរថភ្លៀងសកល។ កន្លងមក ចិនបានសហការជាមួយប្រទេសជាង ៤០ ក្នុងហេដ្ឋារចនាសម្ព័ន្ធផ្លូវរថភ្លើង ដោយបានបញ្ចប់គម្រោងដូចជាផ្លូវភ្លើងចិន-ឡាវ និងខ្សែរថភ្លើងក្រុងហ្សាកាតា-បានឌុង នៅឥណ្ឌូណេស៊ី៕
ចិនគ្រោងជំរុញបណ្ដាញផ្លូវរថភ្លើងល្បឿនលឿនជាមួយប្រទេសជិតខាង
បទល្មើសព្រៃឈើចេញពីព្រៃឡង់នៅតែបន្តកើតមានឡើង បន្ទាប់ពីស្ងប់ស្ងាត់មួយរយៈ
មន្ទីរការងារទូទាំងប្រទេស អបអរសាទរការចុះ“បូជនីយដ្ឋានចងចាំ នៃកម្ពុជា ៖ ពីទីតាំងឧក្រិដ្ឋកម្មមកជាមជ្ឈមណ្ឌលផ្សះផ្សា និងសន្តិភាព” ក្នុងបញ្ជីបេតិកភណ្ឌពិភពលោក
វិវាទព្រំដែន៖ នាយករដ្ឋមន្ត្រី ថា កម្ពុជាមិនបានទាត់ចោលយន្តការទ្វេភាគីទេ ក្រៅពីតំបន់បួនដែលប្ដឹងទៅ ICJ
នៅមុនដាក់ការឆ្លើយបំភ្លឺទៅតុលាការធម្មនុញ្ញ ផែថងថាន ប្រឈមសម្ពាធឲ្យចុះចេញពីអំណាច
ថៃ អះអាងថា ជនកំសាកដែលលួចវាយទាហានកម្ពុជា គឺជាទេសចរ ប៉ុណ្ណោះ
សម្ដេច ហ៊ុន សែន ដាក់ការសង្ស័យលើលោក ថាក់ស៊ីន ថា ជាមេក្លោងពីក្រោយការបិទព្រំដែនជាឯកតោភាគី
កម្ពុជា រងឥទ្ធិពលពីព្យុះមួយទៀត គឺជាព្យុះទី៥ ឈ្មោះ ណារី (Nari)
ការប្រយុទ្ធគ្នានៅមីយ៉ាន់ម៉ា រឹតតែខ្លាំង ធ្វើឲ្យពលរដ្ឋថៃនៅជាប់ព្រំដែន រស់នៅទាំងភ័យខ្លាច
យោធាថៃព្យាយាមបំភាន់ប្រជាជនខ្លួនឯង និងសាធារណៈជន ត្រង់ថា «ខ្លួនមិនបានបិទព្រំដែន»
-
ព័ត៌មានអន្ដរជាតិ២ ថ្ងៃ agoពលរដ្ឋថៃ នៅជាប់ព្រំដែនមីយ៉ាន់ម៉ា កំពុងត្រៀមខ្លួនសម្រាប់ភាពអាសន្ន
-
ព័ត៌មានជាតិ៤ ថ្ងៃ agoរុស្ស៊ីនឹងបញ្ជូនប្រតិភូកងការពារដែនអាកាសមកបង្កើតកិច្ចសហប្រតិបត្តិការជាមួយកម្ពុជា
-
ព័ត៌មានជាតិ៥ ថ្ងៃ agoសមត្ថកិច្ចចាប់ខ្លួនបុគ្គលក្លែងរូបភាព AI ដើម្បីឆបោក និងប្រមូលលុយតាមបណ្តាញសង្គម
-
ព័ត៌មានជាតិ៣ ថ្ងៃ agoព្យុះទី៣ និងទី៤ អស់ឥទ្ធិពល តែកម្ពុជានៅតែមានភ្លៀងធ្លាក់ជាមួយផ្គររន្ទះ និងខ្យល់កន្ត្រាក់
-
ព័ត៌មានអន្ដរជាតិ៣ ម៉ោង agoថៃ អះអាងថា ជនកំសាកដែលលួចវាយទាហានកម្ពុជា គឺជាទេសចរ ប៉ុណ្ណោះ
-
ព័ត៌មានអន្ដរជាតិ៦ ថ្ងៃ agoកាសែតថៃ៖ ឧកញ៉ាកុកអានប្រឈមការចាប់ខ្លួននៅថៃ ក្រោយសមត្ថកិច្ចបង្ក្រាបបទល្មើសអនឡាញ១៩ទីតាំងមានជាប់ពាក់ព័ន្ធ
-
សេដ្ឋកិច្ច៥ ថ្ងៃ agoបណ្តាពាណិជ្ជករថៃបង្វែរទិសនាំចូលទំនិញមកកម្ពុជាតាមផ្លូវទឹក ក្រោយការបិទច្រកទ្វារព្រំដែនគោក
-
ព័ត៌មានអន្ដរជាតិ២ ថ្ងៃ agoក្រោយអាម៉ាស់! ថៃ ថា បញ្ហាប្រាសាទដែលចម្លងតាមអង្គរវត្ត គួរដោះស្រាយទ្វេភាគី ផ្អែកលើស្មារតីជាអ្នកជិតខាងល្អ