កូវីដ-១៩

ថ្ងៃនេះ ឥណ្ឌាឆ្លងខ្ពស់បំផុតដល់ជាង៣៨ម៉ឺននាក់ ឯមណ្ឌលវ៉ាក់សាំងបិទអស់នៅ Mumbai

បានផុស

៣ years មុន

នៅ

ថ្ងៃសុក្រ ៣០ មេសា ២០២១

ដោយ

ករណីឆ្លងកូវីដ-១៩ថ្មីនៅក្នុងប្រទេសឥណ្ឌាដែលចេញនារសៀលថ្ងៃសុក្រនេះបានបំបែកកំណត់ត្រាពិភពលោកខ្ពស់បំផុតកាលពីថ្ងៃព្រហស្បតិ៍ម្សិលមិញ។ នេះបើតាមការឲ្យដឹងពីក្រសួងសុខាភិបាល។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទិន្នន័យក្រសួងសុខាភិបាលឥណ្ឌាបានបង្ហាញថា ករណីឆ្លងកូវីដ-១៩ថ្មីក្នុងរយៈពេល២៤ម៉ោងចុងក្រោយដែលបង្ហាញនារសៀលថ្ងៃសុក្រនេះមានចំនួន ៣៨៦ ៤៥២ នាក់។ ចំណែកករណីស្លាប់ថ្មីក៏បានឡើងខ្ពស់បំផុតបំបែកកំណត់ចាស់របស់ខ្លួនដែរគឺមានចំនួន ៣ ៤៩៨នាក់។

ទោះបីជាយាងណា អ្នកជំនាញសុខាភិនបាលជឿថា ចំនួនឆ្លងពិតប្រាកដនៅក្នុងប្រទេសឥណ្ឌាប្រហែលជាខ្ពស់ជាងចំនួនដែលក្រសួងបង្ហាញ៥ទៅ១០ដងឯណោះ។

ស្របពេលជាមួយគ្នាមណ្ឌលចាក់ចាក់វ៉ាក់សាំងទាំងអស់នៅក្នុងទីក្រុងពាណិជ្ជកម្ម Mumbai ត្រូវបានបិទរយៈពេល៣ថ្ងៃគិតចាប់ពីថ្ងៃសុក្រ ទី៣០ ខែមេសានេះ ដោយសារខ្វះវ៉ាក់សាំង។

លោកនាយករដ្ឋមន្ត្រីឥណ្ឌា Modi គ្រោងជួបគណៈរដ្ឋមន្ត្រីនាថ្ងៃសុក្រនេះ ខណៈការឆ្លងកូវីដ-១៩បានកំពុងវាយប្រហារប្រព័ន្ធសុខាភិបាល និងបានធ្វើឲ្យប៉ះពាល់យ៉ាងខហលាំងដល់អាជីវកម្ម និង ពាណិជ្ជកម្មធំៗរបស់ប្រទេស៕

ប្រែសម្រួល៖ វីរបុត្រ
ប្រភព៖ Reuters