កូវីដ-១៩

យកសំណាកអាជីវករផ្សារលើជាលើកទី២ រកឃើញវិជ្ជមានកូវីដ ១៩ចំនួន១១នាក់លើអាជីវករ២៤៨នាក់

បានផុស

៥ years មុន

នៅ

ថ្ងៃព្រហស្បតិ៍ ២២ កក្កដា ២០២១

ដោយ

កំពង់ឆ្នាំង ៖ លោក ងិន ចាន់សារ៉េត ប្រធានការិយាល័យសុខាភិបាលស្រុកប្រតិបត្តិកំពង់ឆ្នាំងជាអ្នកដឹកនាំក្រុមគ្រូពេទ្យសួរមុខនៃមន្ទីរសុខាភិបាលខេត្តកំពង់ឆ្នាំង បានឲ្យដឹងថា នៅព្រឹកថ្ងៃទី២២ ខែកក្កដា ឆ្នាំ២០២១ ក្រុមគ្រូពេទ្យ បានចុះយកសំណាកលើអាជីវករផ្សារលើ ជាលើកទី២ បន្តទៀតជាលទ្ធផលតេស្តរហ័ស ក្នុងចំណោមអាជីវករ ៤៨ នាក់រកឃើញវិជ្ជមានកូវីដ១៩ចំនួន១១នាក់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកងិន ចាន់សារ៉េត បានបញ្ជាក់ទៀតថា ជាមួយគ្នានេះរដ្ឋបាលខេត្តកំពង់ឆ្នាំង នៅព្រឹកថ្ងៃទី២២ ០៧ ២០២១នេះដែរ ក៏បានចេញសេចក្តីប្រកាសព័ត៌មានស្ដីពីរកឃើញវិជ្ជ មាន covid ១៩ ចំនួន ៤៦ (ស្រី ២៧នាក់) អ្នកទាំងនោះជាអាជីវករ មន្ត្រីរាជការ គ្រូបង្រៀន អ្នកអ៊ុតសក់ និងបុគ្គលិកអង្គការ ។ ពួកគាត់ទាំង នោះ មាននៅ ក្នុងក្រុងកំពង់ឆ្នាំង១៣នាក់, ស្រុកកំពង់លែងម្នាក់, ស្រុកជលគីរី៨នាក់, ស្រុកទឹកផុស១៧នាក់ និងស្រុករលាប្អៀរ ៨ នាក់ ។ អ្នកវិជ្ជមានកូវីដ១៩ ទាំង នោះបានយកទៅដាក់ឲ្យសម្រាកព្យាបាលនៅមន្ទីរពេទ្យខេត្តកំពង់ឆ្នាំង ,មណ្ឌលព្យាបាលសាលាបឋមសិក្សាគំរូក្រុង, មណ្ឌលព្យាបាលវិទ្យាល័យតេជោហ៊ុនសែនទឹកហូត, មណ្ឌលព្យាបាលវិទ្យាល័យ ហ៊ុនសែនកំពង់ត្រឡាច, មណ្ឌលព្យាបាលវិទ្យាល័យហ៊ុនសែនបរិបូណ៍, និងមណ្ឌលព្យាបាលវិទ្យាល័យហ៊ុនសែនកំពង់លែង។

ជាមួយគ្នានេះ រដ្ឋបាលសាលាខេត្ត ក៏បានបញ្ជាក់ពីចំនួនអ្នកជាសះស្បើយថ្មីចំនួន៤០ នាក់(ស្រី១៨ នាក់)ផងដែរ ដែលបានអនុញ្ញាតឲ្យចេញពីមណ្ឌលព្យាបាលទៅធ្វើចត្តាឡីស័កនៅលំនៅឋាន១៤ ថ្ងៃ។

ចំពោះអ្នកពាក់ព័ន្ធនឹងអ្នកវិជ្ជមាន ៤៦នាក់ ដែលរកឃើញម្សិលមិញ រដ្ឋបាលសាលាខេត្តកំពង់ឆ្នាំង បាន អំពាវនាវឱ្យបងប្អូន ទៅយកសំណាក នៅមន្ទីរសុខាភិបាល ឬ មណ្ឌល សុខភាពដែលនៅជិតបំផុត ដើម្បីរួមគ្នាទប់ស្កាត់ការរីករាលដាល ជំងឺកូវីត១៩៕

ដោយ ៖ ឈៀងថារិទ្ធ