ថៃ រកឃើញអ្នកឆ្លងកូវីដថ្មីជាង ២ពាន់ករណី និងស្លាប់ ១៥នាក់ទៀត

មជ្ឈមណ្ឌលគ្រប់គ្រងស្ថានភាពជំងឺកូវីដ១៩របស់ប្រទេសថៃ ​(CCSA) នៅថ្ងៃពុធនេះ បានរាយការណ៍ មានការឆ្លងចំនួន២,១១២ករណី និងអ្នកស្លាប់ចំនួន១៥នាក់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្នកស្លាប់ថ្មីរួមមាន ៤នាក់នៅបាងកក, ២នាក់នៅ Nonthaburi, ២នាក់នៅ Sukhothai និងម្នាក់ៗនៅ Pathum Thani, Rayong, Yala, Ayutthaya, Nakhon Pathom, Nakhon Phanom និង Prachuap Khiri Khan។ 

អាយុរបស់អ្នកស្លាប់គឺចន្លោះពី៥០ដល់៨៦ឆ្នាំ ហើយពួកគេភាគច្រើនមានជំងឺរ៉ាំរ៉ៃ។

ក្នុងចំណោមករណីថ្មីទាំងអស់ គឺមានចំនួន៧៨៩ករណីនៅបាងកក បន្ទាប់មក២៤៩ករណីនៅ Nonthaburi, ២២៦ករណីនៅ Samut Prakan និង១១០ករណីនៅ Chonburi។

ក្នុងចំណោមការឆ្លងថ្មី ក៏បូកបញ្ចូលទាំងករណីនាំចូលចំនួន៥ករណីផងដែរ។

ទន្ទឹមនឹងនេះ អ្នកជំងឺចំនួន ១,៨៨៦នាក់ បានជាសះស្បើយ ហើយត្រូវបានអនុញ្ញាតឲ្យចេញពីមន្ទីរពេទ្យក្នុងរយៈពេល២៤ម៉ោងចុងក្រោយ។

គួរបញ្ជាក់ថា គិតត្រឹមថ្ងៃពុធនេះ ប្រទេសថៃ មានករណីឆ្លងជំងឺកូវីដ-១៩សរុប ៧៤,៩០០ករណី ស្លាប់៣១៨នាក់ និងជាសះស្បើយ ៤៤,៣៦០នាក់៕

ប្រែសម្រួលដោយ៖ Vann Vann

ប្រភព៖ The Nation

ចុចអាន៖ ឃើញស្ថានភាពមិនស្រួល ថៃ ប្រាប់ឲ្យពលរដ្ឋរបស់ខ្លួន ចាកចេញពីប្រទេស ឥណ្ឌា