ព័ត៌មានអន្ដរជាតិ
ត្រាំ៖ អាមេរិកនឹងដាក់ពន្ធកូរ៉េខាងត្បូង ១៥% ក្រោមកិច្ចព្រមព្រៀងថ្មី
ប្រធានាធិបតីសហរដ្ឋអាមេរិក លោក ដូណាល់ ត្រាំ បានប្រកាសកាលពីថ្ងៃពុធថា សហរដ្ឋអាមេរិកនឹងដាក់ពន្ធលើទំនិញនាំចូលពីកូរ៉េខាងត្បូងក្នុងអត្រា ១៥ ភាគរយ ក្រោមកិច្ចព្រមព្រៀងពាណិជ្ជកម្មថ្មី។ នេះបើតាមការចុះផ្សាយរបស់ទីភ្នាក់ងារសារព័ត៌មានរ៉យទ័រ។
ការប្រកាសរបស់លោក ត្រាំ ធ្វើឡើងក្រោយជំនួបជាមួយក្រុមមន្រ្តីកូរ៉េខាងត្បូងនៅសេតវិមាន ចំពេលដែលពន្ធខ្ពស់ចាស់ ២៥ ភាគរយ គ្រោងនឹងចូលជាធរមាននៅថ្ងៃសុក្រ ១ សីហា ស្អែកនេះ។
លោក ត្រាំ បានសរសេរនៅលើបណ្ដាញសង្គម Truth Social យ៉ាងដូច្នេះថា៖ «ខ្ញុំរីករាយក្នុងការប្រកាសថាសហរដ្ឋអាមេរិកបានយល់ព្រមលើកិច្ចព្រមព្រៀងពាណិជ្ជកម្មពេញលេញជាមួយកូរ៉េខាងត្បូង»។
គេមើលឃើញថា ការចរចាពន្ធជាបញ្ហាប្រឈមដំបូងសម្រាប់ប្រធានាធិបតីកូរ៉េខាងត្បូង លោក Lee Jae Myung ដែលបានចូលកាន់តំណែងកាលពីខែមិថុនា។ លោកបាននិយាយថា កិច្ចព្រមព្រៀងថ្មី បានដកចេញនូវភាពមិនច្បាស់លាស់សម្រាប់ការនាំចេញរបស់កូរ៉េខាងត្បូង និងរក្សាពន្ធអាមេរិកឱ្យនៅកម្រិតដូចគ្នា ឬទាបជាងដៃគូប្រកួតប្រជែងសំខាន់ៗ។
បើតាមលោក ត្រាំ ដើម្បីជាថ្នូរនឹងពន្ធ ១៥ ភាគរយ កូរ៉េខាងត្បូងបានយល់ព្រមវិនិយោគ ៣៥០ ប៊ីលានដុល្លារនៅសហរដ្ឋអាមេរិក និងទិញឧស្ម័នធម្មជាតិពង្រាវ និងផលិតផលថាមពលផ្សេងៗរបស់អាមេរិក ក្នុងតម្លៃ ១០០ ប៊ីលានដុល្លារ៕
-
កីឡា២ ថ្ងៃ agoបារាំង ចប់ដំណើរនៅ World Cup 2026 ក្រោមថ្វីជើង អេស្ប៉ាញ ២-០ វគ្គ ១/២ ផ្តាច់ព្រ័ត្រ
-
ព័ត៌មានជាតិ៤ ថ្ងៃ agoពលរដ្ឋស្នើអាជ្ញាធរជួសជុលផ្លូវក្បែរវិមានឯករាជ្យ ក្រុងសែនមនោរម្យ ដែលរងការខូចខាតច្រើនឆ្នាំ
-
ព័ត៌មានអន្ដរជាតិ៧ ថ្ងៃ agoយន្តហោះមីយ៉ាន់ម៉ា ទម្លាក់គ្រាប់បែកជញ្ជ្រំព្រំដែន កក្រើកដល់ដីថៃ ធ្វើឲ្យពលរដ្ឋភ័យព្រលឹងចុងសក់ ទៀតហើយ
-
ព័ត៌មានជាតិ១ សប្តាហ៍ agoលេចចេញគំរូស្ពានឆ្លងទន្លេមេគង្គ គ្រោងសាងសង់ដោយជប៉ុនតាមផ្លូវជាតិលេខ ១
-
សន្តិសុខសង្គម១ សប្តាហ៍ agoបង្ក្រាប Online Scam នៅក្រុងសិរីសោភ័ណ ឃាត់ខ្លួនយុវជនម្នាក់ បើកកន្លែងប្រតិបត្តិការឆបោកតែម្នាក់ឯង
-
ព័ត៌មានជាតិ២ ថ្ងៃ agoយន្តហោះ F-16 ថៃទម្លាក់គ្រាប់បែក MK-82 ចំនួន៧គ្រាប់កម្ទេចស្ពានជ័យជម្នះ លោក ហេង រតនា លើកឡើងពីប្រវត្តិសាងសង់ឆ្នាំ១៩៨៤
-
ព័ត៌មានជាតិ១ សប្តាហ៍ agoអគ្គនាយករងគយ ឆ្លើយតបភាពយឺតយ៉ាវក្នុងការរត់ឯកសារបែបបទ នាំទំនិញចេញចូលប្រទេសកម្ពុជា
-
ព័ត៌មានជាតិ៤ ថ្ងៃ agoអភិបាលរង៖ជម្រកបណ្ដោះអាសន្ននៅភូមិរងចាំសរុប៣៣១៣ខ្នង នឹងសាងសង់រួចទាំងអស់ត្រឹមដំណាច់ខែកក្កដានេះ