កូវីដ-១៩

អបអរសាទរ លទ្ធផលធ្វើតេស្តជាចុងក្រោយលោកអភិបាលខណ្ឌមានជ័យអវិជ្ជមាន

បានផុស

៥ years មុន

នៅ

ថ្ងៃអង្គារ ២២ មិថុនា ២០២១

ដោយ

ភ្នំពេញ ៖ នៅយប់ថ្ងៃទី២២ខែមិថុនានេះកម្ពុជាថ្មី បានទទួលព័ត៌មានពីមន្ត្រីសាលាខណ្ឌមានជ័យ បញ្ជាក់ថា លទ្ធផលនៃការយកសំណាកជាលើកចុងក្រោយរបស់លោកពេជ្រ កែវមុនី អភិបាលខណ្ឌមានជ័យគឺអវិជ្ជមាន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមប្រភពច្បាស់ការបានឲ្យដឹងទៀតថា នៅថ្ងៃទី២២ ខែមិថុនានេះ ក្រុមគ្រូពេទ្យបានមកយកសំណាកលោក ពេជ្រ កែវមុនី អភិបាលខណ្ឌមានជ័យជាលើកចុងក្រោយ ខណៈដែលលើកដំបូង លោកអភិបាលខណ្ឌអវិជ្ជមានមកបន្ទាប់ពីលោកបានធ្វើចត្តាឡីស័ករួចមក។

មូលហេតុដែលគ្រូពេទ្យចុះមកយកសំណាកលោកអភិបាលខណ្ឌមានជ័យ បន្ទាប់ពីអ្នកបើកបររថយន្តឲ្យលោកព្រមទាំងជំនួយការចំនួន៥រូប មានវិជ្ជមានកូវីដ១៩ ហើយកំពុងសម្រាកព្យាបាលជំងឺ។ ដូច្នេះហើយទើបគ្រូពេទ្យសង្ស័យក្រែងលោកអភិបាលខណ្ឌមានវិជ្ជមានកូវីដ១៩។

ព័ត៌មាននៃលទ្ធផលយកសំណាកជាលើកចុងក្រោយហើយលោកពេជ្រ កែវមុនី អវិជ្ជមានមកគឺធ្វើឲ្យមន្ត្រីរាជការកងកម្លាំងប្រដាប់អាវុធព្រមទាំងប្រជាពលរដ្ឋក្នុងមូលដ្ឋានខណ្ឌមានជ័យមានក្តីរំភើបរីករាយគ្រប់ៗគ្នា។ ព្រោះប៉ុន្មានថ្ងៃនេះពួកគេកំពុងទន្ទឹងរង់ចាំមើលលទ្ធផលជាលើកចុងក្រោយនេះ៕

ដោយ ៖ នរា