កូវីដ-១៩

អាណិតណាស់ លោកតា លោកយាយនៅតែផ្ទះបែរជាចៅទៅលេងនាំមេរោគទៅចម្លងបណ្តាលឲ្យយាយស្លាប់

បានផុស

៥ years មុន

នៅ

ថ្ងៃសុក្រ ២៨ ឧសភា ២០២១

ដោយ

ភ្នំពេញ ៖ នៅប៉ុន្មានថ្ងៃនេះគេសង្កេតឃើញក្នុងបណ្តាញសង្គមហ្វេសប៊ុកក៏ដូចជានៅតាមទីសាធារណៈតាមតុកាហ្វេគឺឮសូរតែនិយាយពីរឿងលោកតា លោកយាយពីរនាក់ប្តីប្រពន្ធឆ្លងមេរោគកូវីដ១៩ហើយដឹកដៃគ្នាឡើងរថយន្តសង្គ្រោះដើម្បីទៅព្យាបាលជំងឺតែចុងបញ្ចប់លោកតាចេញមកផ្ទះតែម្នាក់ឯង ចំណែកលោកយាយនៅសល់តែធាតុដែលគ្រូពេទ្យយកមកប្រគល់ធ្វើបុណ្យតាមប្រពៃណី។

នៅក្នុងបណ្តាញហ្វេសប៊ុកគេបានសំដែងនូវក្តីអាណិតអាសូរដល់ជីវិតលោកតា លោកយាយ មិនគួរណាត្រូវស្លាប់ដោយសារជំងឺកូវីដ១៩បន្ទាប់ពីចៅៗបានធ្វើដំណើពីភ្នំពេញទៅលេងតា យាយនៅឯខេត្តស្វាយរៀង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដំណើររឿងគឺកាលពីថ្ងៃទី២៣ ខែឧសភានេះ ចៅរបស់តាយាយបានធ្វើដំណើរពីភ្នំពេញទៅលេងតា យាយនៅស្រុកកំណើតបន្ទាប់ពីបើក ការធ្វើចរាចរណ៍ឡើងវិញ ខណៈពេលដែលទីក្រុងភ្នំពេញនិងក្រុងតាខ្មៅត្រូវបានបិទព្រោះតែឆ្លងរាលដាលជំងឺកូវីដ១៩ក្នុងសហគមន៍២០កុម្ភៈកន្លងទៅ។

លុះពេលចៅទៅលេងក៏បានឆ្លងជំងឺកូវីដ១៩ដល់តាយាយ រហូតក្រុមគ្រូពេទ្យយកលោកតា លោកយាយទៅព្យាបាលហើយលោកយាយបានស្លាប់នាថ្ងៃទី២៦ខែឧសភានៅសល់តែលោកតាប៉ុណ្ណោះ។

អ្វីដែលគួរឲ្យអាណិតខ្លោចចិត្តនោះគឺនៅពេលដែលលោកតាឡើងលើរថយន្តសង្គ្រោះលោកតាបានកាន់ដៃលោកយាយឡើងរថយន្តដើម្បីទៅព្យាបាលជំងឺ។ទីបំផុតលោកយាយបានស្លាប់នៅសល់តែលោកតាគួរឲ្យអាសូរបំផុត។នេះជាកំហុសរបស់ចៅៗមិនគួរណានាំជំងឺកូវីដទៅចម្លងលោកតា លោកយាយបែបនេះសោះ៕

ដោយ ៖ នរា