កូវីដ-១៩

លោក បណ្ឌិត កែរ រដ្ឋា ៖ មានកត្តា៤យ៉ាងធំៗនាំឲ្យការឆ្លងជំងឺកូវីដ ១៩នៅខេត្តស្វាយរៀងមិនមានការថមថយ

បានផុស

៥ years មុន

នៅ

ថ្ងៃព្រហស្បតិ៍ ១០ មិថុនា ២០២១

ដោយ

លោក បណ្ឌិត កែរ រដ្ឋា ប្រធានមន្ទីរសុខាភិបាលខេត្តស្វាយរៀង បានអះអាងថា មានកត្តា៤យ៉ាងធំៗដែលនាំឱ្យស្ថានភាពការឆ្លងរាលដាលជំងឺកូវីដ ១៩នៅខេត្តស្វាយរៀងមិនមានការថមថយនៅឡើយខណៈក្រុមការងារនៅតែបន្តរកឃើញវិជ្ជមានជំងឺកូវីដ ១៩ នៅក្នុងសហគមន៍ និងនៅតាមរោងចក្រជាបន្តបន្ទាប់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក បណ្ឌិត បានមានប្រសាសន៍នៅល្ងាចថ្ងៃទី១០មិថុនានេះថា កត្តាធំៗទាំង៤យ៉ាងនោះរួមមាន ទី១. មានក្រុមកម្មករមួយចំនួនមិនព្រម យក សំណាក នៅតាម រោងចក្រ និង មិន ព្រម ធ្វើចត្តាឡីស័ក នៅ ក្នុង រោងចក្រដោយពួកគាត់ ចេញពីរោងចក្រធ្វើដំណើរទៅផ្ទះហើយបានចម្លង ជំងឺកូវីដ-១៩ ចូលក្នុងក្រុមគ្រួសារនិងសហគមន៍។

លោកបណ្ឌិត បាន បន្តទៀតថា កត្តាទី២. ការអនុវត្តរក្សាគម្លាតសុវត្ថិភាពនៅមិនទាន់បានត្រឹមត្រូវតាមគោលការណ៍ណែនាំនៅឡើយទេដោយបងប្អូនកម្មករកម្មការិនីយើងតែងតែធ្វើដំណើរទៅមករោងចក្រសហគ្រាសដោយប្រើមធ្យោបាយរួមគ្នា ជិះប្រមូលផ្ដុំរួមគ្នាច្រើន។ កត្តា ទី ៣. ពលករខ្មែរមួយចំនួនបានវិលត្រឡប់ មក ពី ប្រទេស ថៃ ដោយពួកគាត់យក ជំងឺ កូវីដ -១៩ មក ជាមួយ និង ទី កត្តាទី៤. ការ មិន គោរព តាម វិធានការ សុខាភិបាល និង វិធានការ ៣កុំ ៣ការពារ របស់ សម្តេច តេជោ ហ៊ុន សែន ។ល។

លោក បណ្ឌិត កែរ រដ្ឋា បានលើកឡើងរបាយការណ៍មកបញ្ជាក់ថា គិតត្រឹមថ្ងៃទី៩ខែមិថុនាឆ្នាំ២០២១ ខេត្តស្វាយរៀងមានអ្នកឆ្លងជំងឺកូវីដ ១៩នៅក្នុងព្រឹតិ្តការណ៍សហគមន៍ ២០កុម្ភៈ ចំនួន ១១៧៤ នាក់ ស្រី ចំនួន ៦៧៦នាក់ ស្លាប់ចំនួន ៧នាក់ ព្យាបាលជាសះស្បើយចំនួន ៧៣៦ នាក់ ស្រី ៤១០នាក់ និងកំពុងធ្វើការព្យាបាលចំនួន ៤៣0នាក់ ស្រី ២៦៤នាក់៕

ដោយ ៖ សំអឿន