កសិករ អាយុ ៣៨ ឆ្នាំ ស្លាប់ដោយសារជំងឺកូវីដ១៩

រដ្ឋបាលខេត្តកំពង់ចាម នៅថ្ងៃទី ១១ ខែមិថុនានេះ បានឱ្យដឹងថា បុរសជនជាតិខ្មែរឈ្មោះ ឈិន វ៉ា អាយុ ៣៨ ឆ្នាំ ជាកសិករ រស់នៅភូមិព្រែកជីក ឃុំទន្លេបិទ ស្រុកត្បូងឃ្មុំ ខេត្តត្បូងឃ្មុំ។

សេចក្តីប្រកាសព័ត៌មានរបស់អាជ្ញាធរខេត្ត បញ្ជាក់ថា នៅថ្ងៃទី ០៦ ខែមិថុនា បុរសរូបនេះ បានចូលសម្រាកព្យាបាល នៅមន្ទីរពេទ្យខេត្តកំពង់ចាម ដោយរោគវិនិច្ឆ័យលើសឈាម។ នៅរយៈពេល ២ ថ្ងៃបន្ទាប់ គ្រូពេទ្យបានធ្វើតេស្តរកមេរោគកូវីដ១៩ បង្ហាញលទ្ធផលវិជ្ជមាន។

បុរសរូបនេះ ត្រូវបានបញ្ជូនមកសម្រាកព្យាបាលនៅមន្ទីពេទ្យមេគង្គកំពង់ចាម ដោយរោគវិនិច្ឆ័យលើសឈាម ដោយការវិវត្តនៃជំងឺចេះតែធ្ងន់ធ្ងរឡើង ហើយស្ថានភាពអ្នកជំងឺហត់ដង្ហក់ខ្លាំង ដែលតម្រូវឱ្យក្រុមគ្រូពេទ្យជួយសង្គ្រោះ តាមលក្ខណៈបច្ចេកទេស រួមទាំងការប្រើម៉ាស៊ីនជំនួយដង្ហើមផងនោះ ក៏នៅតែមិនអាចជួយសង្គ្រោះអ្នកជំងឺបាន។

អ្នកជំងឺបានស្លាប់ នៅថ្ងៃទី ១០ ខែមិថុនា វេលាម៉ោង ៣ ទៀបភ្លឺ ដោយគ្រូពេទ្យសន្និដ្ឋានថា ដោយការរលាកសួតធ្ងន់ធ្ងរដោយសារវិរុសកូវីដ១៩ និងជំងឺលើសឈាមរាំុរ៉ៃ៕

ពិស្តារ៖