កូវីដ-១៩
ក្តីសង្ឃឹមប្រទេសក្រីក្រ ខណៈក្រុមហ៊ុនវ៉ាក់សាំងធំបំផុតក្នុងលោករំពឹងនាំចេញចុងឆ្នាំនេះ
ក្រុមហ៊ុនផលិតវ៉ាក់សាំងធំជាងគេបំផុតក្នុងពិភពលោកបាននិយាយនៅថ្ងៃអង្គារ៍ ទី១៨ថា ខ្លួនសង្ឃឹមបន្តចែកចាយវ៉ាក់សាំងការពារកូវីដ-១៩ទៅកម្មវិធី COVAX និងបណ្តាប្រទេសផ្សេងៗទៀតនៅចុងឆ្នាំនេះ បន្ទាប់ពីប្រទេសឥណ្ឌាបានរឹតត្បិតការនាំចេញដើម្បីទប់ស្កាត់ការរីករាលដាលនៅក្នុងប្រទេស។
វិទ្យាស្ថានឥណ្ឌាសេរ៉ុម (SII) បានកំពុងផលិតវ៉ាក់សាំង AstraZeneca-Oxford រាប់រយលានដូសដែលប្រទេសជាច្រើនជុំវិញពិភពលោក ជាពិសេសប្រទេសក្រីក្រពឹងផ្អែកយ៉ាងខ្លាំងលើក្រុមហ៊ុននេះ។
ប៉ុន្តែរដ្ឋាភិបាលឥណ្ឌាបានផ្អាកការនាំចេញវ៉ាក់សាំងនេះ នៅពេលប្រទេសខ្លួនដែលមានប្រជាជន១.៣ពាន់លាននាក់បានជួបវិបត្តិកូវីដ-១៩យ៉ាងធ្ងន់ធ្ងរដែលជំរុញឲ្យប្រព័ន្ធសុខាភិបាលដួលរលំ។
នាយកប្រតិបត្តិវិទ្យាស្ថានសេរ៉ុម លោក Adar Poonawalla បាននិយាយក្នុងសេចក្តីថ្លែងការណ៍មួយថា ៖«ប៉ុន្មានថ្ងៃចុងក្រោយនេះ មានកិច្ចពិភាក្សាយ៉ាងយកចិត្តទុកដាក់លើការសម្រេចតរបស់រដ្ឋាភិបាល និងក្រុមហ៊ុនផលិតវ៉ាក់សាំងឥណ្ឌា រាប់ទាំងក្រុមហ៊ុន SII ផងដើម្បីនាំចេញវ៉ាក់សាំង»។
លោកបានបន្ថែមថា ក្រុមហ៊ុនរបស់លោកបានចែកចាយជាង២០០លានដូសរួចហើយ។
លោក Poonawalla លើកឡើងថា ៖«យើងបន្តបង្កើនទំហំនៃការផលិត និងផ្តល់អាទិភាពនៅប្រទេសឥណ្ឌា។ យើងក៏សង្ឃឹមថា នឹងចាប់ផ្តើមចែកចាយទៅដល់កម្មវិធី COVAX និងប្រទេសផ្សេងៗនៅចុងឆ្នាំនេះ»។
ប្រទេសឥណ្ឌាបាននាំចេញវ៉ាក់សាំងជិត៦៦.៤លានដូសជាជំនួយដែលស្ថិតក្រោមការរៀបចំពាណិជ្ជកម្ម ឬតាមរយៈ COVAX ទៅកាន់ប្រទេសជាង៩០ មុនពេលការនាំចេញត្រូវផ្អាកកាលពីជាងមួយខែមុន។
ការផ្អាកនេះបានធ្វើឲ្យប៉ះពាល់ដល់កម្មវិធីវ៉ាក់សាំងសម្រាប់ប្រទេសក្រីក្រដែលស្ថិតក្រោមគំនិតផ្តួចផ្តើមវ៉ាក់សាំងសកល COVAX របស់អង្គការសុខភាពពិភពលោក និងសម្ព័ន្ធភាព GAVI។
អង្គការ UNICEF បាននិយាយនៅថ្ងៃចន្ទថា ប្រទេសអ្នកមានអាចកាត់ចំនួនវ៉ាក់សាំងរបស់ខ្លួនដើម្បីចែករំលែកហោចណាស់២០%នៃវ៉ាក់សាំងរបស់ខ្លួននៅខែមិថុនា កក្កដា និងសីហាទៅឲ្យកម្មវិធី COVAX៕
ប្រែសម្រួល៖ វីរបុត្រ
ប្រភព៖ AFP
-
ព័ត៌មានជាតិ៦ ថ្ងៃ agoពិធី “រៀបមង្គលការលេង” មួយគូ នៅវត្តបឹងត្រាវ ប្រមូលថវិកាសាងសង់វត្ត អបអរបុណ្យចូលឆ្នាំខ្មែរ
-
ព័ត៌មានជាតិ៤ ថ្ងៃ ago៦ថ្ងៃក្នុងព្រឹត្តិការណ៍ «នគរសង្ក្រាន្ត» មន្ទីរសុខាភិបាលរាជធានីភ្នំពេញ បានពិនិត្យ និងព្យាបាលជូនពលរដ្ឋជាង២ពាន់នាក់
-
ព័ត៌មានជាតិ៦ ថ្ងៃ agoកម្ពុជារឹតបន្តឹង និងទប់ស្កាត់សំណល់អេឡិចត្រូនិក ខណៈអាស៊ីអាគ្នេយ៍កំពុងក្លាយជាគោលដៅថ្មី
-
ព័ត៌មានអន្ដរជាតិ២ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានជាតិ១ សប្តាហ៍ ago៣ ថ្ងៃចូលឆ្នាំថ្មី ខេត្តក្រចេះទទួលទេសចរមកកម្សាន្តប្រមាណ ៦៩ ៩៦២ នាក់ ខណៈព្រែកកាំពីជាគោលដៅទាក់ទាញបំផុត
-
ព័ត៌មានអន្ដរជាតិ១ សប្តាហ៍ agoវិនិយោគិនបរទេសដកខ្លួនពីទីផ្សារថៃ ខណៈវិបត្តិថាមពលគំរាមកំហែងសេដ្ឋកិច្ច
-
ព័ត៌មានជាតិ៦ ថ្ងៃ agoបដិសេធមិនឱ្យ សម រង្ស៊ី ចូលរួមការជួបជុំសមាគមខ្មែរនៅប៉ារីស គឺដើម្បីបញ្ចៀសការភ្ជាប់ជាមួយបុគ្គលនេះកំពុងជាប់ទោស
-
សន្តិសុខសង្គម៦ ម៉ោង agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ