អ្នកឆ្លងកូវីដនៅឥណ្ឌា កើនដល់ជិត ២០លានករណី

ប្រទេសឥណ្ឌានៅថ្ងៃចន្ទទី៣ខែឧសភានេះ បានរាយការណ៍ថា មានករណីឆ្លងជំងឺកូវីដ-១៩ លើស៣០០,០០០ករណី ដោយធ្វើឲ្យករណីឆ្លងសរុបកើនដល់ជិត២០លានករណី ខណៈអ្នកស្លាប់ក្នុងរយៈពេល២៤ម៉ោងចុងក្រោយមានចំនួន ៣,៤១៧នាក់។

នេះជាថ្ងៃទី១២ជាប់ៗគ្នាហើយ ដែលប្រទេសឥណ្ឌាមានអ្នកឆ្លងប្រចាំថ្ងៃលើស៣០ម៉ឺនករណី។

ជាមួយនឹងករណីថ្មីចំនួន ៣៦៨,១៤៧ករណីក្នុងរយៈពេល២៤ម៉ោងចុងក្រោយ ការឆ្លងរោគសរុបរបស់ប្រទេសឥណ្ឌាបានកើនដល់ ១៩.៩៣លានករណី ខណៈអ្នកស្លាប់សរុបមានចំនួន ២១៨,៩៥៩នាក់។ នេះបើយោងតាមទិន្នន័យរបស់ក្រសួងសុខាភិបាលឥណ្ឌា។

ទោះបីជាយ៉ាងណាក៏ដោយ អ្នកជំនាញផ្នែកវេជ្ជសាស្រ្តបាននិយាយថា ចំនួនពិតប្រាកដនៅទូទាំងប្រទេសដែលមានប្រជាជន១.៣៥ពាន់លាននាក់មួយនេះ អាចខ្ពស់ជាងចំនួនផ្លូវការពី៥ទៅ១០ដងឯណោះ៕

ប្រែសម្រួលដោយ៖ Vann Vann

ប្រភព៖ CNA

ចុចអាន៖ ឆ្លងៗទៅខ្ញុំមិនខ្វល់ទេសំខាន់បក្សឈ្នះឆ្នោត! ប្រជាជនឥណ្ឌា ចេញមករាំកកកុញពេញដងផ្លូវ អបអរជ័យជម្នះ (មានវីដេអូ)