សេដ្ឋកិច្ច
គម្រោងខ្សែក្រវាត់ និងផ្លូវ របស់ចិន ចូលរួមអភិវឌ្ឍសេដ្ឋកិច្ច-សង្គមកម្ពុជា
គម្រោងខ្សែក្រវាត់ និងផ្លូវ (BRI) របស់ចិនពិតជាបានចូលរួមចំណែកយ៉ាងសំខាន់ក្នុងការអភិវឌ្ឍសេដ្ឋកិច្ចសង្គមជាពិសេសបានចូលរួមកសាងមូលដ្ឋានគ្រឹះសម្រាប់កំណើនហេដ្ឋារចនាសម្ព័ន្ធទាំងផ្លូវគោក ស្ពាន អាកាសយានដ្ឋាន រួមទាំងផ្លូវទឹកផងដែរ។
លោក ស៊ុន ចាន់ថុល ឧបនាយករដ្ឋមន្រ្តី អនុប្រធានទី១ ក្រុមប្រឹក្សាអភិវឌ្ឍន៍កម្ពុជា នៅថ្ងៃទី ០៩ ខែកញ្ញា ឆ្នាំ ២០២៥ បានថ្លែងសុន្ទរកថាគន្លឹះក្នុងវេទិកាខ្សែក្រវាត់ និងផ្លូវ សម្រាប់ការផ្លាស់ប្តូរកិច្ចសហប្រតិបត្តិការវិនិយោគអន្តរជាតិ។
លោក ស៊ុន ចាន់ថុល យល់ឃើញថា៖ «សម្រាប់ប្រទេសកម្ពុជា គំនិតផ្តួចផ្តើមខ្សែក្រវាត់ និងផ្លូវ ពិតជាបានចូលរួមចំណែកយ៉ាងសំខាន់ក្នុងការអភិវឌ្ឍសេដ្ឋកិច្ចសង្គម ពិសេសគឺការចូលរួមកសាងមូលដ្ឋានគ្រឹះសម្រាប់កំណើនហេដ្ឋារចនាសម្ព័ន្ធទាំងផ្លូវគោក ស្ពាន អាកាសយានដ្ឋាន រួមទាំងផ្លូវទឹកផងដែរ»។
បើតាមលោកឧបនាយករដ្ឋមន្ត្រី វឌ្ឍនភាពគួរឱ្យកត់សម្គាល់ក្រោមក្របខណ្ឌខ្សែក្រវាត់ និងផ្លូវ មានជាអាទិ៍ ការកសាងផ្លូវជាតិប្រវែងប្រមាណជាង ៣០០០គីឡូម៉ែត្រ, ស្ពានធំៗចំនួន១៦, ផ្លូវល្បឿនលឿនភ្នំពេញ-ក្រុងព្រះសីហនុ, ព្រលានយន្តហោះអន្តរជាតិសៀមរាបអង្គរ, និងគម្រោងសាងសង់ព្រែកជីកហ្វូណនតេជោជាដើម។
គម្រោងហេដ្ឋារចនាសម្ព័ន្ធទាំងអស់នេះភ្ជាប់កសិករទៅនឹងទីផ្សារ សហគមន៍ជនបទជាមួយទីក្រុង ជាច្រកចេញចូលសម្រាប់ភ្ញៀវទេសចររាប់លាន ជារចនាសម្ព័ន្ធគាំទ្រអាជីវករនិងវិនិយោគិនទៅកាន់ទីផ្សារក្នុងតំបន់និងពិភពលោក កាត់បន្ថយពេលវេលា និងដើរតួនាទីជាមូលដ្ឋានគ្រឹះសម្រាប់ភាពរុងរឿងរបស់កម្ពុជានៅពេលអនាគត។
បទពិសោធន៍របស់កម្ពុជាគឺជាភស្តុតាងដែលសម្រេចបានពីគំនិតផ្តួចផ្តើមខ្សែក្រវាត់ និងផ្លូវ តាមរយៈភាពជាដៃគូដើម្បីផ្លាស់ប្តូរហេដ្ឋារចនាសម្ព័ន្ធ និងពង្រឹងសេដ្ឋកិច្ចកាន់តែប្រសើរឡើង។
ជាមួយនឹងកិច្ចសហប្រតិបត្តិការកាន់តែស៊ីជម្រៅ ចក្ខុវិស័យនេះនឹងបន្តជំរុញការអភិវឌ្ឍមិនត្រឹមតែប្រទេសកម្ពុជាប៉ុណ្ណោះទេ ប៉ុន្តែក៏សម្រាប់តំបន់ និងពិភពលោកផងដែរ។
កម្ពុជានឹងបន្តជំរុញឱ្យកិច្ចសហប្រតិបត្តិការនេះមាននិរន្តរភាព តម្លាភាព និងទទួលបានផ្ដល់ប្រយោជន៍ទៅវិញទៅមក មិនត្រឹមតែនៅក្នុងវិស័យហេដ្ឋារចនាសម្ព័ន្ធរូបវន្តប៉ុណ្ណោះទេ ប៉ុន្តែថែមទាំងនៅវិស័យផ្សេងទៀត មានជាអាទិ៍ការអភិវឌ្ឍបៃតង ការផ្លាស់ប្ដូរបច្ចេកវិទ្យាឌីជីថល និងធនធានមនុស្សជាដើម៕
-
ព័ត៌មានជាតិ៤ ថ្ងៃ agoត្រីជាង ២ តោន ងាប់នៅតំបន់អភិរក្សតាមោក ខេត្តសៀមរាប ដោយសារទឹករាក់ និង អាកាសធាតុក្តៅខ្លាំង
-
ព័ត៌មានជាតិ៤ ថ្ងៃ agoក្រសួងមហាផ្ទៃទាត់ចោលការផ្សាយថា កម្ពុជាឲ្យជនជាតិអាហ្វ្រិកដែលផុតកំណត់ ត្រូវចាកចេញមុនថ្ងៃទី៣១ ខែឧសភា ឆ្នាំ២០២៦
-
ព័ត៌មានជាតិ៤ ថ្ងៃ agoរដូវវស្សាប្រុងប្រយ័ត្ន! គ្រោះរន្ទះបាញ់សម្លាប់គោ ១៩ក្បាល នៅស្រុកលំផាត់ ខេត្តរតនគិរី
-
ព័ត៌មានអន្ដរជាតិ១ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
ព័ត៌មានអន្ដរជាតិ៥ ថ្ងៃ agoនាវាចម្បាំងថ្មីរបស់ចិន នឹងដាក់ឱ្យធ្វើសមយុទ្ធ លើកដំបូង នៅក្បែរកោះជប៉ុន
-
សេដ្ឋកិច្ច១ សប្តាហ៍ agoអតីតនិស្សិតពេទ្យសត្វម្នាក់ ចាប់របរចិញ្ចឹមមាន់សាច់រកចំណូលបានសមរម្យផ្គត់ផ្គង់គ្រួសារ
-
សន្តិសុខសង្គម៣ ថ្ងៃ agoឆ្លងចរន្តអគ្គិសនីឆេះរោងចក្រផលិតស័ង្កសី គាបស្នោ ១ កន្លែង រងការខូចខាត នៅសង្កាត់ត្រពាំងក្រសាំង
-
ព័ត៌មានអន្ដរជាតិ៦ ថ្ងៃ agoអាមេរិក យល់ព្រមឱ្យប៉ូឡូញផ្តើមផលិតមីស៊ីលក្នុងស្រុក ដើម្បីការពារដែនអាកាស