កូវីដ-១៩
តៃវ៉ាន់ អនុញ្ញាតឲ្យអ្នកចាក់វ៉ាក់សាំងហើយ ឈប់សម្រាកពីការងាររយៈពេល ២ ថ្ងៃ តែត្រូវបង្ហាញកាតដល់ប្រធានក្រុមហ៊ុន
អាជ្ញាធរតៃវ៉ាន់ បានណែនាំវិធានការថ្មី ដែលអនុញ្ញាតឲ្យ អ្នកទទួលការចាក់វ៉ាក់សាំង ការពារជំងឺកូវីដ ១៩ ឈប់សម្រាករយៈពេល ២ ថ្ងៃ ។
វិធានការនេះ បានចូលជាធរមានភ្លាមៗកាលពីថ្ងៃពុធ ។ បច្ចុប្បន្ន បុគ្គលិក និងមន្រ្តីរាជការ មានសិទ្ធិទទួលបានការឈប់សម្រាក នៅថ្ងៃដែលពួកគេត្រូវបានចាក់វ៉ាក់សាំង និងថ្ងៃបន្ទាប់ ប្រសិនបើពួកគេ បង្ហាញកាតចាក់វ៉ាក់សាំង ។
ទន្ទឹមនោះ ប្រធានក្រុមហ៊ុន នឹងមិនតម្រូវឲ្យ បុគ្គលិកខ្លួនបង់ប្រាក់សំណងនោះទេ ប្រសិនបើពួកគេឈប់សម្រាករយៈពេល ២ ថ្ងៃនោះ ប៉ុន្តែបុគ្គលិកទាំងនោះក៏មិនត្រូវ ធ្វើឲ្យបាត់បង់កាតចាក់វ៉ាក់សាំង នោះផងដែរ ។
កោះតៃវ៉ាន់ បានចាប់ផ្ដើមយុទ្ធនាការ ចាក់វ៉ាក់សាំងកាលពីចុងខែមីនា ដោយចាប់ផ្តើម ចាក់ដល់បុគ្គលិកពេទ្យមុនគេ ។ ចាប់តាំងពីពេលនោះមក យុទ្ធនាការនេះ ត្រូវបានពង្រីកដល់ក្រុមអាទិភាពផ្សេងទៀត រួមទាំងបុគ្គលិកថែទាំ ជាដើម ។
ប៉ុន្តែគិតត្រឹមថ្ងៃពុធ មានតែប្រជាជនត្រឹម ០.៣ ភាគរយប៉ុណ្ណោះនៃប្រជាជនសរុប ពោលប្រហែល ៦៨,០០០ នាក់ បានទទួលការចាក់វ៉ាក់សាំង ដូសដំបូង ។
គួរបញ្ជាក់ថា គិតត្រឹមពេលនេះ កោះតៃវ៉ាន់ មានករណីឆ្លងជំងឺកូវីដ ១៩ សរុប ១,១៧៣ ករណី និងមានអ្នកស្លាប់ចំនួន ១២ នាក់ ខណៈមានអ្នកជាសះស្បើយ ១,០៧៥ នាក់ ៕
ប្រែសម្រួលដោយ ៖ ជីវ័ន្ត
ប្រភព ៖ NHK
ចុចអាន ៖ តៃវ៉ាន់ ហាមឃាត់ការចូលរបស់ប្រជាជនដែលធ្វើដំណើរទៅប្រទេសកំពុងដុនដាបដោយកូវីដមួយនេះវិញ
ចុចអាន ៖ តៃវ៉ាន់ ប្តេជ្ញាប្រយុទ្ធដល់ទីបញ្ចប់ បើចិន វាយប្រហារ
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២០ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង